နိရဉ္စရာ၊မေလ ၂၅/၂၀၂၃

မိုခါ မုန်တိုင်းသင့် ပြည်သူများအတွက် နိုင်ငံတကာက ကူညီလှူဒါန်းသည့်ပစ္စည်းများ မြန်မာနိုင်ငံသို့ အများအပြား ရောက်ရှိလာနေပြီဖြစ်သော်လည်း၎င်းအထောက်အပံ့ပစ္စည်းများမှာ ယနေ့အချိန်ထိမုန်တိုင်းသင့် ၇ခိုင်ပြည်သူများထံ ရောက်ရှိလာခြင်းမရှိသေးဟု စုံစမ်းသိရှိ၇သည်။

“ အလှူအတန်းပစ္စည်းတွေရောက်နေတယ်လို့တော့ ကြားတယ်။ အဲ့ဒီနိုင်ငံတကာက ပစ္စည်းတွေကလိုအပ်တဲ့ ဒေသခံတွေဆီကို ရောက်တယ်လို့တော့ မကြားမိသေးဘူး။ ရွက်ဖျင်တဲတွေဘာတွေ ပါတယ်ပြောတယ် ဘယ်လိုဆိုတာ ဘယ်မှာ ပြန်လှူတယ်ဆိုတာမျိုးတွေ့ကိုမတွေ့ဖူးသေးဘူး” ဟုစစ်တွေဒေသခံ တစ်ဦးက ပြောသည်။

စစ်တွေမြို့ပေါ်က မိုခါမုန်တိုင်းသင့် ရပ်ကွက်တစ်ချို့တွင် ကြက်ဥနှင့် ဆန် ဝေငှ လှူဒါန်းမှုတစ်ချို့ရှိခဲ့သော်လည်းမရရှိသူများလည်း ရှိကြောင်း ၎င်းက ဆက်လက်ပြောဆိုသည်။

မိုခါသင့် ပြည်သူများကိုအာဆီနိုင်ငံများနှင့် နိုင်ငံတကာအဖွဲ့အစည်းများမှ စစ်ကောင်စီထံသို့လှူဒါန်းပစ္စည်းများ ကို မေလ ၁၈ ရက်နေ့ နောက်ပိုင်းကတည်းက လှူဒါန်းခဲ့ကြကြောင်းတွေ့ရှိ၇သည်။

မေလ ၂၃ရက်နေ့က မိုခါသင့် ဒေသများအတွက် ထိုင်းနိုင်ငံက ယာယီတဲများ၊ ခြင်ထောင်များ၊အသင့်စား ခေါက်ဆွဲခြောက်များပါဝင် သည့် တန်ချိန် ၂၀ ခန့်ရှိ လှူဒါန်းပစ္စည်းများကိုစစ်ကောင်စီ လက်ခံရရှိခဲ့ကြောင်း သိရှိ၇သည်။

ထိုအပြင် မေလ၂၂ ရက်နေ့က အာဆီနိုင်ငံများက လှူဒါန်းပေးပို့သည့် အမေရိကန်ဒေါ်လာ ၆ သောင်းတန်ဖိုးရှိသည့်တန်ချိန် ၁၅၅၅၀ ကီလိုဂရမ်ရှိ လှူဒါန်းပစ္စည်းများကိုလည်းလက်ခံရရှိထားကြောင်း သိရှိ၇သည်။

အိန္ဒိယနိုင်ငံမှလည်း အဟာရဖြည့်ဘီစကွတ်များ၊ ငါးသေတ္တာ၊ ရွက်ဖျင်တဲ၊ တာပေါ်လင်စ၊ ဆေးဝါးပစ္စည်းများနှင့် အခြားအသုံးအဆောင်များပါဝင်သည့် တန်ချိန် ၂၅ တန်ခန့်ရှိလှူဒါန်းပစ္စည်းများကိုလည်း စစ်ကောင်စီက လက်ခံရရှိထားပြီးဖြစ်သည်။

“ အခုက မုန်တိုင်းသင့် ဒေသတော်တော်များကို ကယ်ဆယ်ရေးပစ္စည်းတွေမရောက်သေးဘူး။ မုန်တိုင်းတိုက်ခတ်သွားတာလည်း ၁၀ ရက်ကျော်သွားပြီ။ မုန်တိုင်းဒဏ်ခံခဲ့ရတဲ့သူတွေကအလှူပစ္စည်းတွေ ရောက်လာနိုးနဲ့ စောင့်နေတာ ဘယ်က ရောက်လာမရှိတော့ စိတ်ဓာတ်အရမ်းကျနေကြရတယ်။မိုးစရာကလည်း မရှိ၊ ကာစရာရှိလည်း မရှိ။ ဒီအတိုင်းဟာလာဟင်းလင်းနေနေကြ၇တယ်”ဟုကျောက်တော်မြို့နယ် ဒေသခံ တစ်ဦးက ပြောသည်။

မိုခါဒဏ်ကို ၇ခိုင်ပြည်နယ်စစ်တွေ၊ ၇သေ့တောင်၊ ပုဏ္ဏားကျွန်း၊ ကျောက်တော် အများဆုံးကြုံတွေ့ခံစားခဲ့၇ပြီး နေအိမ်နှင့် အဆောက်အအုံပျက်စီးဆုံးရှုံးမှု ၉၅ ရာခိုင်နှုန်းအထိ ဖြစ်ပေါ်ခဲ့ကြကြောင်း ဒေသခံများနှင့်လူမှုကူညီရေးအသင်းများ၏ ကောက်ယူထားသည့် အချက်အလက်များအရ သိရှိ၇သည်။

ရခိုင်ပြည်နယ် စစ်ကောင်စီ၏ မေ ထုတ်ပြန်ချက်အ၇ မုန်တိုင်းကြောင့် လူပေါင်း ၁၁၅၆၇၉၆ဦး ထိခိုက်ခဲ့ လူပေါင်း ၁၄၈ ဦးသေဆုံးကာ အဆောက်အဦပေါင်း ၂၄၁၀၇၁ ဦးပျက်စီးပြီး အိမ်မွေးတိရစ္ဆာန်၂၇၆၁၇ ကောင် သေဆုံးခဲ့သည်ဟုသိရသည်။ ပျက်စီး ဆုံးရှုံးမှုတန်ဖိုး ၄၈၉၈၆ သိန်းဟု ဆိုထားသည်။(NN – 25)

ဓာတ်ပုံ- စစ်ကောင်စီလက်ခံရရှိထားသည့် အိန္ဒိယနှင့် ထိုင်းမှ လှူဒါန်းပစ္စည်များ