မြန်မာ-ဘင်္ဂလားဒေ့ရှ်နယ်စပ် ၇ခိုင်ပြည်နယ် ဘူးသီးတောင်မြို့နယ်တွင် ပြန်ပေး၊ ငွေညစ်၊ လူသတ်မှုများ ကျူးလွန်နေသည့် အကြမ်းဖက်အဖွဲ့အစည်းများကို လိုက်လံရှင်းလင်းနေကြောင်း ရက္ခိုင်အမျိုးသားအဖွဲ့ချုပ်/ ရက္ခိုင့်တပ်တော် (ULA/AA) ပြောခွင့်၇ ဦးခိုင်သုခက နိရဉ္စရာသတင်းဌာကို ပြောသည်။

"ဘူးသီးတောင်ဘက်မှာ ဒေသခံပြည်သူတွေကို ပြန်ပြေးဆွဲ၊ လူသတ်၊ ဓားပြတိုက်နေတဲ့ ရာဇဝတ်ဂိုဏ်း၊ လူဆိုးဂိုဏ်းတွေကို ဖမ်းဆီးနိုင်ဖို့အတွက် ကျနော်တို့ အာရက္ခ ပြည်သူ့အစိုးရရဲ့ ပြည်သူ့လုံခြုံရေး တပ်ဖွဲ့တွေက ဒေသခံတွေနဲ့ ပူးပေါင်းပြီးတော့ ပိတ်ဆို့ရှာဖွေမှုတွေ လုပ်နေတာရှိပါတယ်။ ဒီလူဆိုးဂိုဏ်းတွေအခြေစိုက်တဲ့ ကျေးရွာတွေကို ကျနော်တို့ ပိတ်ဆို့ပြီး ရှာဖွေနေတာဖြစ်ပါတယ်။ ဒါပေမယ့်လည်း ဒီလူဆိုးဂိုဏ်းနဲ့ မပတ်သက်တဲ့ ပြည်သူတွေ အတွက်ကတော့ တစုံတရာစိုးရိမ်စရာမရှိပါဘူး"ဟု ပြောသည်။

အကြမ်းဖက်အဖွဲ့မှာမည်သည့် အဖွဲ့ဖြစ်ကြောင်းကို ဦးခိုင်သုခက ထုတ်ဖော် ပြောကြားခြင်းမရှိသော်လည်း အာဆာလက်နက်ကိုင် အကြမ်းဖက် အဖွဲ့ဝင်များသည် ပြီးခဲ့သည့် သြဂုတ်လမှစတင်ကာ ဘူးသီးတောင်၊ မောင်တောမြို့နယ်များတွင် စည်းရုံးရေးဆင်းခြင်း၊ အေအေနှင့် ဆက်စပ်သည့် ဒေသခံတချို့ကို ခြိမ်းခြောက်သတ်ဖြတ်ခြင်းနှင့် စီးပွားရေးသမားတချို့ကို ဖမ်းဆီးခြင်းများကို ပြုလုပ်ခဲ့သည်ဟု ဒေသအတွင်းကလာသော သတင်းများအ၇ သိ၇သည်။

ယင်းသို့ ပေါ်ပေါ်ထင်ထင် လှုပ်ရှားလာမှုမှာ နောက်ကွယ်က စစ်ကောင်စီ၏ လက်နက်အင်အား၊ စစ်ရေးသင်တန်းများ ထောက်ပံ့ပေးမှုများကြောင့်ဟုလည်း နိုင်ငံရေး စောင့်ကြည့်သူများနှင့် ဒေသခံများက ပြောသည်။

လက်ရှိမှာ စက်တင်ဘာ ၂၂ ရက်နေ့မှ စကာ ဘူးသီးတောင်မြို့နယ်အတွင်းမှ အာဆာအဓိကလှုပ်ရှားရာ မွတ်ဆလင်ကျေးရွာများ ဖြစ်သည့် ရွက်ညိုတောင်၊ စိမ့်ညှင်းပြား၊ အတွင်းငှက်သည်၊ သိမ်တောင် ဦးလှဖေ၊ ဆေးအိုးကျ စသည့် ကျေးရွာ(၁၀) ခန့်ကို ရက္ခိုင့်တပ်တော်(AA) က ထိန်းချုပ်ကာစစ်ဆေးမှုများ တင်းကျပ်ထားခြင်းဖြစ်သည်။ 

