ရခိုင်လူငယ်ကဗျာဆရာ မြင့်လွင်၏ "မွန်စီယာနာ"အမည်ရှိ ခေတ်ပေါ် ရခိုင်ကဗျာစာအုပ် စတင်ဖြန့်ဝေ

Preview

ရခိုင်လူငယ်ကဗျာဆရာ မြင့်လွင်၏ "မွန်စီယာနာ"အမည်ရှိ ခေတ်ပေါ် ရခိုင်ကဗျာစာအုပ် စတင်ဖြန့်ဝေ

ဇွန် ၂၄/ ၂၀၂၃ | ကြည့်ရှုသူ :1721

ရခိုင်ကလူငယ်ကဗျာဆရာတစ်ဦးဖြစ်သူ မြင့်လွင်ရေးသားထားသည့်"မွန်စီယာနာ"ခေတ်ပေါ် ရခိုင်ကဗျာစာအုပ်ထွက်ရှိလာပြီး ယခုဇွန်လနောက်ဆုံးပတ်တွင်စတင်ဖြန့်ဝေနေပြီဟု သိ၇သည်။

အဆိုပါကဗျာစာအုပ်ထဲတွင် ရခိုင်ကဗျာပုဒ်ရေ ၂၁ ပုဒ်ပါဝင်ပြီးရခိုင်ဒေသ၏ နိုင်ငံရေး၊ စစ်ပွဲပဋိပက္ခများကြားရခိုင်ပြည်သူများကြုံတွေ့ရသည့်အခြေအနေများကို ခံစား ရေးဖွဲ့ထားသည့်ကဗျာများနှင့်အချစ်ကဗျာများဖြစ်ကြောင်း ကဗျာဆရာမြင့်လွင်က ပြောသည်။

"ဒီနှစ်ကာလတွေအတွင်း ကိုယ့်ဒေသမှာဖြစ်နေတဲ့စစ်ပွဲပဋိပက္ခအတွင်းက အဖြစ်ပျက်တချို့၊ ကြုံတွေ့ရတဲ့အခြေအနေတွေကိုတည်ပြီးတော့ ရေးထားတဲ့ အရေးအသားကဗျာတွေ ပါပါတယ်။ နှစ်နှစ်တာကာလမှရေးသားစုဆောင်းထားခဲ့တဲ့ကဗျာတွေပေါ့" ဟု ပြောသည်။

အဆိုပါကဗျာစာအုပ်ကိုNAME Publisher ကစီစဥ်ထုတ်ဝေခဲ့ခြင်းဖြစ်ပြီး မေလ မတိုင်ခင်ကပင် ထွက်ရှိခဲ့သော်လည်းမိုခါမုန်တိုင်းကြောင့် ဖြန့်ချိမည့်အစီစဥ်ကို ရွှေ့ဆိုင်းထားခဲ့ရသည်ဟုကဗျာဆရာမြင့်လွင်က ဆိုသည်။

"မိုခါမတိုင်ခင်ကပဲ စာအုပ်ကအဆင်သင့်ပြီးစီးနေပါပြီ။ မိုခါကြောင့် လောလောလတ်လတ် ဒုက္ခရောက်နေချိန်မှာဖြန့်ဖို့မသင့်လျော်လို့၊ အားနာလို့မဖြန့်ချိသေးဘဲ အချိန်တစ်ခုထိနောက်ဆုတ်ထားခဲ့တာပါ" ဟု ပြောသည်။

လက်ရှိတွင်အဆိုပါကဗျာစာအုပ်အား တစ်အုပ်လျှင် ၃ ထောင်ကျပ်ဖြင့် ရန်ကုန်၊ကျောက်ဖြူ၊ သံတွဲ၊ တောင်ကုတ်၊ ရမ်းဗြဲ၊ဘူးသီးတောင်၊ ၇သေ့တောင်၊ ပုဏ္ဏားကျွန်း၊ မင်းပြား၊ ပေါက်တော၊ မြောက်ဦးနှင့် စစ်တွေမြို့တို့တွင်စတင်ဖြန့်ချိနေပြီဟု သိ၇သည်။

