မြောက်ဦးနယ်တွင် တစ်ပိုင်တစ်နိုင် ဂန္ဓမာပန်းစိုက်လုပ်ငန်း ဓာတ်မြေဩဇာမသုံးဘဲ အောင်မြင်နေ

နိရဥ္စရာ၊ ဧပြီ ၂၀ /၂၀၂၃

၇ခိုင်ပြည်နယ်၊မြောက်ဦးမြို့နယ်တွင် လူငယ်တစ်ဦးက ဓာတ်မြေဩဇာမသုံးဘဲ စမ်းသပ် စိုက်ပျိုးခဲ့သည့်တစ်ပိုင်တစ်နိုင်ဂန္ဓမာပန်းစိုက်လုပ်ငန်းမှာ အောင်မြင်ကာ ဈေးကွက်တွင် ရောင်းချနေရပြီဟုသိ၇သည်။

အဆိုပါဂန္ဓမာပန်းစိုက်လုပ်ငန်းကိုမြောက်ဦးမြို့နယ်၊ အထုပ်သယ်မကျေးရွာမှ ကိုမောင်ဆန်းက ၂၀၂၂ ခုနှစ်၊ဒီဇင်ဘာလခန့်မှ စတင်စိုက်ပျိုးနေခြင်းဖြစ်ပြီး လက်ရှိ ပန်းဈေးကွက်တွင် တစ်ရက် ကျပ် ၆ သောင်းမှ ကျပ် ၃ သိန်းခန့်အထိရောင်းချနေ၇ပြီဟု ကိုမောင်ဆန်းက ပြောသည်။

"အခုကဂန္ဓာမာပန်းသုံးမျိုးလောက်စိုက်ထားပါတယ်။ ဓာတ်မြေဩဇာတော့မသုံးဘဲနွားချေးနဲ့ မြေသားနဲ့အဓိကစိုက်တာပါ။ အခုစိုက်ခင်းက ပွင့်တဲ့ပန်းတွေကို မင်းပြားကပန်းဒိုင်တွေ၊ ပန်းရောင်းသူတွေကို ပြန်ရောင်းနေရပါပြီ။ဖောက်သယ်မှာယူတဲ့ နေ့တွေဆိုရင် တစ်ရက် ၂ သိန်းကနေ ၃ သိန်းလောက်ထိရောင်း၇ပါတယ်။ဖောက်သယ် မမှာတဲ့နေ့တွေဆိုတော့ တစ်ရက် ၆ သောင်း ၇ သောင်းဖိုးကတော့ရောင်း၇ပါတယ်" ဟု ပြောသည်။

လက်ရှိသူ၏ပန်းစိုက်ခင်းတွင် ကိုရီးယား၊ ဆမ်းမားဝါနှင့် မြနှင်းဖြူစသည့်ဂန္ဓမာပန်းမျိုးသုံးခုစိုက်ပျိုးထားပြီးရွက်လှဆေးတချို့အသုံးပြုသော်လည်း ဓာတ်မြေဩဇာကိုမူ လုံး၀အသုံးမပြုဘဲစိုက်ပျိုးထားခြင်းဖြစ်ကြောင်း ကိုမောင်ဆန်းက ပြောသည်။

အဆိုပါဂန္ဓမာပျိုးပင်များကို အဆွေးခံထားသည့်နွားချေးခြောက်နှင့် မြေသားဘောင်ပြုလုပ်ကာ စိုက်ပျိုးကြောင်း၊စတင်စိုက်ပျိုးပြီး ပျိုးပင်များအား နေ့စဉ် ၁၅ မိနစ်ခန့်ရေလောင်းပေး၇ကြောင်း၊ပင်ပိုင်းကြီးထွားလာသည့်အချိန်တွင်လည်း မြေသားခြောက်သွေ့မှု မရှိစေရန်နေ့စဉ် ရေပုံမှန်ပေး၇ကြောင်း၊ယင်းသို့ ပြုစုပျိုးထောင်ပြီးနောက်ရက်ပေါင်း ၁၀၀ အတွင်း အပွင့်ပွင့်ပြီး ခူးယူနိုင်ကြောင်း ကိုမောင်ဆန်းကပြောသည်။

"ဂန္ဓမာပန်းက မြေသားခြောက်သွားလို့မရပါဘူး။ ရေများများလောင်းပေး၇ပါတယ်။ မြေသားကစိုထိုင်းနေမှ အဆင်ပြေပါတယ်" ဟု ပြောသည်။

ဂန္ဓမာပန်းများတွင် မျိုးကွဲပေါင်းများစွာရှိပြီးဆန်းမားဖြူ၊ ဆန်းမားဝါ၊ လပ်ကီးဖြူ၊ လက်ကီးနီ၊ ရွှေစိမ်း၊ ကီလို၊ ကြွေဖြူ၊ကြွေဝါ၊ ချက်စိမ်း၊ ပုလဲဖြူစသည့် မြန်မာနိုင်ငံအတွင်း စိုက်ပျိုးနေသောဂန္ဓမာပန်းမျိုးများစွာရှိကြောင်း သိ၇သည်။

ဂန္ဓမာပန်းများသည် ပင်ပိုင်းကြီးထွားရန်အတွက်နေရောင်ခြည် အပြည့်အ၀နှင့် နေ့တာရှည်ပြီး မြင့်မားသောအပူချိန်၂၀-၂၈ ဒီဂရီ ဆဲလ်ဆီးယပ်နှင့် ပန်းပွင့်ရန်အတွက် နေ့တာတိုပြီးနိမ့်ကျသော အပူချိန် ၁၀-၂၈ ဒီဂရီ ဆဲလ်ဆီးယပ် လိုအပ်ကြောင်း၊ စိုက်ပျိုး ဖြစ်ထွန်းမှုအကောင်းဆုံးအခြေအနေမှာ နေ့အပူချိန် ၂၀-၂၈ ဒီဂရီ ဆဲလ်ဆီးယပ်နှင့်ညအပူချိန် ၁၅-၂၀ ဒီဂရီ ဆဲလ်ဆီးယပ်တွင် ဖြစ်ကြောင်း လေ့လာသိရှိ၇သည်။

