၇ခိုင်ပြည်နယ်တွင် မိုခါဆိုင်ကလုန်းမုန်တိုင်းကြောင့် ထိခိုက်ပျက်စီး ဆုံးရှုံးမှု ပမာဏ စုစုပေါင်းမှာအမေရိကန်ဒေါ်လာ ၂ ဒသမ ၂၄ ဘီလျံရှိသည်ဟု ကမ္ဘာ့ဘဏ်က ထုတ်ပြန်လိုက်သည့်အစီရင်ခံစာတွင် ဖော်ပြထားသည်။

ထိရှလွယ်သော ပဋိပက္ခရိုက်ခတ်မှုရှိနေသည့် အခြေအနေတွင် အမှန်တကယ် ဆုံးရှုံးမှုစာရင်းရရှိရန်မလွယ်ကူမှုကြောင့် ကမ္ဘာ့ဘဏ်သည် ကမ္ဘာလုံးဆိုင်ရာ သဘာ၀ဘေးအလွန် ထိခိုက်ပျက်စီးမှုအမြန်ခန့်မှန်းခြင်း ( Global Rapid Post-Disaster Damage Estimation) နည်းစနစ်ကို အသုံးပြုကာ ၇ခိုင်ပြည်နယ်တွင်တိုက်ခတ်သွားသည့် မိုခါမုန်တိုင်းကြောင့် ပျက်စီးဆုံးရှုံးမှုတန်ဖိုးကိုခန့်မှန်းထုတ်ပြန်လိုက်ခြင်းဖြစ်သည်။

အဆိုပါ ခန့်မှန်းချက်အ၇ မိုခါဆိုင်ကလုန်းမုန်တိုင်းကြောင့် စုစုပေါင်း ပျက်စီးဆုံးရှုံးမှုပမာဏမှာအမေရိကန်ဒေါ်လာ ၂ ဒသမ ၂၄ ဘီလျံရှိသည်ဟုသိ၇သည်။

ဤပမာဏမှာ ၂၀၂၁ခုနှစ် မြန်မာနိုင်ငံ GDP၏ ၃.၄% ရှိသည်။ ပျက်စီးဆုံးရှုံးမှုတွင်လူနေအဆောက်အအုံများပျက်စီးမှု၊ လူနေမဟုတ်သော အဆောက်အအုံပျက်စီးမှု နှင့်လယ်ယာမြေများ ပျက်စီးဆုံးရှုံးမှုတို့ ပါဝင်သည်။

ပျက်စီးမှုပမာဏအလိုက်စာရင်းပြုစုရာတွင် လူနေအဆောက်အအုံ ပျက်စီးဆုံးရှုံးမှုက အများဆုံးဖြစ်ပြီး လူနေမဟုတ်သောအဆောက်အအုံများ နှင့် လယ်ယာစိုက်ပျိုးမြေပျက်စီးဆုံးရှုံးမှုကဒုတိယ နှင့် တတိယဖြစ်သည်။

ပျက်စီးဆုံးရှုံးမှုများ၏ ၈၀% မှာ၇ခိုင်ပြည်နယ် နှင့် စစ်ကိုင်းတိုင်းတွင် ဖြစ်ပွါးခဲ့သည်။ ရခိုင်ပြည်နယ်က အဆိုးရွားဆုံး ဖြစ်ပြီးခရိုင် ၇ ခု၊ မြို့နယ်ပေါင်း (၁ရ)မြို့နယ်ရှိ လူဦးရေ ၁ ဒသမ ၂သန်း မုန်တိုင်းဒဏ်ထိခိုက်ခံစားခဲ့၇သည်။

မိုခါမုန်တိုင်းသည်ပြည်နယ်/တိုင်း ဒေသကြီး ငါးခုကို ထိခိုက်ပျက်စီးစေခဲ့ရာ ယင်းတို့တွင် ၇ခိုင်ပြည်နယ်၊စစ်ကိုင်းတိုင်း၊ မကွေးတိုင်း၊ မန္တလေးတိုင်း နှင့် ချင်းပြည်နယ်တို့ပါဝင်သည်။

ရခိုင်ပြည်နယ်တွင် လေမုန်တိုင်းဒဏ်အဓိကခံစား၇ပြီး မကွေး နှင့် စစ်ကိုင်းတိုင်းတို့တွင်ရေလွှမ်းမိုးမှုဖြစ်ပေါ်ခဲ့သည်။ ရခိုင်ပြည်နယ်တွင် မုန်တိုင်းကြောင့်အဓိက ပျက်စီးဆုံးရှုံး၇မှုတွင် ကျန်းမာရေးဆေးရုံများ၊စာသင်ကျောင်းများ၊ ဆက်သွယ်ရေးတာဝါတိုင်များ၊ သယ်ယူပို့ဆောင်ရေးစနစ်များ ပါဝင်ပြီး၇ခိုင်ပြည်နယ်တွင် ဖြစ်ပေါ်နေသော ပဋိပက္ခကြောင့် ကယ်ဆယ်ရေးနှင့်ကူညီရေးလုပ်ငန်းများအပေါ် ထိခိုက်မှု ရှိခဲ့သည်ဟု အစီရင်ခံစာတွင်ဖော်ပြထားသည်။ 

ref: worldbank.org