မိုခါမုန်တိုင်းအတွင်း ပျက်စီးခဲ့ရသည့် ၇သေ့တောင်မြို့နယ်မေယုကမ်းဒေသမှ ကြိုးတံတား ၃စင်းလက်ရှိ အချိန်ထိပြန်မတည်ဆောက်နိုင်သေး

Preview

မိုခါမုန်တိုင်းအတွင်း ပျက်စီးခဲ့ရသည့် ၇သေ့တောင်မြို့နယ်မေယုကမ်းဒေသမှ ကြိုးတံတား ၃စင်းလက်ရှိ အချိန်ထိပြန်မတည်ဆောက်နိုင်သေး

သြဂုတ် ၀၃/ ၂၀၂၃ | ကြည့်ရှုသူ :965

(လက်ရှိပြန်ပြင်နေသည့် သရက်ချောင်းကြိုးတံတားမကြာမီက တိုက်ခတ်သွားခဲ့သည့် မုန်တိုင်းငယ်အရှိန်ကြောင့် ထပ်မံပျက်စီးခဲ့၇ပြန်)

မေလ ၁၄ရက်နေ့က တိုက်ခတ်သွားခဲ့သည့် မိုခါမုန်တိုင်းကြောင့် ရခိုင်ပြည်နယ်၊ ရသေ့တောင်မြို့နယ်၊မေယုကမ်းဒေသရှိ ဒေသခံပြည်သူများ စုပေါင်းတည်ဆောက်ထားသည့် ကြိုးတံတား ၃ စင်း စလုံး ပျက်စီးခဲ့၇ပြီးယင်းအထဲက သရက်ချောင်းကျေးရွာရှိ"မေယုအားမာန်" ကြိုးတံတားမှာ ပြန်လည် ပြုပြင်နေစဉ် များမကြာမီက တိုက်ခတ်သွားသည့် မုန်တိုင်းငယ်ကြောင့် ထပ်မံပျက်စီးသွားခဲ့သည်ဟု သိ၇သည်။

ဒေသခံတစ်ဦးက "တံတားက သံပြားတွေ၃ နေရာစာလောက် ကွာကျပျက်စီးသွားတယ်။ တချို့နေရာတွေကလည်း ကော့လန်သွားတာတွေရှိတယ်။ရွာသားတွေက တံတားကိုအဓိက အမှီပြုသွားလာနေရတာလေ။လူသွားလာလို့ရအောင်တော့ ကွာကျသွားတဲ့ သံပြားတွေနေရာမှာ သစ်သားတွေထိုးပြီးတော့သွားလာဖို့ရအောင်ပြင်ဆင်ထား၇တယ်။ ပြန်ပြုပြင်ဖို့လိုအပ်နေတယ်" ဟုပြောသည်။

သြဂုတ်လ ၁ ရက်က ရခိုင်ရှိမြို့နယ်အချို့တွင်အဖျားခတ်တိုက်ခတ်ခဲ့သည့် မုန်တိုင်းငယ်ကြောင့် ပြန်လည်ပြုပြင်နေသည့် ၇သေ့တောင်မြို့နယ်၊မယူကမ်း၊ သရက်ချောင်းတံတားမှာ ထပ်မံပျက်စီးခဲ့ရသည်ဟု သိ၇သည်။

အဆိုပါကြိုးတံတားမှ ပြီးခဲ့သည့် မေလ ၁၄ ရက်နေ့ကတိုက်ခတ်ခဲ့သည့် ဆိုင်ကလုန်း မိုခါ မုန်တိုင်းကြောင့်လည်းမုန်တိုင်းဒဏ်ခံခဲ့ရပြီး ပြုပြင်ထိန်းသိမ်းမှုများ ပြုလုပ်ခဲ့၇သည်ဟု သူကဆက်ပြောသည်။

လက်ရှိတွင် အဆိုပါကြိုးတံတားကိုပြုန်ပြုပြင်နိုင်ရန်အတွက် နည်းပညာအခက်အခဲ၊ ငွေကြေး အခက်အခဲများရှိနေပြီးပြန်လည်ပြုပြင်မည်ဆိုပါက အကြီးစားပြုပြင်မှု ပြုလုပ်ပေးရန် လိုအပ်နေသည်ဟု သိ၇သည်။

ထို့အတူကျေးရွာအုပ်ချုပ်ရေးမှူးမှတဆင့် မြို့နယ်အုပ်ချုပ်ရေးမှူးထံသို့လည်းတံတားပြုပြင်နိုင်ရန် တင်ပြတောင်းဆိုမှုများပြုလုပ်ထားသည်ဟုလည်းသရက်ချောင်းကျေးရွာမှ တံတားပြုပြင် ထိန်းသိမ်းရေး အဖွဲ့ဝင် ဦးစောလှက ပြောသည်။

