ရခိုင်ပြည်နယ်၊စစ်တွေမြို့၏မြို့လယ်ခေါင်တစ်နေရာတွင် အမည်မသိလူသေအလောင်းတစ်လောင်းကိုတွေ့ရှိခဲ့သည်ဟု သိ၇သည်။

ယနေ့ ဇူလိုင်လ၁၁ ရက်၊ မွန်းတည့် ၁၂ နာရီကျော်တွင် စစ်တွေမြို့၊ ဘောလုံးကွင်းရပ်ကွက်ရှိဓည၀တီအားကစားကွင်း နောက်ဘက် ချောင်းထဲတွင် တွေ့ရှိခဲ့ခြင်းဖြစ်သည်ဟုအလောင်းအား သွားရောက်သယ်ဆောင်ခဲ့သည့် ရွှေရောင်မေတ္တာ ဖောင်ဒေးရှင်းမှတာဝန်ရှိသူတစ်ဦးက နိရဥ္စရာကိုပြောသည်။

“အလောင်းမှာဒဏ်ရာဒဏ်ချက်တွေလည်း မတွေ့ဘူး။ ဘယ်သူဘယ်ဝါလဲလည်း ကျနော်တို့လည်း မသိသေးဘူး”ဟု ပြောသည်။

အဆိုပါအလောင်းသည်အသက် ၃၇ နှင့် ၄၀ နှစ်ဝန်းကျင်ကြားရှိ အမျိုးသားအလောင်း ဖြစ်သည်ဟုလည်း ဆိုသည်။

လက်ရှိတွင်အဆိုပါအလောင်းအား စစ်တွေမြို့၊ ပြည်သူ့ဆေးရုံကြီးရှိရင်ခွဲရုံသို့ပို့ဆောင်ထားသည်ဟု သိ၇သည်။ (NN-16)

ဓာတ်ပုံ- ရွှေရောင်မေတ္တာဖောင်ဒေးရှင်း