(ပထမအကြိမ်ရောင်းရငွေအားလုံးကိုရခိုင်စစ်ဘေးရှောင်များနှင့် ကျန်းမာရေး၊ ပညာရေး၊သဘာ၀ပတ်ဝန်းကျင်ထိန်းသိမ်းရေးအတွက် လှူဒါန်းမည်ဟုဆို)

နိရဥ္စရာ၊ ဧပြီ ၁/၂၀၂၃

ရခိုင်ဓလေ့စရိုက်များအကြောင်း အင်္ဂလိပ်ဘာသာဖြင့်ရေးသားထား ထုတ်ဝေသည့် “ရမ်းဗြဲကျွန်းပေါ်မှလူကလေး” အမည်ရှိ"A Little Boy On Ramree Island" စာအုပ်ကို မြန်မာပြည်တွင်းတွင် ဧပြီ၅ ရက် စတင်ဖြန့်ချိတော့မည်ဟု သိ၇သည်။

အဆိုပါစာအုပ်ကို မြန်မာနိုင်ငံတွင်U Book Store ကပထမအကြိမ်အဖြစ် အုပ်ရေ ၁၀၀၀ ခန့်ရိုက်နှိပ်ထုတ်ဝေပြီး တစ်အုပ်လျှပ်၁၄၅၀၀ ကျပ်နှုန်းဖြင့် ရန်ကုန်၊ မန္တလေး၊ စစ်တွေနှင့်ကျောက်ဖြူမြို့ရှိစာအုပ်ဆိုင်များတွင် ဧပြီ ၅ ရက်မှစတင် ဖြန့်ချိရောင်းချသွားမည်ဟုU Book Store မှတာဝန်ရှိသူတစ်ဦးက နိရဥ္စရာသို့ပြောသည်။

"၇ခိုင်ကတခြားမြို့တွေမှာဖြန့်ချိနိုင်ဖို့လည်း အဆက်သွယ်လုပ်နေပါတယ်" ဟု ပြောသည်။

အဆိုပါစာအုပ်ကိုပထမအကြိမ်စာအုပ်ရောင်းရငွေအားလုံးအား ရခိုင်ပြည်ရှိယာယီနေထိုင်စားသောက်ရေးခက်ခဲနေသည့် စစ်ဘေးရှောင်များ၊ ကျန်မာရေး၊ ပညာရေးကဏ္ဍနှင့်သဘာ၀ပတ်ဝန်းကျင်ဂေဟစနစ်ထိန်းသိမ်းရေးလုပ်ငန်းများတွင် လှူဒါန်းသွားမည်ဟုလည်းစာရေးဆရာအောင်ဇေမင်းက သူ၏လူမှုကွန်ရက်စာမျက်နှာကတဆင့် ပြောဆိုထားသည်။

အဆိုပါစာအုပ်ကို ရမ်းဗြဲဇာတိဖွားစာရေးဆရာအောင်ဇေမင်းနှင့် ဇနီး ဂျေးလ်မင်း (Jill Brock Mong) တို့ကအင်္ဂလိပ်ဘာသာဖြင့် ပူးပေါင်း ရေးသားထားခြင်းဖြစ်သည်။

(၁၉၈၀) ပြည့်နှစ်နောက်ပိုင်းရခိုင်ပြည်နယ်၊ ရမ်းဗြဲကျွန်း၏ လူနေမှုဘ၀၊ ကျေးလက်ဒေသသဘာ၀ကိုအခြေခံကာ ရခိုင်ဒေသ၏ ဓလေ့စရိုက်များကို ဖော်ကျူးရေးသားထားခြင်း ဖြစ်ကြောင်းလည်း သိ၇သည်။

အဆိုပါ စာအုပ်တွင်စာမျက်နှာအားဖြင့် (၃၈၅)မျက်နှာ၊ အခန်း (၃၄)ခန်း ပါဝင်ပြီး အမေရိကန် AmazonKDP Books Store တွင်ဖေဖော်ဝါရီ (၆)ရက်က စတင်ဖြန့်ချိရောင်းချခဲ့ကြောင်း သိ၇သည်။

ဈေးနှုန်းအနေနှင့် E-bookကို ($6.99)၊ ရိုးရိုးစာအုပ်ကို ($12.99)၊စာအုပ်ဖုံးအထူစာအုပ်ပုံစံအား ($19.99) တို့ဖြင့် Amazon အသုံးပြုနိုင်သည့် နိုင်ငံများတွင် မှာယူဖတ်ရှုနိုင်သည်ဟုသိ၇သည်။

စာရေးဆရာအောင်ဇေမင်းမှာ ရခိုင်ပြည်နယ်၊ ရမ်းဗြဲမြို့နယ်၊ လေးတောင်မြို့ ဇာတိဖြစ်ပြီး၂၀၁၀ ပြည့်နှစ်ကအမေရိကန်ပြည်ထောင်စု၊ အိုဟိုင်းဝိုးပြည်နယ်သို့ ပြောင်းရွှေ့နေထိုင်ခဲ့သူဖြစ်ကြောင်းသိ၇သည်။ (NN-23)