ဒေါက်တာအေးမောင်နှင့် ဒေါ်စန္ဒာမင်းတို့ ဂျပန်သို့သွားရောက်ပြီး စစ်ကောင်စီအတွက်ဝါဒဖြန့်ပေးဟု People’s Spring က သတင်းဖော်ပြ

ရခိုင့်ဦးဆောင်ပါတီဥက္ကဋ္ဌဒေါက်တာအေးမောင်အပါအဝင် အမျိုးသားဒီမိုကရေစီအဖွဲ့ချုပ်(NLD)မှ ထုတ်ပယ်ခံထား၇သည့်ဒေါ်စန္ဒာမင်း အပါအဝင် ၃ ဦးသည် ဂျပန်နိုင်ငံသို့သွားရောက်ပြီးစစ်ကောင်စီ အတွက်ဝါဒဖြန့်ပေးခဲ့သည်ဟု People's Spring က သတင်း ဖော်ပြထားသည်။

သူတို့ ၃ ဦးသည်ပြီးခဲ့သည့် စက်တင်ဘာ ၁၇ ရက်တွင် ဂျပန်နိုင်ငံသို့သွားရောက်ခဲ့ပြီး မြန်မာအရေးကို ကူညီပေးနေသော ဂျပန်နိုင်ငံအထက်လွှတ်တော်အမတ်အချို့နှင့်စက်တင်ဘာ ၁၉ ရက်တွင်တွေ့ဆုံ၍ စစ်ကောင်စီအတွက်ဝါဒဖြန့်ပေးခဲ့ခြင်းဖြစ်ကြောင်း People'sSpring က စက်တင်ဘာလ ၂၆ ၇က်တွင်သတင်းဖော်ပြထားသည်။

ယင်းသို့တွေ့ဆုံရာတွင် ဒေါက်တာအေးမောင်တို့ကပြည်သူ့ကာကွယ်ရေးတပ်ဖွဲ့(PDF)ကမြန်မာနိုင်ငံအတွင်း အကြမ်းဖက်လုပ်ရပ်များ လုပ်ဆောင်နေပြီး ဂျပန်နိုင်ငံရှိနွေဦးတော်လှန်ရေး ထောက်ခံသူများ၊ ရန်ပုံငွေရှာဖွေမှုများကို သတိထားရန်ပြောကြားခဲ့ကြောင်း People’s Spring က ဖော်ပြသည်။

ယင်းအပြင် စစ်တပ်က၂၀၂၃ ခုနှစ်၊ မတ်လတွင်ထုတ်ဝေထားသည့်စစ်အာဏာသိမ်းမှုလက်မခံသော တော်လှန်ရေးအင်အားစုများ၏ အကြမ်းဖက်မှုဟူသောစာအုပ်ကိုလည်း ပေးအပ်ခဲ့သည်ဟု သိ၇သည်။

တိုကျိုရှင်ဘွန်းသတင်းဌာနမှသတင်းထောက် မစ္စတာ ရှီဂဲဖုမိကီတာဂါဝါကလည်း ဒေါက်တာ အေးမာင်တို့သည်ဂျပန်လွှတ်တော် အမတ်များထံသို့လာ၍ မြန်မာနိုင်ငံမှ မတည်ငြိမ်မှုများအတွက်ဒီမိုကရေစီ ခုခံကာကွယ်သူများကို အပြစ်တင်ပြီး စစ်ကောင်စီ ရွေးကောက်ပွဲကျင်းပရန်လိုကြောင်းပြောဆိုခဲ့ကြသည်ဟု သူ၏ တွစ်တာစာမျက်နှာတွင် စက်တင်ဘာ ၂၄ ရက်က ရေးသားထားသည်။

တွေ့ဆုံရာတွင် ဒေါက်တာအေးမောင်တို့၃ ဦးနှင့်အတူ မြန်မာ စီးပွားရေးလုပ်ငန်းရှင်တစ်ဦးဖြစ်သော ဦးသန်းနိုင်၊ ဂျပန်နိုင်ငံသား တစ်ဦးတို့လည်းပါဝင်ခဲ့သည်ဟု ဆိုသည်။

ဒေါက်တာအေးမောင်တို့၏ယခုခရီးစဉ်သည် စစ်တပ်အတွက် ဝါဒသွားဖြန့်ခြင်းဟု ရာနှုန်းပြည့် နီးပါးခန့်မှန်းနိုင်သော်လည်းသူတို့သည် အစိုး၇၏ကိုယ်စားလှယ်များလည်း မဟုတ်သည့်အတွက်စစ်တပ်၏လုပ်ရပ်များအပေါ် ကာကွယ်နိုင်လောက်သည့်အဆင့်တွင် မရှိကြောင်းရခိုင့်နိုင်ငံရေးလေ့လာသုံးသပ်သူဦးဖေသန်းက ထောက်ပြသည်။

