ရက္ခိုင့်တပ်တော်(AA)နှင့်ဆက်စပ်သည်ဟုဆိုကာစွပ်စွဲဖမ်းဆီးခံထား၇သူ ၇ခိုင်ပြည်နယ်၊ တောင်ကုတ်မြို့နယ်မှဒေသခံ ၆ ဦးကို ၃နှစ်ကျော်ကြာ အမှုရင်ဆိုင်ခဲ့၇ပြီးနောက်စစ်ကောင်စီတရားရုံးတစ်ခုက  ထောင်ဒဏ် ၄ နှစ်စီ ချမှတ်လိုက်ကြောင်းသိ၇သည်။

ထောင်ဒဏ်ချမှတ်ခံလိုက်၇သူများမှာ တောင်ကုတ်မြို့နယ်၊ဆားပြင်ကျေးရွာမှ ကိုသန်းနိုင်၊ ချက်ပေါက်ရွာမှ ကိုကျော်တင်အောင်၊ကိုနေရဲဝင်း၊ ကိုထွေးမောင်၊ မအီမြို့မှ ညီအစ်ကိုနှစ်ဦးဖြစ်သောကိုသန်းဇော်ဌေးနှင့် ကိုသန်းဇော်ဇော်တို့ဖြစ်သည်။

သူတို့ကိုAA နှင့်ဆက်စပ်သည်ဟုဆိုကာအကြမ်းဖက်မှုတိုက်ဖျက်ရေးဥပဒေပုဒ်မ ၅၂(က)ဖြင့် ယမန်နေ့ဇူလိုင်လ ၁၁ ရက်၊ ညနေပိုင်းတွင် တောင်ကုတ်မြို့နယ်တရားရုံးက  စီရင်ချက်ချမှတ်ခဲ့ခြင်းဖြစ်သည်ဟု  အဆိုပါအမှုအားလိုက်ပါဆောင်ရွက်ပေးသူတရားလွှတ်တော်ရှေ့နေ ဦးတင်ညိုက နိရဥ္စရာကို အတည်ပြုပြောသည်။

သူတို့ကိုစတင်ဖမ်းဆီးတရားစွဲခဲ့စဉ်က AA နှင့်ဆက်စပ်သည်ဟုဆိုကာဖောက်ခွဲရေးပစ္စည်းများနှင့် သက်ဆိုင်သည့်အကြမ်းဖက်မှု တိုက်ဖျက်ရေး ဥပဒေပုဒ်မ ၅၀(ဈ)နှင့်၅၀(ည)တို့ဖြင့်စွဲဆိုခဲ့သော်လည်း တရားရုံးတွင် စစ်ဆေးသည့်အခါယင်းပုဒ်မနှင့်ငြိစွမ်းမှုမရှိ၍ ပုဒ်မ ၅၂(က)ဖြင့် ပြောင်းလဲ တရားစွဲဆိုထောင်ချခံလိုက်၇ခြင်းဖြစ်သည်ဟုဦးတင်ညိုက ပြောသည်။

“သူတို့ကိုမူလစွဲဆိုတယ်ဆိုတဲ့ ဖောက်ခွဲရေးပစ္စည်းတွေနဲ့တော့ မဆိုင်တော့ဘူးပေါ့ဗျာ။ အခုဟာက AAနဲ့ဆက်နွယ်ပတ်သက်တယ်ဆိုတဲ့သဘောနဲ့ပေါ့နော်။ ပုဒ်မ ၅၂(က)အ၇ ထောင်ဒဏ် ၄နှစ်ချလိုက်တဲ့သဘောပါ”ဟုပြောသည်။

ချုပ်ရက်များပါခံစားခွင့်ရှိသည့်အတွက် သူတို့သည် လာမည့်နှစ်တွင် ပြန်လည် လွတ်မြောက်လာတော့မည်ဟုလည်း ဆိုသည်။

သူတို့ ၆ဦးအနက် ဆားပြင်ကျေးရွာမှ ကိုသန်းနိုင်သည် ၂၀၂၀ ပြည့်နှစ်၊ ဧပြီလတွင် ဖမ်းဆီးခံခဲ့၇ခြင်းဖြစ်ပြီးကျန် ၅ ဦးမှာ ဇွန်လတွင်ဖမ်းဆီးခံခဲ့၇ခြင်းဖြစ်သည်။

ဖမ်းဆီးခံရပြီးနောက်စစ်ကောင်စီတပ်အရာရှိအချို့၏တရားလိုပြုလုပ်ကာ တရားစွဲဆိုခံခဲ့၇ခြင်းလည်း ဖြစ်သည်။ (NN-16)

Photo – APM