ရမ်းဗြဲ ကျောက်ချောင်းတိုက်နယ် ရမ္မာဝတီကမ်းခြေတွင် ၂ ရက်ကြာသင်္ကြန်ကျင်းပနေ

နိရဥ္စရာ၊ ဧပြီ ၂၄/၂၀၂၃
(ဓာတ်ပုံသတင်း)

ရခိုင်ပြည်နယ်၊ ရမ်းဗြဲမြို့နယ်၊ ကျောက်ချောင်းတိုက်နယ်၊ အောင်လှပြင်ရွာကမ်းခြေအနီးတွင် ရမ္မာဝတီကမ်းခြေသင်္ကြန်ပွဲတော်ကို ယနေ့ ဧပြီ ၂၄ ရက်မှစတင်ကာ ၂ ရက်ကြာ ကျင်းပနေသည်ဟု သတင်းရရှိသည်။

အဆိုပါ ရမ္မာဝတီကမ်းခြေသင်္ကြန်ကို မြတန်ဆောင်းဖောင်ဒေးရှင်းက စီစဉ်ကျင်းပနေခြင်းဖြစ်ပြီး ယနေ့အစနေ့တွင် လူပေါင်းတစ်ထောင်ခန့် ပါဝင်ဆင်နွှဲနေကြောင်း သိရသည်။

လက်ရှိ ကျင်းပလျက်ရှိသည့် ရမ္မာဝတီကမ်းခြေသင်္ကြန်တွင် ရခိုင်အဆိုတော်များလည်း သီဆိုဖျော်ဖြေလျက်ရှိပြီး ပွဲလက်မှတ်တစ်စောင်လျှင် ကျပ် ၃၀၀၀ နှုန်းဖြင့်ရောင်းချလျက်ရှိကြောင်း သိရသည်။ (NN-8)