မြန်မာ့လွတ်လပ်ရေးမီးရှူးတန်ဆောင်ဆရာတော်ဦးဥတ္တမနေ့အခမ်းအနား ဂျပန်နိုင်ငံ၊ တိုကျိုမြို့တွင်ကျင်းပ

(၈၄) နှစ်မြောက် မြန်မာ့လွတ်လပ်ရေးမီးရှူးတန်ဆောင်ရခိုင့်အာဇာနည် ဆရာတော်ဦးဥတ္တမနေ့အခမ်းအနားကို ဂျပန်နိုင်ငံ၊ တိုကျိုမြို့တွင် ကျင်းပခဲ့ကြောင်း သိရသည်။

ဆရာတော်ဦးဥတ္တမနေ့ကို ယမန်နေ့စက်တင်ဘာ ၁၀ ရက်၊ဒေသစံချိန်တော်ချိန် ညနေ ၆ နာရီမှ ည၁၀ နာရီအထိ ဂျပန်နိုင်ငံ၊တိုကျိုမြို့ရှိ Takadanobaba, Recycling,Activity, Center 2F ၌ ဂျပန်နိုင်ငံရှိရခိုင်အမျိုးသားဒီမိုကရက်တစ်ပါတီ (ArakanNational Democratic Party-Japan)က ဦးဆောင်ကျင်းပခဲ့သည်ဟု ANDP ၏ အကြံပေးနှင့်ပြောရေးဆိုခွင့်ရှိသူ ကိုဘုန်းမြင့်ကနိရဉ္စရာကို ပြောသည်။

"ဆရာတော် ဦးဥတ္တမနေ့ကို ယခုလို ကျင်းပခြင်းက သမိုင်းပေးတာဝန်တစ်ခုကိုလက်ဆင့်ကမ်း သယ်ယူလာခြင်းဖြစ်သလို ရခိုင်တို့ရဲ့အမျိုးဂုဏ် ဇာတိဂုဏ် မြင့်မားမှုကို ထုတ်ဖော်ပြသရာလည်း ရောက်ပါတယ်။ ရခိုင်အာဇာနည်တွေကိုဂုဏ်ပြုခြင်းအားဖြင့် နောက်လာတဲ့ မျိုးဆက်သစ်လူငယ်တွေအတွက် မျိုးချစ်စိတ်ဓာတ် နိုးထလာပြီး ရခိုင်နိုင်ငံရေး၊ တော်လှန်ရေးမှာတတ်အား သလောက် ပါဝင်လာနိုင်လိမ့်မည်ဟုလည်းမျှော်လင့်မိပါတယ်”ဟု ပြောသည်။

အခမ်းအနားတွင် အာရက္ခနိုင်ငံတော်သီချင်းကိုသံပြိုင်ရွတ်ဆိုဖွင့်လှစ်ပြီး ရခိုင်နိုင်ငံလွတ်လပ်ရေးအတွက်အသက်သွေး၊ ချွဲပေးဆပ်ခဲ့ကြသည့် ရဟန်းရှင် လူပုဂ္ဂိုလ်များအားဂါ၇၀ပြု ဆုတောင်းမေတ္တာပို့သခြင်း၊ANDP-Japanကလွမ်းသူပန်းခွေဖြင့် ဂါ၇၀ပြုခြင်း၊ ညီညွတ်သောတိုင်းရင်းသားအဖွဲ့အစည်း (AUN-Japan)လွမ်းသူပန်းခြင်းဖြင့်ဂုဏ်ပြုဂါ၇၀ပြုခြင်း၊ နွေဦးတော်လှန်ရေး အင်အားစုများ(ဂျပန်)ကလွမ်းသူ့ပန်းခြင်းဖြင့် ဂုဏ်ပြုဂါ၇၀ပြုခြင်းများနှင့် တက်ရောက်လာကြသည့်ဂျပန်ရောက် ဆရာတော်သံဃာတော်များ၊ ရခိုင်အဖွဲ့အစည်းခေါင်းဆောင်များ၊တိုင်းရင်းသားခေါင်းဆောင်များ၊ တော်လှန်ရေးအင်အားစုအသီးသီးများမှခေါင်းဆောင်များကဆရာတော်အား ဂုဏ်ပြုစကားများဖြင့် ဟောပြောချီးမြှင့်ခဲ့ကြောင်း သိ၇သည်။

