၇ခိုင်ပြည်နယ်၊ဘူးသီးတောင်မြို့နယ်ရှိမယူတောင်ထဲတွင် ရက္ခိုင့်တပ်တော်(AA)နှင့် ARSA လက်နက်ကိုင်အဖွဲ့တို့တိုက်ပွဲဖြစ်ပွားခဲ့သည်ဟု ဒေသခံများက ပြောဆိုသည်။

ယမန်နေ့၊ ဇူလိုင်လ၁၈ ရက်၊ ညနေ ၃ နာရီခန့်တွင် ဘူးသီးတောင်မြို့နယ်၊ အာကာပျံနှင့် ကျောက်စာတိုင်ကြားရှိမယူတောင်ထဲတွင် ဖြစ်ပွားခဲ့ခြင်းဖြစ်သည်ဟု ဘူးသီးတောင်မြို့နယ်မှဒေသခံတစ်ဦးကနိရဥ္စရာကို ပြောသည်။

"တိုက်ပွဲဖြစ်တာက ဟုတ်တယ်။မနေ့က ညနေ ၃ နာရီလောက်မှာဖြစ်တာ။ ARSA အဖွဲ့နဲ့ AA နဲ့ဖြစ်ကြတာ။ နှစ်ဘက်သေနတ်ပစ်သံတော့ ကြားခဲ့ရတယ်။ ဒီနေ့တော့ ပစ်သံတွေမကြား၇ဘူး"ဟု ပြောသည်။

အဆိုပါတိုက်ပွဲအတွင်းအထိအခိုက်အကျအဆုံးရှိ/မရှိကိုမူ လောလောဆယ် မသိ၇သေးဟု ဆိုသည်။

ယခုကိစ္စနှင့်ပတ်သက်ပြီးAA ပြောခွင့်ရသူဦးခိုင်သုခကို နိရဥ္စရာက မေးမြန်းထားသော်လည်း တုံ့ပြန်ဖြေကြားခြင်းမရှိသေးသဖြင့် သီးခြားအတည်ပြု၍တော့ မရရှိသေးပါ။

ARSA အဖွဲ့သည် ၂၀၁ရခုနှစ်က ရခိုင်ပြည်နယ်၊ မောင်တောမြို့နယ်ရှိ နယ်ခြားစောင့် ရဲစခန်းများနှင့်တပ်စခန်းအချို့ကို တစ်ပြိုင်တည်း ဝင်ရောက်တိုက်ခိုက်ခဲ့ပြီးနောက်မောင်တောနှင့် ဘူးသီးတောင်ဒေသကို ထိန်းချုပ်နိုင်ရန်ကြိုးစားနေသည့်လက်နက်ကိုင်အဖွဲ့တစ်ခုဖြစ်သည်။

ပြီးခဲ့သည့် ၂၀၂၂ခုနှစ်၊ ဖေဖော်ဝါရီလ ၁ ရက်၊ နံနက်ကလည်း မောင်တောမြောက်ပိုင်းသစ်တုံးနားခွဆုံကျေးရွာနှင့်၂ မိုင်အကွာရှိ "လဘော်၀"အရပ်တွင် စစ်ကောင်စီတပ်ကနယ်မြေရှင်းလင်းရေးသွားလုပ်စဉ် ARSA အဖွဲ့နှင့် တိုက်ပွဲဖြစ်ပွားခဲ့သည်ဟု သိ၇သည်။

၂၀၂၁ ခုနှစ်၊အောက်တိုဘာလ ၃၁ ရက်ကလည်း မောင်တောမြို့နယ်မြောက်ပိုင်း လိပ်ရနယ်မြေအပိုင်ဇီးပင်ချောင်းကျေးရွာဟောင်းအနီးတွင် ARSA နှင့် နယ်ခြားစောင့်ရဲတပ်ဖွဲ့တို့တိုက်ပွဲဖြစ်ပွားရာ ARSA အဖွဲ့ဝင်ငါးဦးကိုသေနတ် ၂ လက်နှင့်အတူ ဖမ်းမိခဲ့ကြောင်း သိ၇သည်။

အလားတူ ယင်းနှစ်၊မေလ ၁၂ ရက်၊ နံနက်ကလည်း မောင်တောမြို့နယ်၊ အောင်ချမ်းသာကျေးရွာအနီးရှိနယ်ခြားစောင့်တပ်တစ်ခုကို ARSA အဖွဲ့က လာရောက်ပစ်ခတ်မှုကြောင့်တိုက်ပွဲဖြစ်ပွားခဲ့ရာ နယ်ခြားစောင့်ရဲတစ်ဦး ဒဏ်ရာရရှိခဲ့ပြီး ARSAဘက်မှတစ်ဦးကျဆုံးခဲ့သည်ဟု သိ၇သည်။

ပြီးခဲ့သည့် ၂၀၂၁ခုနှစ်၊ ဒီဇင်ဘာလအတွင်းကလည်း မောင်တောမြို့နယ်၊ ခုံတိုင်ကျေးရွာသား ၂၀ကျော်ခန့်သည် တောထဲသို့ဝါးသွားခုတ်သွားစဉ် ARSA အဖွဲ့က သေနတ်ဖြင့်ပစ်ခတ်၍ကျေးရွာသားတစ်ဦးဒဏ်ရာရရှိသွားခဲ့သည်ဟု သိ၇သည်။ (NN-16, NN-12)