(အဆိုပါ ၅၁ ကျောင်းတွင် ၇ခိုင်မှ ၃ကျောင်းပါဝင်)

နိရဉ္စရာ၊ ဧပြီ ၂၀/၂၀၂၃

ယခု၂၀၂၃-၂၀၂၄ ပညာသင်နှစ်တွင် စကစ ပညာရေးဝန်ကြီးဌာနမှ ၇ခိုင်က အထက်တန်းကျောင်း ၃ ကျောင်းအပါအဝင်မြန်မာတစ်နိုင်ငံလုံးရှိ အခြေခံပညာစာသင်ကျောင်း၅၁ ကျောင်း၌ သက်မွေးဝမ်းကျောင်း ဘာသာရပ်များဖြစ်သော စက်မှု၊ စိုက်ပျိုးရေး၊ မွေးမြူရေးဘာသာရပ်များကို စမ်းသပ် သင်ကြားသွားမည်ဖြစ်ကြောင်း သိ၇သည်။

၇ခိုင်ပြည်နယ်တွင် သင်ကြားပေးမည့်ကျောင်းများမှာစစ်တွေခရိုင်မှ အထက (၁) စစ်တွေ၊ အမ်းခရိုင်မှ အထက (၁)အမ်းနှင့် သံတွဲခရိုင်မှ အထက (၂)သံတွဲတို့ဖြစ်ကြောင်း ပြည်နယ်ပညာရေးမှူးရုံးမှသိ၇သည်။

အဆိုပါစက်မှု၊ စိုက်ပျိုးရေး၊ မွေးမြူရေးဘာသာရပ်များကို Grade (10)မှGrade (12) ပညာသင်နှစ်အထိ အခြားဘာသာရပ်များနှင့်အတူ တွဲဘက်သင်ကြားသွားမည်ဖြစ်ကြောင်း ပြည်နယ်ပညာရေးမှူးဦးဘထွီးစိန်က နိရ ဉ္စရာသို့ပြောသည်။

"ကျောင်းသင်ဘာသာတွေနဲ့ တွဲပြီးသင်သွားမှာပါ။ပထမနှစ်အစမ်းမို့လို့ ၇ခိုင်က ကျောင်းသုံးကျောင်းမှာပဲ ဒီပညာရပ်တွေကို လောလောဆယ်အစမ်းသင်သွားမှာပါ။ နောက်ထပ်ကျောင်းသားမိဘတွေရဲ့လိုအပ်ချက်အ၇ နောက်နှစ်တွေမှာ တိုးဖွင့်၊ မဖွင့်ကိုတော့လောလောဆယ်မသိရသေးဘူး။ စိတ်ဝင်စားလို့သင်ချင်ရင်တော့ ကျောင်းပြောင်းပြီးတော့သင်လို့၇တယ်" ဟုပြောသည်။

အဆိုပါဘာသာရပ်များတွင် ဘာသာရပ်အမျိုးအစားအလိုက် သာမန်အဆင့်နှင့်ထူးချွန်အဆင့်များရရှိသူများအနေဖြင့် သတ်မှတ်ထားသည့် တက္ကသိုလ်များကိုတက်ခွင့်ရှိမည်ဖြစ်ပြီး ဆက်မတက်ဖြစ်လျှင်လည်း သက်မွေးဝမ်းကျောင်းလုပ်ငန်းများတွင်ဝင်ရောက်လုပ်ကိုင်နိုင်စွမ်းရှိစေရန်အတွက် ယခုစနစ်ကို အကောင်အထည်ဖော်၇ခြင်း ဖြစ်သည်ဟုဆိုသည်။

အဆိုပါဘာသာရပ်၃ ခုကို သက်ဆိုင်ရာဌာနဆိုင်ရာများနှင့် တက္ကသိုလ်များမှ နည်းပြဆရာများကသင်ကြားပေးသွားမည်ဖြစ်ကြောင်း သိ၇သည်။

အဆိုပါသက်မွေးဝမ်းကျောင်းဘာသာရပ်များကို သင်ကြားသွားမည့်အချိန်ဇယားအားမသိရသေးသော်လည်း ကျောင်းဆောင်များနှင့် သင်ကြားရေးအထောက်အကူပြုပစ္စည်းများကိုကြိုတင်ဖြည့်ထားပြီဖြစ်ကြောင်း သိ၇သည်။

ကျောင်းသားမိဘတစ်ဦးက "ဒီလိုမျိုးအသက်မွေးပညာရပ်တွေပါတွဲသင်၇မယ်ဆိုတာတော့ ကောင်းပါတယ်။ လက်တွေ့မှာသေချာအသုံးချနိုင်အောင် သင်ပေးနိုင်မယ်ဆိုရင် ကလေးတွေ သင်ထားရတာတွေလည်းအကျိုးရှိသွားမယ်။ ဒီတစ်နှစ်အဆင်ပြေရင် နောက်နှစ်တွေမှာကျောင်းတွေတိုးပြီး ဒီလိုဖွင့်သွားနိုင်ရင်ပိုကောင်းတယ်" ဟုပြောသည်။

ထိုသို့အခြေခံပညာအထက်တန်းကျောင်းများတွင်စက်မှု၊ စိုက်ပျိုးရေး၊ မွေးမြူရေးကဲ့သို့ သက်မွေးဝမ်းကျောင်းပညာရပ်များကိုမြန်မာတစ်နိုင်ငံလုံးရှိ အခြေခံပညာကျောင်းပေါင်း၅၁ ကျောင်းတွင် ၂၀၂၃-၂၀၂၄ ပညာသင်နှစ်အတွင်း ပထမဆုံးအကြိမ်အဖြစ် အစမ်းသင်ကြားပြသသွားမည်ဖြစ်ကြောင်းသိ၇သည်။ (NN-8)