ကြာသပတေး၊ မတ်လ ၂၈ရက်၊ ၂၀၂၄

ထီးတော်သစ်တင်လှူ၍ လောကာနန္ဒာစေတီပရဝုဏ်ရှိ စာဖြေသံဃာတော်များ နေရာပြောင်းရွေ့ဖြေဆိုနေရ


  • ရေးသူ: Web Master
  • | ရက်စွဲ: ၀၁ ဧပြီ ၂၀၂၃
  • | ကြည့်ရှုသူ: 6.2k

နိရဥ္စရာ၊ ဧပြီ ၁/၂၀၂၃

စစ်တွေမြို့ရှိ လောကာနန္ဒာစေတီထီးတော်သစ်အား  စစ်ကောင်စီဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်င်လှူခဲ့၍ ေတီတော် ပရဝုဏ်တွင် စာမေးပွဲဖြေဆိုနေကြသည့် စာဖြေသံဃာတော်များသည် နေရာပြောင်းရွေ့ပြီး စာမေးပွဲ ဖြေဆိုနေရသည်ဟု သိရသည်။

စစ်တွေမြို့၊ ရဲနွယ်စုရပ်ကွက်မှ လောကာနန္ဒာစေတီတော်ပရဝုဏ်အတွင်းရှိ သာသနာ့ ဗိမာန်တော်ကြီးတွင် မတ်လ ၂၁ ရက်မှစတင်ကာ ဧပြီလ ၃ ရက်အထိ မူလတန်း၊ အငယ်တန်း၊ အလတ်တန်း၊ အကြီးတန်းနှင့် ဓမ္မစရိယအတန်းတို့မှ ရာနှင့်ချီသောသံဃာတော်များ စာမေးပွဲ င်ရောက်ဖြေဆိုနေကြခြင်းဖြစ်သည်

ယင်းသို့ဖြေဆိုနေစဉ် မတ်လ ၂၈ ရက်မှစတင်ကာ စာဖြေသံဃာတော်များကို စစ်တွေရှိ ဘုရားကြီးနှင့် ဘုရားကြီးအနီးရှိ ဧစေတီတို့တွင် နေရာပြောင်းရွေ့ဖြေဆိုခိုင်းခဲ့ကြောင်း မြို့နယ်သံဃာ့နာယကအဖွဲ့နှင့် နီးစပ်သည့် ရဟန်းတော်တစ်ပါးက နိရဥ္စရာကိုမိန့်သည်။

မတ် ၃၁ ရက် နက် ၉ နာရီမှာ ဗိုလ်ချုပ်မှူးကြီး မင်းအောင်လှိုင်က  လောကာနန္ဒာစေတီမှာ ထီးတော်သစ်တင်လှူတယ်လေ။  စိန်ဖူးတော်၊ ငှက်မြတ်နားတော်တင်တယ်လေ။ အဲဒီကိစ္စနဲ့ပတ်သက်ပြီးတော့ စာဖြေဌာနကို ဘုရားကြီးနဲ့ ဧစေတီကို ပြောင်းခဲ့ရတယ်။ စေတီပရဝုဏ်မှာတော့ ရဟန်းသံဃာတော်တွေကို ပင့်ဖိတ်ပြီးတော့ ဘုရားအနေကဇာတင်မယ်၊ အခမ်းအနားလုပ်ဖို့အတွက် နေရာထိုင်ခင်းမရှိဘူးလေ။ အဲဒီဘုရားပရဝုဏ်အထဲမှာပဲ အဲဒီသာသနာ့ဗိမာန်အဆောင်ပဲရှိတယ်။ ဒါကြောင့် အနီးကပ် အဲဒီအဆောင်ကိုပဲ အသုံးပြုလိုက်ရတာထင်တယ်ဟု မိန့်သည်။

စာဖြေသံဃာတော်များသည် ယနေ့ ဧပြီ ၁ ရက်အထိ လောကာနန္ဒာစေတီ ပရ၀ုဏ်အတွင်း စာမေးပွဲ ဖြေဆိုခွင့် ပြန်မရရှိသေးဘဲ ုရားကြီးနှင့် ဧစေတီတွင် ဆက်လက်ဖြေဆိုနေရဆဲဖြစ်သည်။

 

 လောကာနန္ဒာစေတီတော် ပရဝုဏ်အတွင်းရှိ သာသနာ့ဗိမာန်တော်ကြီးသို့ ထပ်မံရွေ့ပြောင်း/မပြောင်း မသိရသေးဟု ဆက်လက်မိန့်သည်။

အခက်အခဲကတော့ မရှိခဲ့ဘူး။ အားလုံး မြို့နယ်သံဃာ့နာယကအဖွဲ့ကနေစလို့ သာသနာရေးဌာနက တာဝန်ရှိပုဂ္ဂိုလ်တွေကပါ အားလုံး စီမံခန့်ခွဲပြီးတော့ အားလုံးဆောင်ရွက်ပေးလို့ အားလုံး အဆင်ပြေကြပါတယ်ဟု မိန့်သည်။

အဆိုပါစာမေးပွဲကို မွန်းတည့် ၁၂ နာရီမှ နေ့လယ် ၃ နာရီအထိကျင်းပခြင်းဖြစ်ပြီး ဧပြီ ၂ ရက်နှင့် ၃ ရက်တို့တွင် အလတ်တန်းနှင့် အကြီးတန်းတို့ ဖြေဆိုရန်ရှိသေးသည်ဟု သိရသည်။ (NN-16)

 

ဆက်စပ် သတင်းများ