ရခိုင်ပြည်နယ်၊စစ်တွေမြို့နယ်ရှိ ဒါးပိုင်ကျေးရွာမွတ်ဆလင်ဈေးတွင် ယမန်နေ့ညက မီးလောင်၍နေအိမ် ၁ လုံးနှင့်ဆိုင်ခန်း ၁၀ ခန်း ပျက်စီးသွားသည်ဟု ပြည်နယ်မီးသတ်တပ်ဖွဲ့မှ သိ၇သည်။

ယမန်နေ့ဇွန်လ ၁၂ ရက်၊ ည ၉ နာရီခွဲက အဆိုပါဈေးရှိ ဆိုင်ခန်းတစ်ခန်းအတွင်း ဖယောင်းတိုင်မီးထွန်းညှိထားခဲ့ရာမှ တဆင့် အနီးရှိ ဝါးထရံသို့ မီးကူးစက်ကာ လူနေအိမ် ၁ လုံးနှင့် ဆိုင်ခန်း ၁၀ခန်းအထိ လောင်ကျွမ်းခဲ့ခြင်းဖြစ်သည်ဟု၇ခိုင်ပြည်နယ်မီးသတ်တပ်ဖွဲ့ကယနေ့နံနက်တွင် ထုတ်ပြန်ထားသည်။

မီးလောင်မှုကြောင့်ဈေးအတွင်းရှိ အိမ်အသုံးအဆောင်ပစ္စည်းအရောင်းဆိုင်များနှင့်အဝတ်အထည်အရောင်းဆိုင်များ ပျက်စီးဆုံးရှုံးသွားသည်ဟုလည်း ဒါးပိုင်မွတ်ဆလင်ရွာမှ ဦးသိန်းမောင်ကနိရဥ္စရာကိုပြောသည်။

"မဒါလီဆိုင်ဆိုတော်တော်များများပျက်စီးသွားတယ်။ အဲဒီဆိုင်က အိမ်အသုံးအဆောင် ပစ္စည်းရောင်းတဲ့ ဆိုင်အကြီးကြီးလေ။ မနေ့ကတာပေါ်လင်တွေထပ်ရောက်တာတောင် သိန်း ၇၀၀ ဖိုးလောက်ရှိမယ်။ကျန်တဲ့ဆိုင်တွေလည်း အနည်းအများ ပျက်စီးကုန်တယ်"ဟု ပြောသည်။

အဆိုပါမီးလောင်မှုကို ၇ခိုင်ပြည်နယ်မီးသတ်ဦးစီးမှူးဦးသန်းထိုက် ဦးဆောင်ကြပ်မတ်၍ စစ်တွေခရိုင်/မြို့နယ်မီးသတ်ဦးစီးမှူးများနှင့် သန္ဓေတပ်ဖွဲ့ဝင်(၃၀)ဦး၊ အရန်မီးသတ် တပ်ဖွဲ့ဝင်(၁၀)ဦး၊စုစုပေါင်း(၄၀)ဦး၊ မီးငြှိမ်းသတ်ယာဉ်(၂)စီး၊ မီးသတ်ရေသယ်ယာဉ်(၂)စီး၊အုပ်ချုပ်မှုယာဉ်(၁)စီးတို့က မီးလောင်ပြင်သို့ သွားရောက်ပြီး ဒေသခံများနှင့်အတူငြှိမ်းသတ်ခဲ့၇သည့်အတွက် ည ၁၀ နာရီကျော်တွင်မီးလုံး၀ငြိမ်းသွားကြောင်း ပြည်နယ်မီးသတ်တပ်ဖွဲ့မှ တဆင့်သိ၇သည်။

မီးလောင်မှုကြောင့်လူ/တိရစ္ဆာန် ထိခိုက်မှုများမရှိခဲ့သော်လည်း မီးဘေးဒုက္ခသည် စုစုပေါင်း(၅)ဦးရှိခဲ့ပြီး သူတို့အား နီးစပ်ရာဆွေမျိုးများနေအိမ်တွင် ယာယီ နေရာချပေးထားသည်ဟု သိ၇သည်။ (NN-16)

ဓာတ်ပုံ- Rakhine Fire Force