၇ခိုင်ပြည်နယ်တွင်မှတ်ပုံတင်ခွင့်၇ထားသည့်ပါတီများ၅ပါတီအနက်  မြိုတိုင်းရင်းသားပါတီ (Mro National Party-MNP)ကို ပြည်ထောင်စု ရွေးကောက်ပွဲကော်မရှင်(UEC)က ဖျက်သိမ်းလိုက်ပြီဟုသိ၇သည်။

နိုင်ငံရေးပါတီအဖြစ် မှတ်ပုံတင်ခွင့်ပြုထားသည့်မြိုတိုင်ရင်းသားပါတီကိုUEC က ယမန်နေ့ နိုဝင်ဘာ၂၂ ရက်တွင် တရားဝင်ဖျက်သိမ်းလိုက်ပြီဟု ယနေ့ထုတ် စစ်ကောင်စီပိုင်သတင်းစာများတွင် ဖော်ပြထားသည်။

ပြည်ထောင်စုရွေးကောက်ပွဲကော်မရှင်က အသစ်ပြဋ္ဌာန်းထားသည့် သတ်မှတ်ချက်ဖြစ်သည့် မြို့နယ် ၅ ခုတွင် ပါတီရုံးဆောက်၇မည်ဖြစ်၍ သတ်မှတ်ချက်မပြည့်သဖြင့်ဖျက်သိမ်းလိုက်၇ခြင်းသည်ဟု မြိုတိုင်းရင်းသားပါတီ(MNP)နှင့် နီးစပ်သူတစ်ဦးက နိရဉ္စရာကိုပြောသည်။

"ကျနော်တို့ဖျက်သိမ်းခွင့်တောင်းလိုက်တာပါ။ သူတို့သတ်မှတ်ထားတာ မလုပ်နိုင်လို့"ဟုပြောသည်။

မြိုတိုင်းရင်းသားပါတီရုံးဖွင့်ရမည့်နေရာမှာ မောင်တော၊ ဘူးသီးတောင်၊ ကျောက်တော်၊ ပုဏ္ဏားကျွန်းနှင့် စစ်တွေ စသည့် မြို့နယ် ၅ ခုတွင်ဖြစ်ပြီး ကျောက်တော်နှင့် ပုဏ္ဏားကျွန်းတွင် မြိုလူမျိုးများနေထိုင်မှု နည်းပါးသည့်အတွက် ရုံးခန်းဖွင့်လှစ်ရန်အဆင်မပြေနိုင်ဟု ပါတီနှင့်နီးစပ်သူများက ပြောသည်။

UEC ၏ ယမန်နေ့ကထုတ်ပြန်ချက်တွင် "မြိုတိုင်းရင်းသားပါတီကို ပါတီဗဟိုအလုပ်အမှုဆောင် အစည်းအဝေး ဆုံးဖြတ်ချက်အ၇ ယမန်နေ့ နိုဝင်ဘာ ၂၂ ရက်နေ့တွင် ကျင်းပခဲ့သည့် ပြည်ထောင်စု ရွေးကောက်ပွဲကော်မရှင် စီမံခန့်ခွဲရေးကော်မတီ အစည်းအဝေးအမှတ်စဉ် ၃၃/၂၀၂၃ ၏ ဆုံးဖြတ်ချက်အ၇ နိုင်ငံရေးပါတီများမှတ်ပုံတင်ခြင်းဥပဒေ ပုဒ်မ ၁၉ ပုဒ်မခွဲ (က) နှင့်အညီ နိုင်ငံရေးပါတီအဖြစ် မှတ်ပုံတင်ထားခြင်းမှ ပယ်ဖျက်၍ ပါတီကို ဖျက်သိမ်းရန် အတည်ပြုခဲ့ပါသည်"ဟု ဖော်ပြထားသည်။ 

မြိုတိုင်းရင်းသားပါတီသည် UECထံ ၂၀၂၃ မတ်လ ၂၄ ရက်တွင် မှတ်ပုံတင်ခွင့်လျှောက်ထားခဲ့ပြီး မေလ ၄ ရက်တွင် UEC က မှတ်ပုံတင်ခွင့်ပေးခဲ့ကြောင်း သိ၇သည်။

၇ခိုင်ပြည်နယ်တွင် မှတ်ပုံတင်ခွင့် လျှောက်ထားခဲ့သည့် ပါတီခြောက်ခုရှိပြီး ယင်းအနက် ၇ခိုင့်ဦးဆောင်ပါတီ (AFP)၊ မြိုတိုင်းရင်းသားပါတီ (MNP)၊ မြိုတိုင်းရင်းသားဖွံ့ဖြိုးတိုးတက်ရေးပါတီ (MNDP)၊ ခမီအမျိုးသားဖွံ့ဖြိုးတိုးတက်ရေး ပါတီနှင့် ၇ခိုင်ပြည်နယ် အမျိုးသားအင်အားစု ပါတီ(RSNUP) စသည့် ပါတီ ၅ ခုသည် မှတ်ပုံတင်ခွင့် ရရှိထားကြပြီ ဖြစ်သည်။

၇ခိုင်အမျိုးသားပါတီ (ANP)တစ်ခုတည်းကိုသာ UEC က ယနေ့ထိ မှတ်ပုံတင်ခွင့် ချမပေးသေးဟု သိ၇သည်။(NN-11)