ပုဏ္ဏားကျွန်းမြို့နယ်၊ကျေးရွာတစ်ရွာမှရွာသားတစ်ဦးက''ကျနော်တို့ရွာမှာတစ်အိမ်ကို ဆန် နို့ဆီဗူး၁၂ လုံးရတယ်။ တစ်အိမ်ကငွေငါးရာကောက်တယ်။ ဆိုတော့ ဒါက ထောက်ပံ့ရေး၇တာမှမဟုတ်တာ။ ဝယ်၇တာပဲ''ဟု ဆိုသည်။

မုန်တိုင်းကြောင့်နေအိမ်အဆောက်အအုံများပြိုပျက်သွားသည်ကိုရှိစုမဲ့စုပိုက်ဆံများဖြင့်ပြင်ဆင်နေ၇သည့်အထဲ ကယ်ဆယ်ရေးရသည့် ပစ္စည်းများကိုပါ ငွေပေးပြီး ထုတ်ယူနေ၇သည်မှာလုံး၀မဖြစ်သင့်ဟုလည်းပြောဆိုကြသည်။

ပေါက်တောမြို့နယ်မှကျေးရွာအုပ်ချုပ်ရေးမှူးတစ်ဦးကမူ ကျေးရွာအုပ်ချုပ်ရေးမှူးများအနေဖြင့် အဆိုပါ ရိက္ခာပစ္စည်းများကိုမြို့နယ်ထွေ/အုပ်ရုံးတို့မှ ကုန်းလမ်း၊ ရေလမ်းတို့ဖြင့်သွားရောက် ထုတ်ယူကြရသည့်အတွက်လမ်းစရိတ်အဖြစ် ရိက္ခာထဲမှ ဖြတ်ခြင်းသာဖြစ်ကြောင်းတုံ့ပြန်ပြောသည်။

''ဖြတ်စားတာ မဟုတ်ဘူး။ ကျနော်တို့ကကိုယ့်စရိတ်နဲ့ကိုယ် ပေါက်တောက ရုံးက တစ်ဆင့် ယူလာတယ်။ ကားခ၊အလုပ်သမားခ၊ စက်လှေခတွေရှိတယ်။ တစ်သိန်းကျော်လောက်ထိ စရိတ်ပေါက်တာ။ ကယ်ဆယ်ရေးဆန်တစ်အိတ်ကို ၆ သောင်းလောက်ပဲ ၇တယ်။ နှစ်အိတ်လောက် စရိတ်ဖြတ်ရင်တောင်မှ ခရီးစရိတ်နဲ့ သယ်ယူခစရိတ်မလောက်ဘူး'' ဟုဆိုသည်။  

ထိုကဲ့သို့ စစ်ကောင်စီမြို့နယ်ထွေအုပ်ရုံးများမှ   လေဘေးကယ်ဆယ်ရေး ပစ္စည်းများအား ကျေးရွာအုပ်ချုပ်ရေးမှူးများသွားထုတ်ယူရာတွင် တချို့ကျေးရွာအုပ်ချုပ်ရေးမှူးများက ဆန်အိတ်များကို ရောင်းချရခြင်း၊တချို့ကျေးရွာများတွင် ရွာသားများထံက ငွေကြေး ကောက်ခံရခြင်းများ ရှိနေသဖြင့်  အုပ်ချုပ်ရေးမှူးများက ဆန်အိတ်များကို ဖြတ်စားသည်ဟုဆိုကာ စွပ်စွဲချက်များ ပေါ်ပေါက်နေခြင်းဖြစ်သည်ဟု သိရှိ၇သည်။