“ဒီအကျိုးဆက်ကတော့ အဲဒီပုဂ္ဂိုလ်တွေအတွက်တော့မကောင်းဘူး။ သူတို့အဆင့်လောက်နဲ့ စစ်တပ်ကို ကာကွယ်ပေးနိုင်ဖို့အဆင့်လည်းမရှိပါဘူး။ စစ်တပ်ရဲ့ဆိုးသွမ်းတဲ့လုပ်ရပ်တွေကို ပျောက်သွားအောင် အထိ၊ တစ်ဘက်ကို အပြစ်ဖြစ်သွားအောင်အထိ ကာကွယ်ပေးနိုင်တဲ့ အခြေအနေလည်း မဟုတ်ဘူး။ သူတို့ကအစိုး၇ကိုယ်စားလှယ်လည်း မဟုတ်ဘူး။ သာမန်ပုဂ္ဂိုလ်တွေပဲဖြစ်တယ်။ဆိုတော့ အဲလောက်ထိလည်း သူတို့ လုပ်နိုင်စွမ်းအားရှိမယ်လို့ မထင်ဘူး။ဘာလို့ဆို စစ်ကောင်စီရဲ့လုပ်ရပ်တွေက တစ်ကမ္ဘာလုံးကသိနေတယ်။ ဓာတ်ပုံမှတ်တမ်းတွေနဲ့တကွ နေ့စဉ်ဖြစ်ပျက်နေတဲ့ အခြေအနေတွေကတစ်ကမ္ဘာလုံးက သိနေတယ်။ မိုးကြိုးပစ်နေတာကို ထန်းလက်နဲ့ကာနေလို့တော့၇မယ်မထင်ဘူး”ဟုပြောသည်။

ယခုခရီးစဉ်ကြောင့်သူတို့အပေါ် အထင်အမြင်သေးစရာ၊ ပုံရိပ်ကျစရာ၊ ပြည်သူများ၏ ဝေဖန် ထောက်ပြစရာများဖြစ်လာရုံသာရှိပြီး တော်လှန်ရေးတပ်ဖွဲ့များနှင့်PDF များကိုအပုပ်ချ ပြောဆိုခဲ့မှုကြောင့် သူ၏လုံခြုံရေးတောင်စိုးရိမ်ရသည့်အနေအထားတွင် ရှိလာနိုင်သည်ဟုလည်း ဆိုသည်။

ယခုခရီးစဉ်နှင့်ပတ်သက်ပြီးဒေါက်တာအေးမောင်ကို ဆက်သွယ်ခဲ့သော်လည်း ဆက်သွယ်၍ မ၇ခဲ့ပါ။

ဒေါက်တာအေးမောင်သည်ရခိုင့်ဘုရင့်အချုပ်အခြာအာဏာကျဆုံးသည့်နေ့နှင့်ပတ်သက်ပြီး ၇သေ့တောင်မြို့နယ်တွင်၂၀၁၈ ခုနှစ်က ဟောပြောခဲ့မှုကြောင့် စစ်တပ်က နိုင်ငံတော်ပုန်ကန်မှုပုဒ်မ၁၂၂ နှင့် နိုင်ငံတော် အကြည်ညိုပျက်စေမှု ၅၀၅(ခ)တို့ဖြင့်တရားစွဲကာ ၂၀၁၉ ခုနှစ်တွင် စစ်တွေခရိုင်တရားရုံး၏ ထောင်ဒဏ် နှစ် ၂၀ချမှတ်ခြင်းကိုခံခဲ့၇သူဖြစ်သည်။

ယင်းနောက် စစ်တပ်အာဏာသိမ်းပြီးနောက်၂၀၂၁ ခုနှစ်၊ ဖေဖော်ဝါရီလ ၁၂ ရက်တွင် စစ်ကောင်စီ၏ လွတ်ငြိမ်းချမ်းသာခွင့်ဖြင့်အင်းစိန်အကျဉ်းထောင်မှ လွတ်မြောက်လာခဲ့သူဖြစ်သည်။

အလားတူဒေါ်စန္ဒာမင်းသည် ၂၀၁၂ ကြားဖြတ်ရွေးကောက်ပွဲနှင့် ၂၀၁၅အထွေထွေရွေးကောက်ပွဲတို့တွင် NLD ကိုယ်စားပြုအနိုင်၇ခဲ့သူဖြစ်သည်။

သို့သော် စစ်အာဏာသိမ်းပြီးနောက်ပြည်သူ့ဆန္ဒသဘောထားကို လေးစားလိုက်နာမှု မရှိသည့်အပြင်ပါတီ၏ရပ်တည်ချက်တို့ကို ဆန့်ကျင်၍လည်းကောင်း၊ ပါတီအမည်ကို အလွဲသုံးစား လုပ်ဆောင်၍လည်းကောင်း၊ စစ်အာဏာရှင် အလိုကျလိုက်နာဆောင်ရွက်ရင်းကိုယ်ကျိုးရှာ လုပ်ဆောင်နေကြကြောင်း ခိုင်လုံသည့် အထောက်အထားများရရှိထား၍ဟုဆိုကာ NLD ဗဟိုအလုပ်ကော်မတီက ဒေါ်စန္ဒာမင်းအပါအဝင်ဗဟိုအလုပ်အမှုဆောင်တစ်ဦးနှင့် ဗဟိုကော်မတီဝင် ၃ ဦးကို ၂၀၂၃ ခုနှစ်၊ မတ်လ ၃ရက်တွင် ပါတီဝင်အဖြစ်မှ အပြီးအပိုင် ထုတ်ပယ်ခဲ့သည်။(NN-16)

ဆက်စပ် အကြောင်းအရာများ

နောက်ဆုံးရသတင်းများ