ရမ်းဗြဲ သစ်ပုတ်တောင်ကျေးရွာသို့ စစ်ကောင်စီတပ်သား ၂၀ ခန့် လက်နက်အပြည့်အစုံဖြင့်ဝင်ရောက်

Preview

ရမ်းဗြဲ သစ်ပုတ်တောင်ကျေးရွာသို့ စစ်ကောင်စီတပ်သား ၂၀ ခန့် လက်နက်အပြည့်အစုံဖြင့်ဝင်ရောက်

အောက်တိုဘာ ၂၇/ ၂၀၂၃ | ကြည့်ရှုသူ :1143

(ရွာသားများကို စောင့်ကြပ်နေခဲ့သည့်အတွက် စိုးရိမ်ထိတ်လန့်ခဲ့၇)

ရခိုင်ပြည်နယ်၊ ရမ်းဗြဲမြို့နယ်၊ သံချောင်းကျေးရွာအုပ်စုရှိသစ်ပုတ်တောင်စံပြကျေးရွာသို့ ယနေ့အောက်တိုဘာလ ၂၇ ရက်၊ နံနက်ပိုင်းတွင်စစ်ကောင်စီတပ်ဖွဲ့ဝင် ၂၀ ဦးခန့် လက်နက်အပြည့်အစုံဖြင့်ဝင်ရောက်ခဲ့ပြီးရွာသားများကို စောင့်ကြပ်နေခဲ့သည့်အတွက် ရွာသားများ စိုးရိမ်ထိတ်လန့်ခဲ့ရသည်ဟုသိ၇သည်။

နံနက် ၁၀ နာရီခန့်က သစ်ပုတ်တောင်ကျေးရွာထဲသို့ဝင်ရောက်လာခြင်းဖြစ်ပြီးနေ့လယ်ပိုင်းအထိ သစ်ပုတ်တောင်ကျေးရွာဘုန်းကြီးကျောင်းအနီးရှိနေအိမ်များအနီးအနားတွင် စောင့်ကြပ်နေရာယူထားခဲ့ကြကြောင်း ကျေးရွာသားများကပြောသည်။

မည်သည့်အတွက် ယခုကဲ့သို့ ကျေးရွာထဲသို့ရောက်လာပြီးစောင့်ကြပ်နေခဲ့သည်ကို ရွာသားများအနေဖြင့်မသိရှိရကြောင်းသစ်ပုတ်တောင်ကျေးရွာသားတစ်ဦးက ပြောသည်။

"ဘာအတွက် အခုလိုလာတယ်ဆိုတာမျိုးကို မသိရသေးပါဘူး။ရွာသားတွေကလည်း သူတို့နဲ့စကားမပြောကြတော့။ ပြည်တွင်းမှာစစ်ရေးတင်းမာမှုတွေရှိတယ်။လက်နက်ကြီးပစ်ခတ်တာတွေလည်းရှိနေတော့ တစ်ခုခုဖြစ်မှာကိုတော့ စိုးရိမ်တယ်"ဟုပြောသည်။

ရွာသားများကိုလည်း တစ်စုံတစ်ရာပြောဆိုခဲ့ခြင်းမျိုးမရှိခဲ့ဘဲညနေပိုင်းတွင် ရမ်းဗြဲမြို့နယ်၊ ကျောက်နီမော်ကျေးရွာဘက်သို့ ထွက်ခွာသွားခဲ့ကြသည်ဟုရွာသားများက ပြောသည်။

သစ်ပုတ်တောင်ကျေးရွာသည် ရမ်းဗြဲမြို့နှင့် ၈ မိုင်ခန့်ကွာဝေးပြီးအိမ်ခြေ ၂၀၀ ကျော်နှင့် လူဦးရေ ၁၀၀၀ ခန့် နေထိုင်သည့်ကျေးရွာဖြစ်ကြောင်း သိ၇သည်။

ရခိုင်တွင် စစ်ကောင်စီတပ်နှင့် ရက္ခိုင့်တပ်တော်(AA)တို့ အပစ်ရပ်စဲထားသည်မှာ တစ်နှစ်ခန့်ရှိလာပြီဖြစ်သည်။

ယခုနောက်ပိုင်း ရခိုင်တွင် စစ်ကောင်စီတပ်က စစ်သားအင်အားနှင့်ရိက္ခာများ တိုးမြှင့်နေကြပြီး လက်နက်ကြီး၊ လက်နက်ငယ်များလည်း စမ်းသပ်ပစ်ခတ်လျက်ရှိသည်ဟုဒေသခံများက ပြောသည်။

ယင်းအပြင် စစ်ကောင်စီတပ်ဘက်က ဒေသခံများကိုစစ်ကောင်စီစစ်ဆေးရေးဂိတ်များနှင့် ရပ်ရွာများအတွင်း စစ်ဆေးမှုများပိုမိုတင်းကျပ်လာ၍ တိုက်ပွဲများပြန်ဖြစ်မည်ကို စိုးရိမ်လျက်ရှိနေကြသည်။

မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။

လှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

ရမ်းဗြဲ သစ်ပုတ်တောင်ကျေးရွာသို့ စစ်ကောင်စီတပ်သား ၂၀ ခန့် လက်နက်အပြည့်အစုံဖြင့်ဝင်ရောက်

ဆက်စပ် အကြောင်းအရာများ

နောက်ဆုံးရသတင်းများ