မေလ(၁၄)ရက်နေ့တွင် အင်အားပြင်း မိုခါ ဆိုင်ကလုန်းမုန်တိုင်း ရခိုင်ကိုဝင်ရောက်တိုက်ခတ်မှုကြောင့် ကြီးမားစွာ ပျက်စီးဆုံးရှုံးသွားခဲ့၇ပြီး မုန်တိုင်းဒဏ် နောက်ဆက်တွဲ အရေးပေါ် ကူညီကယ်ဆယ်ရေးလုပ်ငန်းများတွင် အသုံးပြုရန် တိုင်းရင်းသားလက်နက်ကိုင်နှစ်ဖွဲ့ဖြစ်ကြသည့် အမျိုးသားဒီမိုကရေစီမဟာမိတ်တပ်ဖွဲ့ (PSC/NDAA)နှင့်မွန်ပြည်သစ်ပါတီ(NMSP)တို့ကကျပ်သိန်း ၂၅၀၀ ကိုလှူဒါန်းထားကြောင်း  ULA က ယမန်နေ့ မေ ၂၈ ရက်တွင်ထုတ်ပြန်သည်။

လူသားချင်းစာနာထောက်ထားမှုဖြင့် PSC/NDAAရှမ်းပြည်နယ်အရှေ့ပိုင်း အထူးဒေသ(၄) ငြိမ်းချမ်းရေးနှင့် စည်းလုံးရေးကော်မတီ/ ရှမ်းပြည်နယ်အရှေ့ပိုင်းမှ ပေးအပ် လှူဒါန်းလာသည့် ကျပ်သိန်း ၂ ထောင်တိတိနှင့်  မွန်ပြည်သစ်ပါတီ(NMSP)မှပေးအပ် လှူဒါန်းလာသည့် ကျပ်သိန်းငါးရာ တိတိအား ရက္ခိုင်အမျိုးသားအဖွဲ့ချုပ်မှ ကောင်းမွန်စွာ လက်ခံရရှိကြောင်း ရက္ခိုင်အမျိုးသားအဖွဲ့ချုပ် (ULA) ဥက္ကဋ္ဌဗိုလ်ချုပ်ထွန်းမြတ်နိုင်က လက်မှတ်ရေးထိုးကာ ထုတ်ပြန်ထားခြင်းဖြစ်သည်။ 

မုန်တိုင်းလေဘေးဒဏ်ကြောင့် ရက္ခိုင်ပြည်သူလူထု ဒုက္ခရောက်နေသည့်အချိန်တွင် ယခုကဲ့သို့မဟာမိတ်ပီသစွာ ပံ့ပိုးကူညီပေးမှု အပေါ် ရက္ခိုင်အမျိုးသားအဖွဲ့ချုပ်အနေဖြင့် လှိုက်လှိုက်လှဲလှဲကျေးဇူးတင်ရှိကြောင်း ပြောကြားထားသည်။ 

၇ခိုင်တွင် အရေးပေါ် ကူညီကယ်ဆယ်ရေးလုပ်ငန်းများတွင် အသုံးပြုရန် ကေအိုင်အို ဗဟိုဌာနချုပ်မှကျပ်သိန်းသုံးထောင်၊ ရှမ်းပြည်တိုးတက်ရေး ပါတီ/ရှမ်းပြည်တပ်မတော်(SSPP/SSA) မှ သိန်းတစ်ထောင်၊ ပလောင်ပြည်နယ် လွတ်မြောက်ရေးတပ်ဦး/တအာင်း အမျိုးသားလွတ်မြောက်ရေးတပ်မတော်(PSLF/TNLA) မှ ကျပ်သိန်းငါးရာ၊ အမျိုးသား ညီညွတ်ရေးအစိုး၇(NUG)မှ ကျပ်သိန်းတစ်ထောင်နှင့် မြန်မာနိုင်ငံ အမှန်တရားနှင့်တရားမျှတသောအမျိုးသားပါတီ/မြန်မာအမျိုးသား ဒီမိုကရက်တစ် မဟာမိတ်တပ်မတော် (MNTJP/MNDAA) မှ ကျပ်သိန်းတစ်ထောင် တို့ကို  ရက္ခိုင်အမျိုးသားအဖွဲ့ချုပ် (ULA) မှတဆင့် လှူဒါန်းထားသည်ကို တွေ့၇သည်။ (NN-7)