စစ်တွေကမ်းခြေတွင် စွန့်ပစ်ထားသည့် မွေးကင်းစ ကလေးငယ်အလောင်းတွေ့ရှိ

Preview

စစ်တွေကမ်းခြေတွင် စွန့်ပစ်ထားသည့် မွေးကင်းစ ကလေးငယ်အလောင်းတွေ့ရှိ

စက်တင်ဘာ ၀၁/ ၂၀၂၃ | ကြည့်ရှုသူ :1460

နိရဥ္စရာ၊ စက်တင်ဘာ ၁ / ၂၀၂၃

ရခိုင်ပြည်နယ်မြို့တော် စစ်တွေကမ်းခြေသဲသောင်ပြင်တစ်နေရာတွင် စွန့်ပစ်ထားသည့်မွေးကင်းစကလေးငယ်တစ်ဦး၏ အလောင်းအားတွေ့ရှိခဲ့ကြောင်း သတင်းရရှိသည်။

အဝတ်ဗလာဖြင့်စွန့်ပစ်ခံထား၇သည့် မွေးကင်းစကလေးငယ်မှာ ယောကျာ်းလေးဖြစ်ပြီး အလောင်းကို ယနေ့ စက်တင်ဘာ ၁ ရက်၊ နံနက်ပိုင်းက စစ်တွေဒေသခံအမျိုးသားတစ်ဦးက တွေ့ရှိခဲ့ခြင်းဖြစ်သည်။

အဆိုပါကလေးငယ်အလောင်းကို စစ်တွေပွိုင့်ကမ်းခြေအနောက်ဘက်ရှိ ဘာဆာရွာသို့သွားသည့်လမ်း ကမ်းခြေဘက်တွင်တွေ့ရှိသည်ဟု သိရကြောင်း မေတ္တာရောင်ခြည်ဖောင်ဒေးရှင်းဥက္ကဋ္ဌ ကိုလင်းလင်းက ပြောသည်။

"အလောင်းတွေ့တယ်လို့တော့ကြားထားတယ်။ အနောက်စံပြဖက် ဘာဆာရွာဖက်သွားတဲ့လမ်းမှာတွေ့တယ်လို့တော့ ကြားထားရတယ်" ဟု ပြောသည်။

နောက်ထပ်စစ်တွေဒေသခံတစ်ဦးကလည်း ကလေးငယ်၏အလောင်းကို စစ်တွေကမ်းခြေတွင်တွေ့ရှိသည်ဟုကြားရကြောင်း ပြောသည်။

လက်ရှိတွင် အဆိုပါအလောင်းအား ရွှေရောင်မေတ္တာဖောင်ဒေးရှင်းက သွားရောက်သယ်ဆယ်နေပြီဟု သိရသည်။

စစ်တွေမြို့၊ မင်းဂံရပ်ကွက်တွင် အကွက် ၄ နှင့် ၅ ကြား (င)လမ်း နောက်တန်းရှိ ချုံပုတ်အနီးမှမြက်ခင်းတွင်လည်း စွန့်ပစ်ထားသည့်မွေးကင်းစကလေးငယ်တစ်ဦးကို ပြီးခဲ့သည့် ၂၀၂၁ ခုနှစ်၊ နိုဝင်ဘာလ ၅ ရက်နံနက်တွင် အနီးအနား၌ ကစားနေကြသည့်ကလေးငယ်အချို့က တွေ့ရှိခဲ့သည်။

အဆိုပါကလေးငယ်မှာ မိန်းကလေးဖြစ်ပြီး အသက်ရှင်လျက်ရှိတွေ့ရှိခဲ့ခြင်းဖြစ်သည်။ (NN-23)

ပုံစာ - စစ်တွေကမ်းခြေတွင်တွေ့ရှိခဲ့သည့် မွေးကင်းစကလေးငယ်၏ရုပ်အလောင်းအားတွေ့၇စဉ်။ (ဓာတ်ပုံ - Ye Zaw)

မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။

လှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

စစ်တွေကမ်းခြေတွင် စွန့်ပစ်ထားသည့် မွေးကင်းစ ကလေးငယ်အလောင်းတွေ့ရှိ

ဆက်စပ် အကြောင်းအရာများ

နောက်ဆုံးရသတင်းများ