ရခိုင်ပြည်နယ်ရှိ မြို့နယ်အချို့တွင် ယနေ့ညဉ့်အချိန်က ငလျင်တစ်ခုလှုပ်ခတ်ခဲ့သည်ဟု ဒေသခံများက ပြောသည်။
ရခိုင်ရှိ စစ်တွေ၊ ကျောက်တော်၊ မြောက်ဦး၊ မင်းပြား၊ ပုဏ္ဏားကျွန်း၊ ၇သေ့တောင်၊ ဘူးသီးတောင်နှင့် မောင်တောစသည့်မြို့နယ်များတွင် ယနေ့ မေလ ၁၂ ရက်၊ ညဥ့် ၃ နာရီ ၁၅ မိနစ်ခန့်တွင် ၅ စက္ကန့်ခန့်အကြာ လှုပ်ခတ်ခဲ့ခြင်းဖြစ်သည်ဟု ပြောကြသည်။
စစ်တွေဒေသခံတစ်ဦးက“အိပ်နေတုန်း ငလျင်လှုပ်လို့ နိုးလာတာ။ သိပ်အကြာကြီး လှုပ်သွားတာတော့ မဟုတ်ဘူး။ သိပ်လည်း ပြင်းထန်တယ်လို့ ပြောလို့ မ၇ဘူး”ဟု ပြောသည်။
၇သေ့တောင်ဒေသခံတစ်ဦးကလည်း ငလျင်လှုပ်ခတ်ခဲ့မှုကြောင့် အိပ်ရာမှ နိုးသွားခဲ့၇သည်ဟု ပြောသည်။
မိုးလေ၀သနှင့် ဇလဗေဒညွှန်ကြားမှုဦးစီးဌာနကလည်း “ယနေ့ မေလ (၁၂) ရက်၊ မြန်မာစံတော်ချိန်(၀၃)နာရီ၊ (၁၄)မိနစ်၊ (၅၅) စက္ကန့်အချိန်တွင် ဟားခါးမြေငလျင်စခန်းမှ အနောက်တောင်ဘက် (၇၃) မိုင်ခန့်အကွာ၊ မြန်မာနိုင်ငံ ပြည်တွင်း (မတူပီမြို့၏ အနောက်-အနောက်မြောက်ဘက် (၂၁) မိုင်ခန့်အကွာ) မြောက်လတ္တီ တွဒ် (၂၁.၆၇) ဒီဂရီ၊ အရှေ့လောင်ဂျီတွဒ် (၉၃.၁၂)ဒီဂရီ၊ အနက် (၇၁) ကီလိုမီတာကို ဗဟိုပြု၍ အင်အားရစ်(ခ်)တာစကေး (၄.၆) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှား သွားကြောင်း တိုင်းထွာရရှိပါသည်”ဟု ယနေ့နံနက်တွင် ထုတ်ပြန်ထားသည်။ (NN-16)
လှူရန်