( နှစ်ရက်အတွင်း လူငယ် ၂၁ ဦးဖမ်းဆီးခံ၇)

၇ခိုင်ပြည်နယ်၊ စစ်တွေမြို့၊ မြို့သူကြီးရပ်ကွက်ရှိ လဘက်ရည်ဆိုင်တစ်ခုမှ လူငယ် ၁၀ ဦးကို စစ်ကောင်စီတပ်က ဖမ်းဆီးခေါ်ဆောင်သွားကြောင်း  သတင်းရရှိသည်။

ယနေ့ ဒီဇင်ဘာ ၁ ရက်၊ ညနေ ၃ နာရီခန့်၌  စစ်ကောင်စီတပ်က မြို့သူကြီး ရပ်ကွက်ရှိ Winnerကိုယ်ပိုင် အထက်တန်းကျောင်းရှေ့ရှိ လက်ဖက်ရည်ဆိုင်တွင်လက်ဖက်ရည်သောက်နေကြသူများအနက် လူငယ် ၁၀ ဦးကို ဖမ်းဆီးသွားသည်ဟု မျက်မြင်တစ်ဦးကနိရဉ္စရာကိုပြောသည်။

"စစ်ကားလာတယ်။ ဖမ်းခံရတဲ့သူတွေကို လက်မြှောက်ခိုင်းပြီးကားပေါ် တင်သွားတယ်။ အဲဒီဖမ်းခံ၇တဲ့ လူတွေက ဘာမှလုပ်တာမဟုတ်ပါဘူးဗျာ"ဟုပြောသည်။

ယင်းသို့ဖမ်းဆီးမှုများလာသည့်အတွက် မိဘများမှာသားသမီးများအတွက် စိုးရိမ်ပူပင်နေ၇သည်ဟု စစ်တွေမှ မိခင်တစ်ဦးက ပြောသည်။

"သားတွေက လက်ဖက်ရည်ဆိုင်ထိုင်တယ်။ ခုလမ်းသွားတဲ့ကလေးတွေကိုမသင်္ကာရင် ဆွဲဖမ်းတယ်ဆိုတော့ ကျမအနေနဲ့ သားသမီးတွေ အလုပ်သွားတဲ့အချိန်ကျရင်စိတ်ပူမိတယ်" ဟုပြောသည်။

ယမန်နေ့ နိုဝင်ဘာ ၃၀ ရက်ကလည်း စစ်တွေမြို့၊ မင်းဂံရပ်ကွက်၊ကယ်ဆယ်ရေးတွင်  နေ့လယ် ၁၂ နာရီခန့်က ရပ်ကွက်ထဲမှလက်ဖက်ရည်ဆိုင်တွင် လက်ဖက်ရည်သောက်နေကြသည့် လူငယ် ၁၁ ဦးကို စစ်ကောင်စီ တပ်သားများကဝင်ရောက်ဖမ်းဆီးသွားပြီး စစ်တွေရှိ ခလ၇ ၂၀ တပ်ထဲသို့ခေါ်ဆောင်သွားကြောင်း သိ၇သည်။ (NN-11)