၇ခိုင်ပြည်နယ်၊ပေါက်တောမြို့နယ်ကြိမ်နီပြင်မွတ်ဆလင်ဒုက္ခသည်စခန်းတွင် ယမန်နေ့ည ၅နာရီခွဲကျော်ကမီးလောင်မှုဖြစ်ပွား၍ လူနေအိမ် ၁၅၀ လုံးနှင့် ခိုလှုံရာအဆောင်၃၅ လုံးမီးထဲပါသွားကာလူပေါင်း ၃ ထောင်ကျော် အိုးမဲ့အိမ်မဲ့ဖြစ်သွားသည်ဟု သိ၇သည်။

အဆိုပါမီးလောင်မှုသည် ကြိမ်နီပြင်ဒုက္ခသည် စခန်းရှိဦးအီလီယာ၏နေအိမ်တွင် ၎င်း၏ဇနီးဖြစ်သူ ထမင်း၊ဟင်းချက်ရာမှ မီးစတင်လောင်ကျွမ်းခဲ့ခြင်းဖြစ်ကြောင်း ကြိမ်နီပြင်စခန်းမှတာဝန်ရှိသူတစ်ဦးက နိရဉ္စရာသတင်းဌာနကိုပြောသည်။

အဆိုပါမီးလောင်မှုသည် ယမန်နေ့ည ၉ နာရီခန့်ထိ ဆက်လက်ကူးစက်လောင်ကျွမ်းခဲ့ပြီး  အနီးအနားတွင် နေအိမ်များမရှိတော့မှ မီးငြိမ်းသွားခဲ့သည်  စခန်းတာဝန်ခံ ဦးအောင်ကျော်ထွန်းကနိရဉ္စရာသို့ပြောသည်။

"လူအထိအခိုက်တွေဘာတွေတော့မရှိဘူး။အိမ်အကောင်းတစ်လုံးတန်ဖိုးဆိုရင် သိန်း၁၅၀လောက်ရှိတယ်။ အဲလိုအိမ်တွေလည်း ၁၂လုံးလောက်ပါသွားတယ်။ တစ်ချို့တွေမှာဆိုရင် စပါးတွေလှောင်ထားတာလည်းပါသွားတယ်။ ပိုက်ဆံတွေ၊ရွှေတွေလည်း ပြန်မယူနိုင်လို့ ပါသွားကြပါတယ်။ အခုစပါးတွေကဈေးတက်တော့WFPကပိုက်ဆံပေးတဲ့အချိန်မှာ စပါးတွေလှောင်ထားကြတာပါ။ စပါးတွေအများပြားမီးထဲပါသွားပါတယ်" ဟုပြောသည်။

အဆိုပါမီးလောင်မှုကြောင့် စခန်းရှိလူဦးရေ ၃၇၁၀ ဦးမှာ အိုးမဲ့အိမ်မဲ့ဖြစ်နေပြီး လတ်တလောတွင် စာသင်ကျောင်းများနှင့်အသိမိတ်ဆွေအိမ်များတွင် နေနေရကြောင်း သိ၇သည်။

လက်ရှိတွင်မီးလောင်မှုစတင်ဖြစ်ပွားခဲ့သည့် ဦးအီလီယာ၏နေအိမ်မှ ဦးအီလီယာအပါအဝင်၎င်း၏ဇနီးဖြစ်သူနှစ်ဦးတို့သည်လည်း ရှောင်ပြေးနေကြောင်း စခန်းတာဝန်ခံကပြောသည်။

ထိုမီးလောင်မှုဖြစ်ပွားခဲ့သည့်ကြိမ်နီပြင်စခန်းတွင် ပေါက်တောမြို့နယ် ဒုအုပ်ချုပ်ရေးမှူးနှင့်အစိုးရဌာနဆိုင်ရာမှတာဝန်ရှိသူများက ယမန်နေ့ ညကသွားရောက်ကြည့်၇ှုခဲ့ကြပြီးယနေ့တွင်လည်း ထပ်မံလာရောက်သွားမည်ဖြစ်ကြောင်း သိ၇သည်။

အဆိုပါ ကြိမ်နီပြင်IPD စခန်းတွင်မွတ်ဆလင် ဒုက္ခသည်ပေါင်း ၇၀၀၀ ကျော်နေထိုင်လျက်ရှိပြီး ၎င်းစခန်းကိုပြီးခဲ့သည့် ၂၀၁၂ ခုနှစ်က ၇ခိုင်ပြည်အတွင်းဖြစ်ပွားခဲ့သည့် ပဋိပက္ခများအပြီးတွင်ဖွင့်လှစ်ခဲ့ခြင်းဖြစ်ကြောင်း သိ၇သည်။

(NN-8)