- Web Master
- ၂၅ မတ် ၂၀၂၄
နိရဥ္စရာ၊ ဧပြီ
၁/၂၀၂၃
စစ်တွေမြို့ရှိ လောကာနန္ဒာစေတီထီးတော်သစ်အား
စစ်ကောင်စီဥက္ကဋ္ဌ
ဗိုလ်ချုပ်မှူးကြီး မင်းအောင်လှိုင်တင်လှူခဲ့၍
စေတီတော် ပရဝုဏ်တွင်
စာမေးပွဲဖြေဆိုနေကြသည့် စာဖြေသံဃာတော်များသည် နေရာပြောင်းရွေ့ပြီး စာမေးပွဲ ဖြေဆိုနေရသည်ဟု
သိရသည်။
စစ်တွေမြို့၊
ရဲနွယ်စုရပ်ကွက်မှ လောကာနန္ဒာစေတီတော်ပရဝုဏ်အတွင်း
ယင်းသို့ဖြေဆိုနေစဉ် မတ်လ
၂၈ ရက်မှစတင်ကာ
စာဖြေသံဃာတော်များကို စစ်တွေရှိ ဘုရားကြီးနှင့် ဘုရားကြီးအနီးရှိ
ဧစေတီတို့တွင် နေရာပြောင်းရွေ့ဖြေဆိုခိုင်းခဲ့
“မတ် ၃၁ ရက် မနက် ၉ နာရီမှာ ဗိုလ်ချုပ်မှူးကြီး မင်းအောင်လှိုင်က လောကာနန္ဒာစေတီမှာ ထီးတော်သစ်တင်လှူတယ်လေ။ စိန်ဖူးတော်၊ ငှက်မြတ်နားတော်တင်တယ်လေ။
အဲဒီကိစ္စနဲ့ပတ်သက်ပြီးတော့ စာဖြေဌာနကို ဘုရားကြီးနဲ့ ဧစေတီကို
ပြောင်းခဲ့ရတယ်။ စေတီပရဝုဏ်မှာတော့ ရဟန်းသံဃာတော်တွေကို ပင့်ဖိတ်ပြီးတော့
ဘုရားအနေကဇာတင်မယ်၊ အခမ်းအနားလုပ်ဖို့အတွက် နေရာထိုင်ခင်းမရှိဘူးလေ။
အဲဒီဘုရားပရဝုဏ်အထဲမှာပဲ အဲဒီသာသနာ့ဗိမာန်အဆောင်ပဲရှိတယ်
စာဖြေသံဃာတော်များသည် ယနေ့
ဧပြီ ၁ ရက်အထိ လောကာနန္ဒာစေတီ ပရ၀ုဏ်အတွင်း
စာမေးပွဲ ဖြေဆိုခွင့် ပြန်မရရှိသေးဘဲ ဘုရားကြီးနှင့် ဧစေတီတွင်
ဆက်လက်ဖြေဆိုနေရဆဲဖြစ်သည်။
လောကာနန္ဒာစေတီတော်
ပရဝုဏ်အတွင်းရှိ သာသနာ့ဗိမာန်တော်ကြီးသို့ ထပ်မံရွေ့ပြောင်း/မပြောင်း
မသိရသေးဟု ဆက်လက်မိန့်သည်။
“အခက်အခဲကတော့ မရှိခဲ့ဘူး။
အားလုံး မြို့နယ်သံဃာ့နာယကအဖွဲ့ကနေစလို့ သာသနာရေးဌာနက တာဝန်ရှိပုဂ္ဂိုလ်တွေကပါ
အားလုံး စီမံခန့်ခွဲပြီးတော့ အားလုံးဆောင်ရွက်ပေးလို့ အားလုံး
အဆင်ပြေကြပါတယ်”ဟု
မိန့်သည်။
အဆိုပါစာမေးပွဲကို မွန်းတည့်
၁၂ နာရီမှ နေ့လယ် ၃ နာရီအထိကျင်းပခြင်းဖြစ်ပြီး ဧပြီ ၂ ရက်နှင့် ၃
ရက်တို့တွင် အလတ်တန်းနှင့် အကြီးတန်းတို့ ဖြေဆိုရန်ရှိသေးသည်ဟု သိရသည်။
(NN-16)