ရခိုင်ပြည်နယ်၊ ပုဏ္ဏားကျွန်းမြို့ရှိ မုန်တိုင်းသင့်သူများအနက် အိမ်ထောင်စု ၁၈၀ အတွက် ဦးရာဇ်မြေ လူမှုရေးအသင်း (ရန်ကုန်)နှင့် ပုဏ္ဏားကျွန်းဌာနေအသင်းတို့က ဆန်နှင့် အဝတ်အထည်များကို ထောက်ပံ့ခဲ့ကြသည်ဟု သိ၇သည်။ 

ဇူလိုင်လ ၃၀ ရက်၊ နံနက် ၈ နာရီက ပုဏ္ဏားကျွန်းမြို့၊ စံပြရပ်ကွက်ရှိ မြို့မဧစေတီဓမ္မာရုံတွင် ထောက်ပံ့ခဲ့ခြင်းဖြစ်သည်။ 

ပုဏ္ဏားကျွန်းမြို့ပေါ်ရှိ စံပြရပ်ကွက်၊ မြို့သစ်ရပ်ကွက်၊ ရွာဟောင်းရပ်ကွက်နှင့် အလယ်စု ရပ်ကွက်စသည့် မြို့ပေါ်ရပ်ကွက် ၄ ခုရှိ မုန်တိုင်းသင့်အိမ်ထောင်စု ၁၈၀ ကို အိမ်ထောင်စုတစ်စုလျှင် ဆန် ၆ သိုက်နှင့် အဝတ်အထည်များ ထောက်ပံ့ခဲ့ခြင်းဖြစ်သည်ဟု ပုဏ္ဏားကျွန်းဌာနေအသင်းအတွင်းရေးမှူး ဦးထွန်းထွန်းက နိရဉ္စရာကို ပြောသည်။ 

"အဓိကတော့ တစ်နေ့လုပ်မှ တစ်နေ့စား၇တဲ့ ဘ၀တွေကို ပံ့ပိုးပေးလိုတဲ့သဘောမျိုး လှူပေးတာပါ"ဟု ပြောသည်။ 

ဦးရာဇ်မြေလူမှုရေးအသင်း (ရန်ကုန်)နှင့် ပုဏ္ဏားကျွန်းဌာနေအသင်းတို့သည် မိုခါမုန်တိုင်းပြီးနောက် ပုဏ္ဏားကျွန်းမြို့နယ်အတွင်း ငွေကြေးအပါအဝင် တာပေါ်လင်၊ ဆန်၊ ဆီနှင့် အိမ်အသုံးအဆောင်ပစ္စည်းများကို ကျပ်သိန်း ၂၀၀ ဖိုး ထောက်ပံ့ခဲ့ပြီးပြီဟု သိ၇သည်။