နိရဥ္စရာ၊မေ ၅/ ၂၀၂၃

၇ခိုင်ပြည်နယ်၊ကျောက်တော်မြို့နယ်၊ ခေါင်းတုတ်မွတ်ဆလင်ကျေးရွာတွင်မီးလောင်မှုဖြစ်ပွား၍ လူနေအိမ် ၄ လုံးမီးလောင်ပျက်စီးဆုံးရှုံးသွားသည်ဟုသိ၇သည်။

ယနေ့မေလ ၅ ရက်၊ နံနက် ၉ နာရီခွဲက အဆိုပါကျေးရွာရှိ လူနေအိမ် ၁ လုံးတွင် ထမင်းချက်စဥ်ကြွင်းကျန်ခဲ့သည့်မီးကြွင်းမီးကျန်မှတဆင့် မီးစတင်လောင်ကျွမ်းရာမှအခြားအိမ်များသို့ ကူးစက်လောင်ကျွမ်းခဲ့ခြင်းဖြစ်သည်ဟု ကျောက်တော်မြို့၊ဖြူစင်မေတ္တာလူမှုကူညီကယ်ဆယ်ရေးအဖွဲ့ သတင်းနှင့် ပြန်ကြားရေးတာဝန်ခံကိုနိုင်ဝင်းလွင်က ပြောသည်။

"မီးလောင်တာက ကျွန်တော်တို့ကြားသိခဲ့ရသလောက်ပေါ့ဆမီးလို့ကြား၇တယ်။ ထမင်းချက်ပြီး မီးကြွင်းကျန်ကလောင်တာလို့ ပြောကြတယ်"ဟု ပြောသည်။

ယင်းမီးလောင်ကျွမ်းမူကြောင့်လူထိခိုက်ဒဏ်ရာရရှိမှုမရှိခဲ့ဟုလည်း သိ၇သည်။

အဆိုပါမီးလောင်ကျွမ်းမှုကိုကျောက်တော်မြို့နယ်မီးသတ်တပ်ဖွဲ့နှင့် ဖြူစင်မေတ္တာလူမှုကူညီကယ်ဆယ်ရေးအဖွဲ့တို့ ပူးပေါင်းမီးငြိမ်းသတ်ခဲ့၍ နံနက် ၁၀ နာရီခွဲတွင် မီးငြိမ်းသွားခဲ့သည်ဟုသိ၇သည်။

၇ခိုင်တွင်မီးလောင်မှုကြောင့် ယခုနှစ်ဇန်နဝါရီလမှ ဧပြီလအထိ ၄ လအတွင်း ၇ဟန်းတစ်ပါးအပါအဝင် (၆) ဦးသေဆုံးခဲ့ပြီး လူနေအိမ်အလုံး ၄၀ကျော်နှင့် ဆိုင်ခန်းအချို့ ပျက်စီးဆုံးရှုံးသွားပြီသည်ဟုသိ၇သည်။။(NN-12)

Photo - Naing Win Lwin