ရေခံမြေခံကောင်းပြီးစိုက်ပျိုးမြေအမြောက်အများရှိသည့် ရခိုင်ဒေသမှ ပန်းစိုက်ပျိုးရေး ဝါသနာပါသည့် ဒေသခံများအနေဖြင့်လည်းအသက်မွေးဝမ်းကျောင်းလုပ်ငန်းတစ်ခု အဖြစ်ရပ်တည်နိုင်ဖို့အတွက် စမ်းသပ်စိုက်ပျိုးကြည့်ရန်ကိုမောင်ဆန်းက အကြံပြု ပြောဆိုသည်။

"ကျွန်တော်တို့ရွာတွေဖက်မှာအရင်ကစိုက်ပျိုးခဲ့ကြတဲ့သူတွေတော့ရှိတယ်။ နောက်ပိုင်း မစိုက်ကြတော့ဘူး။ ပန်းစိုက်တာကလည်းဝါသနာပါဖို့လည်းလိုပါတယ်။ ဝါသနာပါတဲ့လူတွေအနေနဲ့စမ်းသပ်စိုက်ပျိုးကြည့်ဖို့ကောင်းပါတယ်" ဟု ပြောသည်။

အဆိုပါ ဂန္ဓမာပန်းအားဘုရားပန်းအဖြစ်လည်းကောင်း၊ ပန်းခြင်းပန်းခွေအဖြစ်လည်းကောင်း၊ အိမ်တွင်း၊အလှူ၊ မင်္ဂလာဆောင်နှင့် ဧည့်ခံပွဲအခမ်းအနားများတွင် အလှပန်းအိုးအဖြစ်လည်းကောင်းသုံးစွဲလေ့ရှိကြသည်။

၇ခိုင်ဒေသတွင် စိုက်ပျိုးမြေအရင်းအမြစ်အလုံအလောက်ရှိသော်လည်း ပန်းစိုက်ပျိုးရေးလုပ်ကိုင်သူ နည်းပါးလွန်းသည့်အတွက် ဂန္ဓမာပန်းမျိုးစုံအပါအဝင်သစ္စာပန်း၊ လီလီ၊ ကြယ်တာရာ၊ သပြေ၊ မေမြို့ပန်း၊ နှင်းဆီအစရှိသည့်အလှဆင်ပန်းများအား ပြည်မဖက်မှ မှာယူတင်သွင်းနေ၇ကြောင်း ရခိုင်ကပန်းရောင်းဝယ်ရေးဈေးကွက်ထံမှ သိ၇သည်။

ယင်းသို့ ပြည်မဘက်မှ မှာယူနေရသည့်အလှဆင်ပန်းများထဲတွင် ရခိုင်ရေ၊ မြေ၊ ရာသီဥတုနှင့် စိုက်ပျိုးလျှင်ဖြစ်ထွန်းနိုင်သည့် ပန်းများလည်းပါဝင်ကြောင်း ၇ခိုင်ဒေသခံတို့ကပြောဆိုကြသည်။

တောင်ကုတ်မြို့ခံအမျိုးသမီးတစ်ဦးက "အခုက ဈေးထဲမှာ ရောင်းနေတဲ့ ဘုရားပန်းတွေကရန်ကုန်ဘက်ကမှာတဲ့ပန်းတွေပဲများတယ်။ သပြေပန်းတောင် အဲဒီဘက်ကမှာနေရတယ်။ကိုယ့်ဘက်မှာစိုက်လို့ ရတဲ့ပန်းတွေလည်း ပြည်မဘက်ကမှာပြီး ပြန်ရောင်းနေတာလေ"ဟု ပြောသည်။

ရခိုင်ဒေသတွင်ပန်းစိုက်ပျိုးရေးလုပ်ငန်းများကို တစ်ပိုင်တစ်နိုင်(သို့မဟုတ်)စီးပွားဖြစ် စိုက်ပျိုးသူများပြားလာပါက ဒေသတွင်းအလှဆင်ပန်းလိုအပ်ချက်ကို ဖြည့်ဆည်းနိုင်ပြီး အလုပ်အကိုင် အခွင့်အလမ်းနှင့်ဝင်ငွေများရရှိနိုင်မည်ဖြစ်သလို ပြည်မဘက်မှ မှာယူမှုကိုလည်းတဖြည်းဖြည်းလျှော့ချနိုင်မည်ဟုလည်း ပြောဆိုကြသည်။ (NN-23)

ဓာတ်ပုံ-မြောက်ဦးမြို့နယ်၊ အထုပ်သယ်မကျေးရွာမှ ဓာတ်မြေဩဇာမသုံးဘဲ စိုက်ပျိုးထားသည့်ဂန္ဓမာပန်းခင်းအား တွေ့၇စဉ်။

မြောက်ဦးနယ်တွင် တစ်ပိုင်တစ်နိုင် ဂန္ဓမာပန်းစိုက်လုပ်ငန်း ဓာတ်မြေဩဇာမသုံးဘဲ အောင်မြင်နေ

ဆက်စပ် အကြောင်းအရာများ

နောက်ဆုံးရသတင်းများ