အခမ်းအနားကိုလူပေါင်း ၂၀၀ ခန့်တက်ရောက်ခဲ့ကြသည်ဟုလည်း သိ၇သည်။

ဆရာတော်ဦးဥတ္တမကို၁၈၇၉ ခုနှစ်၊ ဒီဇင်ဘာ(၂ရ) ရက်နေ့တွင် စစ်တွေမြို့၊ ရူပရပ်၌ မွေးဖွားခဲ့ခြင်းဖြစ်သည်။ ငယ်နာမည် ပေါ်ထွန်းအောင်ဖြစ်ပြီး (၁၆)နှစ်သားအရွယ်တွင် ရှင်သာမဏေ ဝတ်ကာ ရှင်ဥတ္တမဟုဘွဲ့အမည်တွင်ခဲ့သည်။

ဆရာတော်သည်အင်္ဂလိပ်ကိုလိုနီလက်ထက်က မြန်မာပြည်လွတ်လပ်ရေး အသိရှိလာအောင်လွတ်လပ်ရေးမျိုးစေ့ကိုချပေးခဲ့သူဖြစ်သည်။

အမျိုးသားနိုင်ငံရေးစည်းရုံး ဟောပြောမှုများစွာ ပြုလုပ်ခဲ့ခြင်းကြောင့် ဖမ်း၀ရမ်းအကြိမ်ကြိမ်အထုတ်ခံခဲ့ရပြီးဖျာပုံခရိုင်၊ ဒေးဒရဲမြို့နယ်အတွင်း ဝံသာနုရက္ခိတတရား ဟောပြောနေစဉ်အဖမ်းခံခဲ့ရသည်။

ဆရာတော်သည်နိုင်ငံရေးဖြင့် ပထမဆုံး အပြစ်ပေးခံရသည့် ရဟန်းတော်ဖြစ်သည်။

အကြိမ်အကြိမ်ဖမ်းဆီးခံခဲ့ရသော်လည်း မြန်မာပြည်လွတ်လပ်ရေးအတွက်ဝံသာနု ရက္ခိတတရားများကို လှည့်လည်ဟောပြောခဲ့သည့်အာဇာနည် ပုဂ္ဂိုလ်ဖြစ်သည်။

ဆရာတော်သည်ကမ္ဘာအရပ်ရပ်ရှိ နိုင်ငံပေါင်း၃၀ ခန့်သို့ လှည့်လည်ရောက်ရှိခဲ့သူ ဖြစ်ပြီး အင်္ဂလိပ်၊ အီတလီ၊ ပြင်သစ်၊ ပါဠိ၊ သက္ကဋ၊ တိဗက်၊ဟိန္ဒူ၊ ဂျပန်၊ နာဂရီနှင့် ဘင်္ဂလီစသောဘာသာစကား (၁၀) မျိုးခန့်ကို ကျွမ်းကျင်စွာပြောဆိုတတ်သည့် ပုဂ္ဂိုလ်ဖြစ်သည်။

၁၉၂၀ပြည့်နှစ်တွင် ကာလကတ္တားမြို့ရှိ၊အမျိုးသားတက္ကသိုလ်တွင် အဘိဓမ္မာပါမောက္ခ၊ ၁၉၃၅ ခုနှစ် တွင် အိန္ဒိယ နိုင်ငံလုံးဆိုင်ရာဟိန္ဒူမဟာဆဗ္ဗအသင်း ဥက္ကဋ္ဌ၊၁၉၀၇-၁၉၀၈ ခုနှစ်တွင်ဂျပန်နိုင်ငံ၊ တိုကျို ဗုဒ္ဓတက္ကသိုလ်၏ အဘိဓမ္မာပါမောက္ခ စသော အထင်ကရတာဝန်များကို ထမ်းဆောင်ခဲ့သည်။

ထို့အပြင်ဆရာတော် ဦးဥတ္တမသည် လုံးချင်းစာအုပ် ၁၄ အုပ်ကိုလည်း ရေးသားပြုစုခဲ့သူ ဖြစ်သည်။

ဆရာတော်သည်လောကီ၊ လောကုတ္တရာနှစ်ဖြာကောင်းကျိုးကို သယ်ပိုးဆောင်ရွက်ရင်း ၁၉၃၉ ခုနှစ်၊ စက်တင်ဘာလ ၉ ရက်နေ့တွင် ပျံလွန်တော်မူသွားခဲ့သည်။

ဆရာတော်ပျံလွန်တော်မူသည့်နေ့ကို ဆရာတော်ဦးဥတ္တမနေ့အဖြစ်ရခိုင်တစ်မျိုးသားလုံးက အသိအမှတ်ပြုကာအောက်မေ့ဖွယ် အခမ်းအနားများလည်းနှစ်စဉ်ကျင်းပလျက်ရှိနေကြသည်။