"မိုခါပြီးတော့မြို့နယ်အုပ်ချုပ်ရေးမှူးက ရွာကိုဆင်းလာတုန်း ကျွန်တော်တို့ရွာသားတွေက တံတားကိစ္စတင်ပြတောင်းဆိုထားပါတယ်။ အကြောင်းပြန်တာတော့မရှိသေးဘူး။ ဒါပေမဲ့ မနေ့ကထပ်ပြီး တင်ပြထားတယ်။ ကွာကျသွားတဲ့သံပြားတွေကိုတော့ သွားလာလို့၇အောင် အလှူရှင်တစ်ယောက်ကိုပြောထားတယ်လို့ပြောတယ်။မိုခါတုန်းက တံတားကပျက်စီးလုဖြစ်နေတာလေ။ယာယီသွားလာလို့၇အောင်ပြင်ဆင်ထားတယ်" ဟု ပြောသည်။

အဆိုပါတံတားကိစ္စနှင့်ပတ်သတ်၍ရသေ့တောင်မြို့နယ်အုပ်ချုပ်ရေးမှူးကို နိရဥ္စရာက ဖုန်းဖြင့် ဆက်သွယ်ခဲ့ရာ"အစည်းအဝေးတက်နေ၇တယ်။ဘယ်အချိန်ပြီးမလဲမသိသေးဘူး" ဟု ဆိုပြီး ဖုန်းချသွားခဲ့သည်။

"မေယုအားမာန်"ကြိုးတံတားသည်သရက်ချောင်းရွာနှင့် လောင်းချောင်းရွာအနောက်ပိုင်းကို ဆက်သွယ်ထားသည့်တံတားဖြစ်ပြီး မယူကမ်းရှိသရက်ချောင်း၊ လောင်းချောင်းရွာအပါအဝင် သရက်ပြင်၊ နေပူခံ၊ ပေါင်းဇား၊ကျွန်းချောင်း၊ နတ်ချောင်း၊ ကင်းရီချောင်း၊ ခြေထောက်ချောင်း၊နှင်းဆီကုန်း၊သံချောင်း၊ အောင်ဆိပ်၊ မင်းဖူးနှင့် အခြားကျေးရွာအများအပြား အသုံးပြု သွားလာနေ၇သည့် တံတားဖြစ်သည်ဟုဒေသခံများက ပြောသည်။

ပြီးခဲ့သည့် ၂၀၁၂ခုနှစ်က အင်ဂျင်နီယာ ဦးထွန်းရွှေသိန်းဦးစီးပြီး ဒေသခံများနှင့်ပူးပေါင်းကာကိုယ်ထူကိုယ်ထတည်ဆောက်ခဲ့သည့်တံတားဖြစ်သည်ဟုလည်း ဒေသခံများက ပြောသည်။

၇သေ့တောင်မြို့နယ်၊မယူကမ်းဘက်တွင် ဆိုင်ကလုန်းမိုခါမုန်တိုင်းကြောင့် "မေယုအားမာန်" ကြိုးတံတားအပါအဝင်စေတီပြင်ရွာနှင့် မော်ထက်ရွာကိုဆက်သွယ်ထားသည့် "စို့ပြင်ချောင်း"ကြိုးတံတား၊ ဇီးကုန်တန်းနှင့်ရန်အောင်ပြင်ရွာကို ဆက်သွားထားသည့် "ရန်အောင်ပြင်"ကြိုးတံတားတို့သည်လည်းပျက်စီးသွားပြီး ယခုအချိန်ထိပြန်လည်မပြုပြင်၇သေးဟု ဒေသခံများက ပြောသည်။

၎င်းတံတားများကို စေတနာရှင်များနှင့်ပြည်သူများ၏ ထည့်ဝင်ငွေများ တည်ဆောက်ထားခြင်းဖြစ်ပြီး မိုခါမုန်တိုင်းအပြီး ယနေ့အချိန်ထိ၎င်းကြိုးတံတားများကို ပြန်လည်ပြုပြင် တည်ဆောက်နိုင်ခြင်း မရှိသေး၍ ဒေသခံပြည်သူများသွားလာရေး အထူးခက်ခဲနေသည်ဟု သိရှိ၇သည်။

လူသွားလူလာများသည့် စေတီပြင်နှင့်မော်ထက်တံတားကို ပြန်လည်တည်ဆောက်ရန် အလှူရှင်များနှင့် ရန်ပုံငွေများရှိနေပြီဖြစ်သော်လည်းတည်ဆောက်ပေးမည့် အင်ဂျင်နီယာမရှိ၍ တံတားကို ပြန်လည် တည်ဆောက်ရန် အခက်အခဲကြုံနေရသည်ဟုဒေသခံလူကြီးတစ်ဦးက နိရဉ္စရာသတင်းဌာနကို ပြောဆိုသည်။

ဓာတ်ပုံ - MgThar Phru(သရက်ချောင်းတံတား)နှင့် စေတီပြင်ကြိုးတံတား (စက်လှေနှင့်ပုံ)

#လူမှုရေးရာ

မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။

လှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

ဆက်စပ် အကြောင်းအရာများ

နောက်ဆုံးရသတင်းများ