စစ်တွေဆေးရုံကြီးတွင် ရန်ကုန်မှ ဝါရင့် အထူးကု၊ ပါမောက္ခနှင့်၊ သမားတော်ကြီး ၃၀ ကျော် အခမဲ့ လာရောက်ကုသမည်

Preview

စစ်တွေဆေးရုံကြီးတွင် ရန်ကုန်မှ ဝါရင့် အထူးကု၊ ပါမောက္ခနှင့်၊ သမားတော်ကြီး ၃၀ ကျော် အခမဲ့ လာရောက်ကုသမည်

ဇွန် ၂၃/ ၂၀၂၃ | ကြည့်ရှုသူ :1460

(ပြသလိုသူများ လူဦးရေအကန့်အသတ်မရှိစာရင်းပေးသွင်းနိုင်ပြီ)

ရခိုင်ပြည်နယ်၊စစ်တွေမြို့ရှိ ပြည်သူ့ဆေးရုံကြီးတွင် လာမည့် ဇွန်လ ၂၅ ရက်၌ ရန်ကုန်မှ ဝါရင့် အထူးကု၊ ပါမောက္ခနှင့်၊သမားတော်ကြီးများက အခမဲ့ လာရောက်ကုသပေးမည်ဟု သိ၇သည်။

ယင်းနေ့နံနက်၈ နာရီမှစတင်ကာ အခမဲ့ကုသပေးသွားမည်ဖြစ်ပြီးပြသလိုသူများအနေဖြင့် ယနေ့ ဇွန်လ ၂၃ ရက်၊ နံနက် ၉ နာရီမှစတင်ကာ စစ်တွေပြည်သူ့ဆေးရုံကြီးလေးထပ်ဆောင် အသစ်အောက်ထပ်ရှိ ပြင်ပလူနာဌာနတွင်စာရင်းပေးသွင်းနိုင်ပြီဖြစ်သည်။

ယခုလာရောက်ကုသပေးမည့်သူများတွင် အထွေထွေရောဂါအထူးကု၊ နှလုံးရောဂါ အထူးကု၊ ဆီးနှင့် ကျောက်ကပ်အထူးကု၊ ဦးနှောက်၊ အာရုံကြောနှင့်အတက်ရောဂါအထူးကု၊ အရိုး၊ အဆစ် သွေးလေးဖက်နာ၊ သွေးနှလုံးရောဂါ အထူးကု၊ အစာအိမ်နှင့် အူလမ်းကြောင်းအထူးကု၊အသည်းရောဂါအထူးကု၊ ဆီးချိုနှင့်ဟော်မုန်းရောဂါအထူးကု၊ သွေးရောဂါအထူးကု၊ အရေပြားရောဂါ အထူးကုနှင့် ကလေး သွေးရောဂါအထူးကု စသည့် ရန်ကုန်မြို့မှ ဝါရင့်အထူးကု/ပါမောက္ခ သမားတော်ကြီးများနှင့် ရန်ကုန်ပြည်သူ့ဆေးရုံကြီးမှပါမောက္ခများ ပါဝင်သော သမားတော်ကြီးများ၊ စုစုပေါင်း အယောက် ၃၀ ကျော် ပါဝင်မည်ဟုလည်း သိ၇သည်။

အဆိုပါဆရာဝန်ကြီးများနှင့် ရန်ကုန်တွင်သွားရောက်ပြသထားစဥ်ဆရာဝန်ကြီးများက ထပ်မံပြသရန်ချိန်းဆိုထားသည့်၇ခိုင်မှလူနာများအနေဖြင့် ရန်ကုန်သို့အသွားအပြန်စရိတ်နှင့် အတူ ပြသစရိတ်တို့ပါ သက်သာသွားမည်ဟုစစ်တွေဆေးရုံကြီးမှ ဝန်ထမ်းတစ်ဦးကနိရဥ္စရာကိုပြောသည်။

"အကျိုးသက်ရောက်မှာက ဘာတွေရှိလဲဆိုရင် ဥပမာဒေါက်တာချစ်စိုးပေါ့။ ဒေါက်တာချစ်စိုး ဆိုရင် အရေပြား၊ လေးဘက်နာ၊ အရိုးအကြောဆိုတော့သူက ပြန်ချိန်ထားတဲ့ လူနာတွေဆိုရင်ကျနော်တို့ဘက်ကလူနာနဲ့ လူနာစောင့်ဆိုရင် အသွားအပြန် ၈ သိန်းလောက် ကုန်မယ်လေ။ အဲဒါတွေလည်း သက်သာသွားမယ်။နောက် ဒေါက်တာမြင့်မြင့်သိန်းနဲ့လူနာတွေ၊ အဲဒါတွေကတော့ အများကြီး သက်သာမယ်။အသစ်ပြတဲ့လူနာတွေကျတော့ လောလောဆယ်အဲဒီဆရာတွေကဘာတွေဘာတွေ စစ်လိုက်ခိုင်းမယ်။ ခိုင်းပြီးတော့ သူတို့က ဒီမှာကျန်ခဲ့တဲ့ ဆရာကြီးတွေနဲ့ပြန်ပြီးချိန်းပြီးတော့ ဆက်ကုသမယ်ထင်ပါတယ်"ဟု ပြောသည်။

ယင်းနေ့တစ်ရက်တည်းသာကုသပေးမည်ဖြစ်ပြီး လူဦးရေ အရေအတွက်အား ကန့်သတ် ထားခြင်းမရှိဟုလည်း သိ၇သည်။

ယခုကိစ္စနှင့်ပတ်သက်ပြီး စစ်တွေဆေးရုံအုပ်ကြီးဒေါက်တာကြည်လွင်ကို နိရဥ္စရာက ဆက်သွယ်ခဲ့သော်လည်း ဆက်သွယ်မ၇ခဲ့ပါ။ (NN-16)

#ကျန်းမာရေးစောင့်ရှောက်မှု

မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။

လှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

စစ်တွေဆေးရုံကြီးတွင် ရန်ကုန်မှ ဝါရင့် အထူးကု၊ ပါမောက္ခနှင့်၊ သမားတော်ကြီး ၃၀ ကျော် အခမဲ့ လာရောက်ကုသမည်

ဆက်စပ် အကြောင်းအရာများ

နောက်ဆုံးရသတင်းများ