မြန်မာတစ်နိုင်ငံလုံးသင်္ချာအိုလံပစ်ပြိုင်ပွဲ၌ဒုတိယဆုရရှိခဲ့သည့် ၇ခိုင်လူငယ်ကွန်ပျူတာဆရာ တစ်ဦးသည်ယမန်နေ့က ရခိုင်ပြည်နယ်၊ကျောက်တော်မြို့နယ်တွင် ရေနစ်သေဆုံးသွားခဲ့ကြောင်းသိ၇သည်။

ရေနစ်သေဆုံးခဲ့သူမှာပုဏ္ဏားကွန်းမြို့နယ်၊ အလယ်ချောင်းကျေးရွာမှ ဦးမောင်စိုးဝင်း၏သား ကိုနေထိန်ဝင်း(၂၈) နှစ်ဖြစ်သည်။

သူသည်ကျောက်တော်မြို့နယ်၊ ပြိုင်ချောင်းကျေးရွာတွင် ကွန်ပျူတာသင်တန်းပြသနေသူတစ်ဦးဖြစ်ပြီး စက်တင်ဘာ၁၄ ရက်၊ ညနေတွင် ယင်းကျေးရွာအနီး ချောင်း၌ သူငယ်ချင်းများနှင့်အတူရေချိုးကြစဉ် ရေနစ်သေဆုံးခဲ့ခြင်းဖြစ်ကြောင်း သူ၏ ဆွေမျိုးတော်သူကိုကျော်ဌေးက နိရဥ္စရာကို ပြောသည်။

"သူငယ်ချင်းတွေနဲ့ ညနေစောင်းရွာနားက ချောင်းမှာ ရေချိုးဖို့သွားတာပါ။ ရေစီးသန်တာနဲ့ မထိန်းနိုင်ဘဲမျောပါသွားတာပါ။ လိုက်ဆယ်ပါတယ်။ မ၇လိုက်ဘူးလို့ သူ့သူငယ်ချင်းတွေကပြောပါတယ်" ဟု ပြောသည်။

သေဆုံးသွားသူသည် ၂၀၁၁ခုနှစ် မြန်မာတစ်နိုင်ငံလုံး သင်္ချာအိုလံပစ်ပြိုင်ပွဲတွင် ဒုတိယရရှိထားသူဖြစ်သည်။

ယင်းအပြင် ပညာရေးတက္ကသိုလ်(B.Ed)ကျောင်းဆင်းကျောင်းဆရာတစ်ဦးဖြစ်ပြီး ပညာရေးဝန်ထမ်းအဖြစ် တစ်နှစ်ကျော်ခန့်တာဝန်ထမ်းဆောင်ခဲ့ပြီးနောက် အလုပ်ထွက်ကာ ဒေသရှိ လူငယ်များကိုကွန်ပျူတာသင်တန်းပြသနေသူဖြစ်ကြောင်း သိ၇သည်။

သူ ယခုကဲ့သို့သေဆုံးသွားခဲ့ရသည့်အပေါ် အလယ်ချောင်းကျေးရွာပ၇ဟိအသင်းဥက္ကဋ္ဌ ကိုမင်းဟိန်းက"မြန်မာနိုင်ငံနဲ့ ရခိုင်ပြည်သူတွေအတွက်ပါ အလွန်အရေးပါတဲ့ ပ၇ဟိတစိတ်ဓာတ်မြင့်မားတဲ့လူငယ်တွေ ဆုံးရှုံးရတာ အလွန်တရာမှ ဝမ်းနည်းမိပါတယ်"ဟု ပြောသည်။

လက်ရှိတွင်သေဆုံးသွားသည့် ကိုနေထိန်ဝင်း၏ရုပ်အလောင်းကို ဇာတိရွာ အလယ်ချောင်းကျေးရွာသို့ ယူဆောင်ထားပြီဖြစ်ပြီး ယနေ့ညနေတွင် ရွာသုသာန်၌ သင်္ဂြိုလ်သွားမည်ဟု သိ၇သည်။

၇ခိုင်တွင် ပြီးခဲ့သည့်ဇူလိုင်လနှင့် သြဂုတ်လတို့အတွင်းကလည်း ရေနစ်သေဆုံးသူ စုစုပေါင်း ၃၃ ဦးအထိရှိခဲ့သည်ဟု နိရဥ္စရာသတင်းဌာနက ကောက်ယူထားသည့်အချက်အလက်များအရ သိ၇သည်။

အဆိုပါရေနစ်သေဆုံးသူများမှာ အသက်(၅)နှစ်မှ(၅)နှစ်အထက် ကလေးငယ်များ၊ သက်လတ်ပိုင်းအရွယ်များနှင့် သက်ကြီးရွယ်အိုများလည်းပါဝင်သည်။ (NN-10)

ဓာတ်ပုံ - ရေနစ်သေဆုံးသွားသည့်မြန်မာတစ်နိုင်ငံလုံး သင်္ချာအိုလံပစ်ပြိုင်ပွဲ ဒုတိယဆုရှင်ရခိုင်လူငယ်အား တွေ့၇စဉ်။ (Photo - လူမှုကွန်ရက်နှင့် ဟိန်းထွန်း)