အမည်မဖော်လိုသူ လူမှုရေး ဆောင်ရွက်နေသူ တစ်ဦးက”  ရွာတစ်ရွာ ဆန်အိတ် ၂၀ ၇တာမှာ ၃ အိတ်လောက်ကို ခရီးစရိတ်အတွက်ရောင်းလိုက်ရတော့ ဆန်တွေဖြန့်ဝေတဲ့အခါ အရနည်းသွားတယ်။ ဒီတော့ ဖြတ်စားတယ်ဆိုပြီး စွပ်စွဲမှုတွေပေါ်ပေါက်လာတယ်။ အစိုးရအနေနဲ့ လေဘေးကယ်ဆယ်ရေး ပစ္စည်းတွေထောက်ပံ့ရင် ခရီးစရိတ်နဲ့ သယ်ယူခစရိတ်ပါထောက်ပံ့သင့်တယ်။ အခုက အကုန်လုံး ဈေးကြီးနေတော့ သယ်ယူပို့ဆောင်ခလည်း လွယ်တာ မဟုတ်တော့ကျေးရွာအုပ်ချုပ်ရေးမှူးတွေကလည်း အိတ်ထဲက စိုက်ဖို့ဆိုတာ မလွယ်ကူဘူး”ဟုပြောဆိုသည်။

တချို့ကျေးရွာများတွင် လိုအပ်သည်ထက် ပိုဖြတ်စားမှုများလည်းရှိနေကြောင်းကျေးရွာသားများက စွပ်စွဲ ပြောဆိုကြသည်။

အမည်မဖော်လိုသူ ကျေးရွာ စာရေးတစ်ဦးက “  ကျွန်တော်တို့ ပေါက်တောမြို့နယ်မှာတော့ ဆန်တစ်အိတ်ထုတ်တိုင်းမြို့နယ်ထွေအုပ်ရုံးကို ကျပ်သုံးထောင်ပေးရပါတယ်။ တစ်ခြား မြို့နယ် တွေမှာလည်း ဒီအတိုင်းကောက်တယ်လို့ ကြားပါတယ်။ဒီစရိတ်တွေအတွက် ကျွန်တော် တာဝန်ကျတဲ့ရွာမှာတော့ ကယ်ဆယ်ရေးရတဲ့ ဆန်အိတ်အထဲက တချို့ကိုရောင်းပြီး ဖြေရှင်းပါတယ်”ဟု ပြောဆိုသည်။

ပုဏ္ဏားကျွန်းမြို့နယ်ရှိတချို့ကျေးရွာများတွင် စစ်ကောင်စီ၏ ကူညီထောက်ပံ့မှုကို လုံး၀မ၇ကြောင်း ကျေးရွာသားများက ပြောဆိုသည်။

သက်ထင်ကျေးရွာသားတစ်ဦးက''ကျနော့်ရွာမှာက စစ်ကောင်စီကပေးတာ တခါမှ မ၇သေးဘူး။ ပေးတယ်လို့တော့ ကြားပါတယ်။ မ၇ကြဘူး။ ကျောင်းသားအဖွဲ့တွေကပေးတာတော့ တစ်ခါ၇တယ်'' ဟုဆိုသည်။

လက်ရှိတွင် မိုခါမုန်တိုင်းဒဏ်ခံရသည့် ၇ခိုင်ပြည်သူများအား အရပ်ဘက်အဖွဲ့အစည်းတချို့၊  ရက္ခိုင့်တပ်တော် (AA)နှင့် စစ်ကောင်စီတို့က ဆန်၊ ဆီ၊ ဆပ်ပြာစသည့် ထောက်ပံ့ရေးပစ္စည်းများကိုထောက်ပံ့ ပေးနေကြသော်လည်း နိုင်ငံတကာ အပါအဝင် ရခိုင်ရှိ အရပ်ဖက်အဖွဲ့အစည်းတချို့အားလည်း သွားရောက် ကူညီ ထောက်ပံ့ခွင့်များကို ကန့်သတ်ထားဆဲဖြစ်သည်။

မိုခါမုန်တိုင်းသည် မေလ၁၄ ရက်တွင် စစ်တွေကိုဗဟိုပြုပြီး တိုက်ခတ်သွားခြင်းဖြစ်ရာ ရခိုင်ပြည်အတွင်းပျက်စီးဆုံးရှုံးမှု ၉၀ ရာခိုင်နှုန်းအထိရှိခဲ့သည်။ (NN-18)