စစ်တွေမြို့ပေါ်ရပ်ကွက်တချို့တွင် လျှပ်စစ်မီးရရှိပြီးဖြစ်သော်လည်း မရရှိသေးသည့် ရပ်ကွက် တချို့တွင် လျှပ်စစ်မီးရရှိရေးအတွက် EPC ရုံးကို သွားရောက်မေးမြန်းခဲ့ရာ တစ်အိမ်ကို ကျပ် ၅၀,၀၀၀ ပေး၇မည်ဟု ဝန်ထမ်းတချို့က တောင်းခံမှုများရှိကြောင်း ဒေသခံများကပြောသည်။

စစ်တွေမြို့၊ ရွာကြီးမြောက်ရပ်ကွက်မှ ဒေသခံတစ်ဦးက “မီးရတဲ့နေရာတွေကလည်း ၇နေကြပြီပေါ့။ ကျနော်တို့ဘက်တွေကိုကျတော့ အခု EPC က လူတွေကိုသွားပြောတာ တစ်အိမ်ကို ၅ သောင်းပေးမှ၊ လေးအိမ် ၂ သိန်းပေးမှ မီးလုပ်ပေးမယ်လို့ ပြောတယ်”ဟု ပြောသည်။ 

ယင်းအပြင် မင်းဂံရပ်ကွက်များတွင်လည်း လျှပ်စစ်မီး အမြန်ရရှိရေးအတွက် ငွေကြေး တောင်းခံမှုများရှိသည်ဟု ဒေသခံများက ပြောသည်။ 

အမည်မဖော်လိုသူ ဒေသခံတစ်ဦးက “ကျနော့်အထင်ပြောရရင်တော့ လျှပ်စစ်မီး အိမ်တွေမှာ ၇ဖို့ နားလည်မှုနဲ့ သွားတယ်လို့ထင်တယ်။ ငွေအရင်ပေးတဲ့အိမ် အရင်၇မယ် ဆိုတဲ့သဘော။ ဒီနေရာမှာက သိတဲ့အတိုင်းပဲ။ ရေဆိုတာ တွင်းထဲက ခပ်လို့၇တဲ့ တွင်းမရှိဘူး။ လျှပ်စစ်နဲ့ မော်တာတင်မှ ရေတက်တယ်။ အဲ့တော့ ဒုက္ခတွေက တအားရောက်တာပေါ့။ ဒါကြောင့် ငွေပေးပြီး မီးသွင်းနေ၇တဲ့ အနေအထားပါ”ဟု ပြောသည်။

လက်ရှိ လျှပ်စစ်မီးမရရှိသေးသည့် ရပ်ကွက်များတွင် မီးစက်ရှိသည့် နေအိမ်များမှ နားလည်မှုနှင့် လျှပ်စစ်သွယ်ယူသုံးစွဲမှုများရှိသလို တချို့နေရာများတွင် ဖုန်းနှင့် လျှပ်စစ်မီးလုံးများကို ကျပ် ၅၀၀၊ ၁၀၀၀ ပေးကာ သုံးစွဲနေကြ၇သည်ဟုလည်း သိ၇သည်။ 

လျှပ်စစ်မီးမရရှိသောကြောင့် အပိုငွေကုန်ကျမှုများ၍ လျှပ်စစ်မီးကို အတတ်နိုင်ဆုံး အမြန် ရရှိလိုသည်ဟုမင်းဂံအကွက် (၁၁)တွင် နေထိုင်သည့် ဒေါ်လှဝင်းတင်က ပြောသည်။ 

“ထမင်းချက်၇တာလည်း အဆင်မပြေ။ ငွေကုန်ကြေးကျလည်း များတယ်။ ဖုန်းဆိုလည်း ပိုက်ဆံပေးပြီး သွားသွင်း၇တယ်။ အစစအရာရာ အဆင်မပြေဘူးပေါ့။ ဒါပေမယ့် သူတို့ လုပ်တော့လုပ်နေကြတယ်။ ကိုယ်တွေဘက်ကိုတော့ ဘယ်အချိန်မှ ရောက်လာမယ်မသိဘူး"ဟု ပြောသည်။

