ရခိုင်ပြည်နယ်၊ စစ်တွေမြို့၊ဘာဆာရွာအနောက်ဘက်ကမ်းခြေ၌ အမည်မသိအမျိုးသမီးနှစ်ဦး၏ အလောင်းအား ယနေ့ဩဂုတ်လ ရ ရက်ညနေ ၄ နာရီခွဲအချိန်ကတွေ့ရှိခဲ့ကြောင်းသတင်းရရှိသည်။

ယခုတွေ့ရှိခဲ့သည့်အလောင်းများမှာ မွတ်စလင်အမျိုးသမီးနှစ်ဦး၏အလောင်းဖြစ်ပြီး မည်သည့် ကျေးရွာမှ အမျိုးသမီးများဖြစ်သည်ကိုမသိရှိရသေးကြောင်း ရွှေရောင်မေတ္တာဖောင်ဒေးရှင်းမှ သတင်းနှင့်ပြန်ကြားရေးတာဝန်ခံကိုသာဂီဖြိုးကနိရဥ္စရာသို့ပြောသည်။

" ကျွန်တော်တို့တွေ့ရတဲ့အလောင်းတွေကတော့ မွတ်စလင်အမျိုးသမီးတွေပါ။ ဘယ်သူဘယ်ဝါတွေ ဆိုတာတော့ မသိ၇သေးပါဘူး။"ဟု ကိုသာဂီဖြိုးကပြောသည်။

အဆိုပါအမျိုးသမီးနှစ်ဦးတွင်တစ်ဦးမှာ တစ်ဦးမှာ အသက် (၂၀)ကျော်ဝန်းကျင်ရှိပြီး နောက်တစ်ဦးမှာ (၃၀)ကျော်ဝန်းကျင် ရှိနိုင်ကြောင်း သူကဆက်ပြောသည်။

အဆိုပါအမျိုးသမီးနှစ်ဦးမှာစက်လှေနစ်မြုပ်ရာက ရေနစ်မြုပ်ကာ သေဆုံးခဲ့ပုံရပြီးတခြားပြင်ပဒဏ်ရာရရှိထားမှုတစ်စုံတစ်ရာမရှိကြောင်းပြောသည်။

သေဆုံးလျက်တွေ့ရှိသူအမျိုးသမီးနှစ်ဦးမှာမွတ်စလင်အမျိုးသမီးများဝတ်ဆင်လေ့ရှိသည့် အဝတ်အစားများ ဝတ်ဆင်ထားသည်ကိုရွှေရောင်မေတ္တာဖောင်ဒေးရှင်း၏ မှတ်တမ်းဓာတ်ပုံများထဲတွင် တွေ့၇သည်။

လက်ရှိတွင်အမျိုးသမီးနှစ်ဦး၏အလောင်းအားစစ်တွေဆေးရုံကြီးသို့ ပို့ဆောင်ထားပြီဖြစ်ကြောင်းသိ၇သည်။

ဓာတ်ပုံ-ရွှေရောင်မေတ္တာဖောင်ဒေးရှင်း