ရခိုင်ဒေသတွင်ရက္ခိုင့်တပ်တော်နှင့် မြန်မာစစ်တပ်တို့ဖြစ်ပွားခဲ့သည့် တိုက်ပွဲကာလ၊ ကိုဗစ် ၁၉ကပ်ရောဂါဖြစ်ပွားနေသည့်ကာလကပင် လက်ရှိအချိန်ထိ ၇ခိုင်ကဗျာစာအုပ်များ ထွက်ရှိမှုအလွန်တရာနည်းပါးလာခြင်းဖြစ်သည့်အတွက်ယခုကဲ့သို့ ၇ခိုင်ကဗျာစာအုပ်များ ထွက်ရှိလာသည်မှာဝမ်းသာစရာပင်ဖြစ်ကြောင်း ရသေ့တောင်မြို့ခံ ရခိုင်ကဗျာဆရာဝင်ရိုးကနိရဥ္စရာသို့ပြောသည်။

"ကျွန်တော်တို့ ၇ခိုင်မှာက ၂၀၁၇ ၊ ၂၀၁၈တိုက်ပွဲစဖြစ်ချိန်ကပဲ ၇ခိုင်ကဗျာစာအုပ်တွေ မထွက်သလောက်ကိုဖြစ်ခဲ့၇တယ်။ပြီးတော့ ကိုဗစ်ကာလမှာလည်း အတူတူပဲ။ အဲဒီ ကာလတွေမှာလည်းထွက်တဲ့ရခိုင်ကဗျာစာအုပ်ရှိပေမယ့် ကြိုကြားကြိုကြားပဲ။ ရခိုင်ကဗျာစာအုပ်ထွက်တာအရမ်းနည်းတယ်လို့ပြောရမယ်။အခု မြင့်လွင်မှာ ဒီကြားထဲမှာ၇ခိုင်ကဗျာစာအုပ်ထုတ်ဝေလာတယ်။ အခုလိုထုတ်ဝေတာကို ကျွန်တော်တို့ ဝမ်းသာပါတယ်"ဟုပြောသည်။

ကဗျာဆရာမြင့်လွင်သည် ပေါက်တောမြို့နယ်၊ ဖဒူကျေးရွာဇာတိဖွားလူငယ်တစ်ဦးဖြစ်ပြီး ၂၀၁၃၊ ၂၀၁၄ ခုနှစ်များတွင်ဂန္တဝင်အမျိုးအစားကဗျာများစတင်ရေးသားကာ ဝံသရက္ခိတမဂ္ဂဇင်း၊၇ခိုင်တင်းခွန်မဂ္ဂဇင်းအပါအဝင် ဒေသထွက်မဂ္ဂဇင်း တချို့တွင်ဖော်ပြခြင်းခံခဲ့၇သည်။

၂၀၁၈ခုနှစ်တွင် ဖဒူမဂ္ဂဇင်းတွင် အယ်ဒီတာအဖြစ်တာဝန်ယူခဲ့ပြီး ယင်းအချိန်ကပင်ကဗျာအရေးအသားပုံစံပြောင်းကာ ခေတ်ပေါ်ကဗျာ အရေးအသားပုံစံ စတင်စမ်းသပ်ရေးသားခဲ့သည်။(NN-23)

#စာပေရေးရာ

မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။

လှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

ရခိုင်လူငယ်ကဗျာဆရာ မြင့်လွင်၏ "မွန်စီယာနာ"အမည်ရှိ ခေတ်ပေါ် ရခိုင်ကဗျာစာအုပ် စတင်ဖြန့်ဝေ

ဆက်စပ် အကြောင်းအရာများ

နောက်ဆုံးရသတင်းများ