ယခုကိစ္စများနှင့်ပတ်သက်၍ ရခိုင်ပြည်နယ်လျှပ်စစ်အင်ဂျင်နီယာရုံးမှ တာဝန်ရှိသူတစ်ဦးက သက်ဆိုင်ရာ ခရိုင်၊ မြို့နယ်တာဝန်ရှိသူများကို မေးမြန်း၇အုံးမည်ဟု နိရဉ္စရာကို ပြောသည်။ 

“အခကြေးငွေ ယူခိုင်းထားတာတော့ မရှိဘူး။ မီးလိုချင်တော့ နီးစပ်ရာလျှပ်စစ် နားလည် သူတွေကို ပိုက်ဆံပေးခိုင်းတာတော့ ရှိတာပေါ့။ အများကြီး တပြိုင်တည်း လုပ်ဖို့က အဆင်မပြေဘူးလေ။ ဌာနက လွှတ်တဲ့ အခမဲ့ဝန်ထမ်းတွေဆိုရင်တော့ နည်းနည်းတော့  စောင့်၇တာပေါ့နော်” ဟု ပြောသည်။ 

ပြီးခဲ့သည့်အပတ်ကစစ်တွေမြို့တွင်း ရပ်ကွက်များရှိနေအိမ်များမှမီးကြိုးများနှင့် မဟာဓာတ်အားလိုင်းတို့ကို ဆက်ရာတွင်လည်း EPC ရုံးမှ မီးသွယ်သည့်ဝန်ထမ်းများကတစ်အိမ်လျှင် ကျပ် ၁ သောင်းမှ၅ သောင်းအထိကောက်ခံ၍ မြို့ခံများက ဝေဖန်မှုများ မြင့်တက်ခဲ့သည်။

ယင်းကြောင့်မြို့နယ်လျှပ်စစ်ရုံးက အခကြေးငွေပေးဆောင်စရာ လုံး၀မလိုဟု မြို့တွင်းတွင်လှည့်လည်ကြေညာခဲ့၇သေးသည်။

သို့သော်လက်ရှိအချိန်ထိ စစ်တွေမြို့ရှိ လျှပ်စစ်မီးမရသေးသည့်ရပ်ကွက်များရှိ နေအိမ်များကို မဟာဓာတ်အားလိုင်းမှ လျှပ်စစ် မီးသွယ်ပါက တစ်အိမ်လျှင် ကျပ် ၁ သောင်းမှ ၁ သောင်းခွဲ စသည်ဖြင့်ငွေကြေးများ ဆက်လက်ကောက်နေကြဆဲဟု ဒေသခံများက ပြောသည်။

မိုခါမုန်တိုင်းပြီးနောက်ဇွန်လ ၇ ရက်မှစတင်ကာ စစ်တွေမြို့နှင့် ပုဏ္ဏားကျွန်း မြို့ပေါ်  ရပ်ကွက် တချို့၌ လျှပ်စစ်မီးစတင်ရရှိခဲ့ပြီးပြီးခဲ့သည့်ရက်ပိုင်းတွင် ကျောက်တော်မြို့၌လည်း ရရှိခဲ့သည်။

အလားတူ ယနေ့ ဇွန် ၂၃ ရက်တွင်လည်း မြောက်ဦး၊ မင်းပြားမြို့ပေါ် ရပ်ကွက်တချို့ လျှပ်စစ်မီး ရရှိနေပြီဟု ၎င်းက ပြောသည်။ 

သို့သော်လည်း ပုံမှန်လည်ပတ်နိုင်မှုမရှိသေးကြောင်း ဒေသခံများက ပြောသည်။

မောင်တော၊ ဘူးသီးတောင်၊ ၇သေ့တောင်၊ ပေါက်တောနှင့် မြေပုံ စသည့်မြို့နယ်များကိုလည်းဇူလိုင်လအတွင်း လျှပ်စစ်မီးပြန်လည်ရရှိအောင် လုပ်ဆောင်သွားမည်ဟု စစ်ကောင်စီက ထုတ်ပြန်ထားသည်။ (NN-7)