ပုဏ္ဏားကျွန်းမြို့ ၅၅၀ တပ်ရင်းက လက်နက်ကြီးပစ်ခတ်၍ လူနေအိမ်နှင့် အဆောက်အဦအချို့ ပျက်စီး
ရခိုင်ပြည်နယ်၊ ပုဏ္ဏားကျွန်းမြို့ရှိ ၅၅၀ တပ်ရင်းက ယနေ့ နံနက်က လက်နက်ကြီးပစ်ခတ်မှုကြောင့် ၇သေ့တောင်လမ်းဆုံအနီး လူနေအိမ်နှင့် အဆောက်အဦအချို့ ပျက်စီးသွားကြောင်း ဒေသခံများက ပြောသည်။
ရသေ့တောင်လမ်းဆုံအနီး ဦးကံဝင်းနေအိမ်၊ ပညာပါရမီ ဘုန်းတော်ကြီးကျောင်း ခြံဝန်းအတွင်းပိုင်းနှင့် ရွှေအိမ်သာ တည်းခိုခန်းဝန်းထဲတို့တွင် နိုဝင်ဘာ ၂၀ ရက်၊ မနက်အစော ၅ နာရီခန့်တွင် လက်နက်ကြီးကျည်ကျရောက်ပေါက်ကွဲ၍ ပျက်စီးသွားခြင်းဖြစ်သည်။
၇သေ့တောင်လမ်းဆုံအနီး နေထိုင်သူတစ်ဦးက "မနက်ကပစ်တာက လက်နက်ကြီးကျည် သုံးလုံးပစ်တာပါ။ ညတုန်းက ၆ နာရီကျော်လောက်ကလည်း ပစ်သေးတယ်။ မနက်ပိုင်းပစ်တဲ့ကျည်ကြောင့် ပျက်စီးသွားတာပါ"ဟု နိရဉ္စရာကို ပြောသည်။
အဆိုပါဖြစ်စဥ်ကြောင့် လူအထိခိုက် မရှိခဲ့ဟု သိရသည်။
လက်ရှိတွင် ပုဏ္ဏားကျွန်းမြို့ပေါ် ရှိ ဒေသခံအချို့မှာ နီးစပ်ရာ ကျေးရွာများသို့ တိမ်းရှောင်နေကြ၇သည်။ (NN - 10)
ဓာတ်ပုံ - ပေးပို့
လှူရန်