မောင်တော အခြေစိုက် နခခ (၅)တပ်ရင်းက တစ်နာရီအတွင်း လက်နက်ကြီးဖြင့် ပစ်ခတ်မည်ဟု ခြိမ်းခြောက်ပြောဆိုလာသဖြင့်ကျေးရွာအချို့မှ ကျေးရွာသား များ ထွက်ပြေးနေရကြောင်း သတင်းရရှိသည်။

ထွက်ပြေးနေကြရသည့်ကျေးရွာများမှာ အေအေတိုက်ခိုက်သိမ်းပိုက်ခဲ့သည့် ဗောဓိကုန်းစခန်းနှင့် နီးစပ်သည့် ဗောဓိကုန်း၊ ရွှေရင်အေးနှင့် ကန်သာယာစသည့်ကျေးရွာများဖြစ်ပြီး လူပေါင်း ၃၀၀ ကျော်ခန့် ရှိသည်ဟု သိ၇သည်။

"စစ်တပ်ကလက်နက်ပစ်မယ်လို့ သတင်းတွေသိရတော့ရွာသားတွေထွက်ပြေးကြတာပါ။  ဒါကရွာသားတွေကိုနှင်ထုတ်တဲ့သဘောပေါ့" ဟုပြောသည်။

မောင်တောမြို့ရှိ နခခ (၅)တပ်ရင်းက ယနေ့ဒီဇင်ဘာ ၅ ရက်၊ နေ့လယ် ၁နာရီကျော်ခန့်က လက်နက်ပစ်မည်ဆိုသည်ဟု ရွှေရင်အေးကျေးရွာမှဒေသခံအမျိုးသားတစ်ဦးက ပြောသည်။ 

ရွှေရင်အေးကျေးရွာမှ နောက်ထပ်အမျိုးသမီးငယ်တစ်ဦးကလည်း ဘေးကင်းရာသို့ရွာလုံးကျွတ် ထွက်ပြေးနေရသည်ဟု နိရဉ္စရာကို ပြောသည်။

"ကျမတို့လမ်းမှာ ဆောက်တည်ရာမရပြေးနေကြ၇ပါတယ်။ မနေ့ကလည်း လက်နက်ပစ်တယ်။ ဒီနေ့ထပ်ပစ်မယ်လို့သတင်းကြားလို့တစ်ယောက်မကျန်ထွက်ပြေးလာကြတာပါ" ဟုပြောသည်။

ယမန်နေ့ဒီဇင်ဘာ ၄ ရက်၊ ည ၈ နာရီခန့်ကလည်း မောင်တောမြို့ရှိ နခခ(၅)တပ်ရင်းက လက်နက်ကြီးကျည် ပစ်ခတ်မှုကြောင့် ရွှေရင်အေးကျေးရွာမှကိုယ်ဝန်ဆောင်အမျိုးသမီး တစ်ဦးအပါအဝင် ၄ ဦးဒဏ်ရာရရှိသွားကြောင်း သိ၇သည်။ (NN-11)