ယင်းအပြင် ဘူးသီးတောင်နှင့် မောင်တောမြို့နယ်များတွင် အကြမ်းဖက် အဖွဲ့အစည်းများ၏ လှုပ်ရှားမှုများနှင့် ၄င်းတို့ကို ထောက်ခံအားပေးသည့် အဖွဲ့အစည်းနှင့်လူပုဂ္ဂိုလ်များ၏ လှုပ်ရှားမှုများကို  ULA/AA အနေနှင့် သတိထားစောင့်ကြည့်လျက်ရှိသည်ဟုလည်း ဦးခိုင်သုခက ဆိုသည်။

"ဒီကိစ္စတွေနဲ့ ပတ်သက်ပြီးတော့ အခြေအနေရဲ့လိုအပ်ချက်အ၇ သင့်တော်သလို ဆောင်ရွက်သွားမှာဖြစ်ပါတယ်။ ဒါကြောင့်မလို့ ဒေသခံပြည်သူတွေအနေနဲ့ လိုအပ်တာထက်ပိုပြီးတော့ စိုးရိမ်မလွန်ကြဖို့။ အဲ့ဒီအကြမ်းဖက် အဖွဲ့အစည်းတွေရဲ့ သတင်းတွေကို ULA/AA ဆီကို အချိန်နဲ့တပြေးညီ ပို့ပေးပြီးတော့ ပူးပေါင်းဆောင်ရွက် ကြဖို့ကိုလည်း ကျနော်တို့တိုက်တွန်းလိုပါတယ်"ဟု ဆိုသည်။ 

ရက္ခိုင့်တပ်တော် (AA ) အနေနှင့် လက်ရှိမှာ ၄င်းကျေးရွာများသို့ ဝင်ရောက်ကာ စစ်ဆေးမှု၊ ဖမ်းဆီးမှုများ ပြုလုပ်နေကြောင်း စိမ်းညှင်းပြား ကျေးရွာမှ မွတ်ဆလင် ရွာလူကြီးတစ်ဦးက ပြောသည်။

"ဒီလို အေအေက လုပ်တာကို ကျနော်ကတော့ သဘောကျတယ်။ အားလည်း၇တယ်။ ကျေးရွာသားတွေ တောတောင်ထဲသွားလည်း စိုးရိမ်မှုမရှိတော့ဘူး။ အကြမ်းဖက်တွေကို နှိမ်နှင်းတာကို တခြားလူတွေတော့ မသိဘူး။ ကျနော်တော့ သဘောတူပါတယ်"ဟု ဆိုသည်။ 

ပြီးခဲ့သည့် စက်တင်ဘာလ ၉ ရက်၊ ညအချိန်ကလည်း ဘူးသီးတောင်မြို့နယ် မြောက်ပိုင်းရှိ မီးကျောင်းခေါင်းဆွဲကျေးရွာမှ အသက် ၆၀ ကျော်အရွယ် ရပ်မိရပ်ဖ မာမတ်ရူရ်ကူရ်းသည် ကျေးရွာအတွင်းရှိ နေအိမ်မှ ARSA အဖွဲ့ဝင်များ၏ ဖမ်းဆီးခြင်းကိုခံခဲ့၇သည်ဟု ဒေသခံများက ပြောသည်။

နောက်တစ်နေ့ စက်တင်ဘာလ ၁၀ ရက်တွင် အသတ်ခံထား၇သည့် သူ၏ ရုပ်အလောင်းကို ရွာနှင့်မနီးမဝေးရှိ မောင်နှမတောင်အနီးတွင် ဒေသခံများက တွေ့ရှိခဲ့သည်။

အာဆာအဖွဲ့၏လှုပ်ရှားမှုများသည် လူမျိုးရေး၊ ဘာသာရေး ပဋိပက္ခများကို ဖန်တီးကာ နိုင်ငံရေးအ၇ အသုံးချလိုမှုများ ပါဝင်နေသည့်အတွက် ဒေသခံ မွတ်ဆလင်နှင့် ၇ခိုင်လူမျိုးများအကြား အခြေအနေအရပ်ရပ်ကို သတိထား စောင့်ကြည့်ပြီး ၄င်းတို့၏ ပြဿနာဖန်တီးမှုများအကြား မပါဝင်သင့်ကြောင်း နိုင်ငံရေးသမားတစ်ဦးဖြစ်သည့် ဦးဖေသန်းက တိုက်တွန်းထားသည်။ (NN-7)