ရခိုင်ပြည်နယ်၊ ဘူးသီးတောင်မြို့တွင် ယနေ့မွန်းတည့်က စစ်ကောင်စီကပစ်ခတ်သည့် သေနတ်ကျည်ထိ၍ အပြောနှင့်အကြားအာရုံမသန်စွမ်းသည့်စစ်ဘေးရှောင်အမျိူးသားတစ်ဦး ဒဏ်ရာရသွားကြောင်း သိ၇သည်။

သေနတ်ကျည်ထိမှန်၍ ဒဏ်ရာရရှိသွားမှာ ဘူးသီးတောင်မြို့၊လမ်းမဘုန်းကြီးကျောင်းစစ်ဘေးရှောင်စခန်းတွင် နေထိုင်သည့်အပြောနှင့်အကြားအာရုံမသန်စွမ်းသည့် အသက် ၆၀ အရွယ် ဦးကျော်ဇောလှဖြစ်သည်။

၎င်းသည် ယနေ့ ဒီဇင်ဘာလ ၁ ရက်၊ မွန်းတည့် ၁၂ နာရီခန့်ကစစ်ဘေးရှောင်စခန်းရှိ သန့်စင်ခန်းသို့ သွားရာလမ်းတွင် စစ်ကောင်စီကပစ်သည့်သေနတ်ကျည်ထိ၍ ၎င်း၏ညာဘက်ပေါင်ရင်း၌ ဖောက်ထွင်းဒဏ်ရာရရှိသွားခြင်းဖြစ်ကြောင်းလမ်းမဘုန်းကြီးကျောင်းစစ်ဘေးရှောင်စခန်းနေသူတစ်ဦးက ပြောသည်။

"မြို့အဝင်ဂိတ်ဘက်က ပစ်တာကြားလိုက်တယ်။ကျနော်တို့နေတဲ့စစ်ဘေးရှောင်စခန်းနဲ့က ဝေးတယ် အဲဒီဂိတ်က။ ဒဏ်ရာက ပေါင်ဟိုဘက်ဒီဘက်ကိုဖောက်ထွက်သွားပါတယ်။ သူကအိမ်သာကိုသွားတဲ့အခါမှာ ကျည်ကျသွားတယ်။ ကျနော်တို့ခန့်မှန်းရသလောက်ဒါကသေနတ်ကျည်ပါပဲ။ ကျနော်တို့ဘက်မှာ လက်နက်ကြီးပေါက်တာလည်းမရှိဘူး။ လက်နက်ကြီးအသံကိုကအဝေးကကြား၇တယ်" ဟုပြောသည်။

လက်ရှိတွင် ဒဏ်ရာရရှိသွားသည့် စစ်ဘေးရှောင်အမျိူးသားအားဘူးသီးတောင်မြို့ ပြည်သူ့ဆေးရုံသို့ ပို့ဆောင်ထားကြောင်း သိ၇သည်။

၎င်းစစ်ဘေးရှောင်ထံ ကျည်ထိသည့်အချိန်တွင် ဘူးသီးတောင်မြို့အဝင်စစ်ကောင်စီဂိတ်မှ လက်နက်ကြီးပစ်ခတ်သံများနှင့် လက်နက်ငယ်ပစ်ခံသတ်များကိုကြားခဲ့၇သည်ဟုလည်း နောက်ထပ် ဘူးသီးတောင်မြို့ခံတစ်ဦးက ပြောသည်။

"သူတို့(စကစ)က တစ်ဖက်သတ်ပစ်နေတာပါ။ လက်နက်ကြီး၊လက်နက်ငယ်တွေရောပဲ။ ဒီကလူတွေက ပေါက်သံကြားတော့ ဈေးတွေဘာတွေပိတ်ပြီးသတိအနေအထားနဲ့နေနေကြ၇တယ်" ဟု ပြောသည်။

လက်ရှိတွင် ဘူးသီးတောင်မြို့မြို့အဝင်စစ်ကောင်စီစစ်ဆေးရေးဂိတ်မှ ထွက်ပေါ်ခဲ့သည့် လက်နက်ကြီး၊လက်နက်ငယ်ပစ်ခတ်သံများမှာ ရပ်တန့်သွားပြီဖြစ်ကြောင်း ဒေသခံများက ပြောသည်။

၇ခိုင်တွင် တကျော့ပြန်တိုက်ပွဲများ စတင်ဖြစ်ပွားခဲ့သည့် နိုဝင်ဘာလ၁၃ ရက်မှစ၍ ယနေ့အထိ စစ်ကောင်စီ၏ လက်နက်ကြီး၊ လက်နက်ငယ်၊ မိုင်းနှင့်လေကြောင်းပစ်ခတ်မှုတို့ကြောင့် သေဆုံးသွား၇သည့် ဒေသခံ ၂၃ ဦးရှိပြီးဒဏ်ရာရရှိထားသူအရေအတွက်မှာ ၇၆ ဦးအထိရှိပြီဖြစ်ကြောင်း နိရဉ္စရာသတင်းဌာနကကောက်ယူထားသော စာရင်းအရသိ၇သည်။