“မနေ့က ဖြစ်သွားတာ။ကင်းတော်၊ ဥယျာဉ်နဲ့ လက်ပံတောကျေးရွာနားတွေက  အရပ်သားတွေအပါအဝင် စခန်းတွေက ရဲဘော်တွေ ၁၅ / ၂၀ လောက်ရှိမယ် အသတ်ခံလိုက်၇တာ။ လက်နက်တွေလဲ အတော်လေး ဆုံးရှုံးသွားခဲ့တယ်”ဟု ဒေသကာကွယ်ရေးအဖွဲ့ဝင်တစ်ဦးက ပြောသည်။

စစ်ကိုင်းမြို့နယ်ထဲကကင်းတော်ကျေးရွာ၊ ဥယျာဉ်ကျေးရွာနှင့်လက်ပံတော ကျေးရွာများအနီးက PDF စခန်းများအားစစ်ကောင်စီတပ်များက ဇွန်လ ၂၅ ရက်နေ့က အင်အားအလုံးအရင်းဖြင့်ဝင်ရောက်စီး နင်းခဲ့ပြီး PDF နှင့် ဒေသကာကွယ်ရေးတပ်ဖွဲ့ဝင်၁၃ ဦးနှင့် ဒေသခံ၄ ဦးတို့အား သတ်ဖြတ်သွားခဲ့ကြောင်း ၎င်းက ပြောသည်။

 “ဒီနေ့ ရှာဖွေပြီးမီးသဂြိုလ်ဖို့ လုပ်နေပါတယ်။ အသတ်ခံ၇တဲ့အထဲမှာလဲ ၂ ဦး ၃ ဦးလောက်ကိုလည်း မီးပါထပ်ရှို့သွားကြတာကို တွေ့၇ (မီးလောင်ကျွမ်းအလောင်း)ပါတယ်”ဟုလက်ပံတော ကျေးရွာ ကဒေသခံ တစ်ဦးကလည်း တွေ့ရှိရမှုအားရှင်းလင်းပြောဆိုသည်။

စစ်ကောင်စီကလည်းအဆိုပါ ကျေးရွာများက PDF စခန်းများကို သွားရောက်တိုက်ခိုက်ခဲ့ပြီး  အလောင်းတချို့ နှင့် လက်နက်ခဲယမ်းများ သိမ်းဆည်း၇မိခဲ့ကြောင်း ထုတ်ပြန်ပြောဆိုထားသည်။

စစ်ကောင်စီ၏ပြောဆိုချက်တွင် လက်နက်မျိုးစုံ ၄၂ လက်၊ ၁၀၇ မမ ဒုံးသီး ၂ လုံးအပါအဝင်ခဲယမ်း ဗုံးသီးများ၊ ကျည်များ ၅၀၀၉ တောင့် သိမ်းဆည်းရမိခဲ့ကြောင်းကိုလည်းတွေ့ရှိ၇သည်။

အဆိုပါကျေးရွာများသို့စစ်ကောင်စီတပ်များ၏ ဝင်ရောက်စီးနင်းခံ၇ချိန် ဒေသခံ ၁၀ဦးထက်မနည်း သည်လည်း ပျောက်ဆုံးနေလျက်ရှိကြောင်း ဒေသခံများထံက သိရှိ၇သည်။ (NN – 25)

ဓာတ်ပုံ- သတ်ဖြတ်ခံခဲ့၇သူများ