ရေနစ်မြုပ်နေ၍ ပိတ်ထားရသည့် တောင်ကုတ်မြို့မဈေးကြီးရှိ ဆိုင်ခန်းအချို့ ညဥ့်အချိန် ဖောက်ထွင်းခံရ

Preview

ရေနစ်မြုပ်နေ၍ ပိတ်ထားရသည့် တောင်ကုတ်မြို့မဈေးကြီးရှိ ဆိုင်ခန်းအချို့ ညဥ့်အချိန် ဖောက်ထွင်းခံရ

သြဂုတ် ၀၉/ ၂၀၂၃ | ကြည့်ရှုသူ :972

တောင်ကျချောင်းကြောင့် ရေနစ်မြုပ်နေ၍ ပိတ်ထားရသည့်ရခိုင်ပြည်နယ်၊ တောင်ကုတ်မြို့ရှိ မြို့မဈေးကြီးထဲမှ ဆိုင်ခန်းအချို့သည်ပြီးခဲ့သည့် ညဉ့်အချိန်က ဖောက်ထွင်းခံရပြီး ကုန်ပစ္စည်းများခိုးယူခံခဲ့ရကြောင်းဆိုင်ပိုင်ရှင်များက နိရဉ္စရာသတင်းဌာနသို့ပြောသည်။

ဖောက်ထွင်းခံ၇သည့်ဆိုင်ပေါင်း အနည်းဆုံး(၆)ဆိုင်ခန့်ရှိကြောင်း ကနဦးသိထား၇ပြီး ၄င်းတို့မှာ စားသောက်ကုန်ဆိုင်၊အလှကုန်ပစ္စည်းဆိုင်၊ ကုန်စုံဆိုင်၊ အဝတ်အထည်ဆိုင်နှင့် ဖိနပ်ဆိုင်တို့ဖြစ်ကြောင်းဆိုင်ပိုင်ရှင်များက နိရဉ္စရာသို့ ပြောသည်။

ယမန်နေ့ ဩဂုတ်လ၈ ရက်၊ နေ့လယ်ပိုင်းကပင် ချောင်းရေနစ်မြုပ်၍ ကုန်ပစ္စည်းများအား သိမ်းဆည်းကာပိတ်ထားခဲ့ရချိန် ညဉ့်အချိန်ကဖောက်ထွင်းပြီး ကုန်ပစ္စည်းများကို ခိုးယူသွားခြင်းဖြစ်ကြောင်းဖောက်ထွင်းခိုးယူခံခဲ့ရသည့် ဖိနပ်ဆိုင်ပိုင်ရှင် ဦးရာဇာထွန်းက ပြောသည်။

"ညဉ့်အချိန်ဖောက်ထွင်းခံ၇တာ။လှေနဲ့လာပြီးဖောက်ထွင်းခိုးယူသွားကြတယ်ထင်တယ်။ ကျွန်တော့်ဆိုင်မှာတော့ယိုးဒယားဖိနပ်တွေပဲသီးသန်းခိုးယူသွားတယ်။ ၁၁ သိန်းကျော်ဖိုးလောက် ပါသွားပါတယ်" ဟု နိရဥ္စရာသို့ပြောသည်။

၄င်း၏ဖိနပ်ဆိုင်တွင် အမျိုးသားစီးiQsoft အမျိုးအစားအပါအဝင်ဖိနပ်အရံ(၅၀)နှင့် အမျိုးသမီးစီး ဖိနပ်အရံ(၁၀) တို့ ခိုးယူခံခဲ့ရကြောင်းသူက ပြောသည်။

တောင်ကုတ်မြို့မဈေးကြီးထဲမှမငြိမ်းငြိမ်းစမ်း၏ စားသောက်ကုန်ဆိုင်တွင်လည်း ကုန်ပစ္စည်းထားသည့် ဆိုင်ခန်းတံခါးကိုဖျက်ပြီးပိဿာဆီပုံးများ၊ တစ်လီတာဆံ့ ဆီဗူးများအပါအဝင် စားသောက်ကုန် ပစ္စည်းအများအပြားခိုးယူခံခဲ့ရပြီးကာလတန်ဖိုးတွက်ချက်၍မရနိုင်သေးကြောင်း သူမက ပြောသည်။

"နိုင်သလောက်ယူသွားပုံရပါတယ်။ ပစ္စည်းတွေကမျိုးစုံယူသွားတာဆိုတော့ ဘယ်ပစ္စည်းက ဘယ်လောက်ဖိုးပါသွားတယ်ဆိုတာတွက်ချက်လို့မရသေးဘူး" ဟု စားသောက်ကုန်ဆိုင်ပိုင်ရှင်မငြိမ်းငြိမ်းစမ်းက ပြောသည်။

၄င်းတို့၏ဆိုင်တန်းအနီးဝန်းကျင်တွင်ဆိုင်ခန်း ၆ ခန်းခန့် ဖောက်ထွင်းခိုးယူခံရပြီး တခြားအဝတ်အထည်အရောင်းဆိုင်အချို့တွင်လည်းဖောက်ထွင်းခိုးယူခံရသည်ဟုပြောဆိုသံကြားနေကြောင်းသူမက ဆက်ပြောသည်။

အဆိုပါတောင်ကုတ်မြို့မဈေးကြီးထဲမနွေးနွေးအိပိုင်ဆိုင်သည့် ကုန်စုံဆိုင်မှာလည်း ဆိုင်တံခါးများကိုဖျက်ဆီးပြီးကုန်ပစ္စည်းများဖောက်ထွင်းခိုးယူခြင်းခံခဲ့ရသည်ဟု ဆိုသည်။

တောင်ကုတ်မြို့တွင် ယမန်နေ့နံနက်ပိုင်းကပင် မိုးအဆက်မပြတ်ရွာသွန်း၍ ချောင်းရေမြင့်တက်လာကာ မြို့မဈေးကြီးအပါအဝင်ရပ်ကွက်တချို့ရေနစ်မြုပ်နေခြင်းဖြစ်သည်။

မြို့မဈေးကြီးအတွင်းရောင်းချနေသည့် ဆိုင်ပိုင်ရှင်များမှာနေ့လယ်ပိုင်း ရေ ၃ ပေခန့်ဝင်ရောက်စဉ်ကပင် ဆိုင်ရှိကုန်ပစ္စည်းများကိုဆိုင်ခန်းအတွင်း ရေလွတ်နိုင်သည့် နေရာများတွင် သိမ်းဆည်းကာဈေးကိုပိတ်ထားခဲ့ခြင်းဖြစ်သည်။

တောင်ကုတ်မြို့တွင် ယခုကဲ့သို့ခိုးမှုအပါအဝင် လုယက်သတ်ဖြတ်မှု၊ ဓားပြတိုက်မှုများလည်း မကြာခဏဖြစ်ပေါ်နေသည့်အတွက်မြို့ခံများမှာ မိမိတို့၏အကျိုးစီးပွားနှင့် အသက်အန္တရာယ်အတွက်စိုးရိမ်မှုများရှိနေကြသည်။

ဓာတ်ပုံ-ဖောက်ထွင်းခံခဲ့ရသည့် ကုန်စုံဆိုင်တစ်ဆိုင်အား တွေ့၇စဉ်။

#မှုခင်း

မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။

လှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

ရေနစ်မြုပ်နေ၍ ပိတ်ထားရသည့် တောင်ကုတ်မြို့မဈေးကြီးရှိ ဆိုင်ခန်းအချို့ ညဥ့်အချိန် ဖောက်ထွင်းခံရ

ဆက်စပ် အကြောင်းအရာများ

နောက်ဆုံးရသတင်းများ