ရခိုင်ပြည်နယ်၊၇သေ့တောင်မြို့နယ်၊ကူတောင်ကျေးရွာတွင်ယနေ့ ဇွန်လ ၁၃ ရက်၊ နံနက်ပိုင်းက နေအိမ်တစ်လုံး မီးလောင်သွားခဲ့ပြီး လူနှစ်ဦးမီးလောင်ဒဏ်ရာအနည်းငယ်ရရှိသွားကြောင်းသတင်းရရှိသည်။

မီးလောင်မှုဖြစ်ပွားသည့်နေအိမ်မှာ ကူတောင်ကျေးရွာ၊ ကျောက်ချောင်းအပိုင်းမှဒေါ်ခင်သန်းမေ၏နေအိမ်ဖြစ်ပြီး မီးလောင်မှုကြောင့်ဒေါ်ခင်သန်းမေနှင့် ၄င်း၏ ညီမဖြစ်သူတို့မှာ ထိခိုက်ဒဏ်ရာတချို့ရရှိခဲ့ကြောင်းသိ၇သည်။

ယနေ့မနက်၉ နာရီခွဲခန့်က ဓာတ်ဆီရောင်းချရန် လီတာ ၄၀ ဆံ့ဗူးထဲမှ ရေသန့်ဗူးထဲသို့ဓာတ်ဆီထည့်နေချိန်မီးဖိုမှမီးကူးစက်ကာ လောင်ကျွမ်းခဲ့ခြင်းဖြစ်ကြောင်း ကူတောင်ကျေးရွာမှကိုဦးသန်းလှိုင်က နိရဥ္စရာသို့ပြောသည်။

"ဓာတ်ဆီရောင်းဖို့အတွက် ဆီဗူးကြီးထဲကနေပြီးတော့ရေသန့်ဗူးထဲဆီလှပ်နေတာမှာ မီးဖိုကမီးကူးပြီးလောင်တာလို့သိရတယ်။ အိမ်က အားလုံးပါသွားတယ်လို့ပြော၇မယ်။ မီးလောင်ပြီးတော့တိုင်ငုတ်လေးတွေပဲကျန်ခဲ့တယ်" ဟု ပြောသည်။

ရုတ်တရက်မီးကူးစက်လောင်ကျွမ်းမှုကြောင့်ဓာတ်ဆီထည့်နေသည့် နေအိမ်ပိုင်ရှင် ဒေါ်ခင်သန်းမေမှာ ခန္ဓာကိုယ်နှင့် လက်များတွင်မီးပူလောင်သည့်ဒဏ်ရာတချို့ရရှိခဲ့ပြီး နေအိမ်ထဲတွင်ရှိနေသည့် ၄င်း၏ညီမဖြစ်သူမှာလည်းခြေထောက်တွင် မီးလောင်ဒဏ်ရာ အနည်းငယ်ရရှိခဲ့ကြောင်းသူက ဆက်ပြောသည်။

အဆိုပါနေအိမ်မှာကုန်စုံဆိုင်တွဲဖွင့်ထားပြီး မီးလောင်မှုကြောင့် ကုန်စုံဆိုင် မီးလောင်ဆုံးရှုံးခဲ့သည်အပြင်ငွေသား ၁၀ သိန်း ကျပ်လည်း မီးလောင်ပျက်စီးသွားသည်ဟုလည်း ဆိုသည်။

ဇွန်လ၁၂ ရက်၊ ည ၉ နာရီခွဲကလည်း စစ်တွေမြို့နယ်၊ ဒါးပိုင်ကျေးရွာ မွတ်ဆလင်ဈေးတွင်  မီးလောင်၍ နေအိမ် ၁ လုံးနှင့် ဆိုင်ခန်း၁၀ ခန်း ပျက်စီးသွားသည်ဟု ပြည်နယ်မီးသတ်တပ်ဖွဲ့မှ သိ၇သည်။ (NN-23)