Preview
စစ်တွေမြို့ပေါ်တွင် အမျိုးသားတစ်ဦး သေနတ်ပစ်ခံရ၍ ပွဲချင်းပြီးသေဆုံး
စက်တင်ဘာ ၁၅/ ၂၀၂၃ | ကြည့်ရှုသူ :2835
ရခိုင်ပြည်နယ်၊စစ်တွေမြို့ပေါ်တွင် အမျိုးသားတစ်ဦး သေနတ်ပစ်ခံရ၍ ပွဲချင်းပြီးသေဆုံးသွားကြောင်းသိ၇သည်။
သေဆုံးသွားသူမှာ မည်သူမည်ဝါမသိ၇သေးဘဲယနေ့ စက်တင်ဘာလ ၁၅ ရက်၊ မွန်းလွဲ ၁၂ နာရီကျော်တွင် စစ်တွေမြို့၊ဆက်သွယ်ရေးရုံးရှိသည့် ဗောဓိလမ်းရှိ ကွမ်းယာဆိုင်တစ်ဆိုင်ရှေ့တွင်ပစ်သတ်ခံလိုက်ရခြင်းဖြစ်သည်ဟု ယင်းအနီးနေထိုင်သူ ဒေသခံတစ်ဦးက ပြောသည်။
“အုပ်စုလိုက်ဆိုင်ကယ်စီးပြီး လာပစ်သွားတာ။ ဒဏ်ရာတွေတော့ ဘယ်နေရာရလဲမသိရဘူး။ လမ်းတွေလည်း အခုပိတ်ထားလို့”ဟုပြောသည်။
လက်ရှိတွင်အလောင်းအား ရွှေရောင်မေတ္တာဖောင်ဒေးရှင်းက သွားရောက်သယ်ဆောင်ပြီး စစ်တွေဆေးရုံသို့ပို့ဆောင်လိုက်ပြီဟု သိရသည်။
စစ်တွေမြို့ပေါ်တွင် နေ့ခင်းကြောင်တောင်သေနတ်ဖြင့် ပစ်သတ်ခံရမှုဖြစ်စဉ်ကြောင့် မြို့ခံများအကြားစိုးရိမ်မှုမြင့်တက်လျက်ရှိသည်။
Photo - CJ
လှူရန်ဆက်စပ် အကြောင်းအရာများ
တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်