ကြာသပတေး၊ ဖေဖော်ဝါရီလ ၂၉ရက်၊ ၂၀၂၄

တရွန်အိုင်ဗျူဟာကုန်းမှ ရရှိသည့်အမြောက်ကြီးနှင့်အောင်ပွဲခံရဲဘော်များပုံ AA ထုတ်ပြန်


  • ရေးသူ: Web Master
  • | ရက်စွဲ: ၀၆ ဒီဇင်ဘာ ၂၀၂၃
  • | ကြည့်ရှုသူ: 2.6k

ပလက်၀မြို့နယ် တရွန်အိုင်ဗျူဟာကုန်းမှ ရရှိသည့် အမြောက်ကြီးနှင့် အောင်ပွဲခံရဲဘော်များပုံကို ရက္ခိုင့်တပ်တော်( AA)က  ယနေ့ ထုတ်ပြန်လာသည်။

စစ်ကောင်စီ၏ တရွန်အိုင်ဗျူဟာကုန်း အား ၂၀၂၃ ခုနှစ်၊ ဒီဇင်ဘာလ (၄) ရက်နေ့တွင် အပြီးသတ်သိမ်းပိုက်ရရှိထားခဲ့ပြီးဖြစ်ကြောင်း ဖော်ပြသည်။

တစ်ပြိုင်နက်တည်းတွင် တရွန်အိုင်ဗျူဟာကုန်းနှင့် တစ်ရက်တည်းတွင် ရှေ့ဆင့်နောက်ဆင့် ထိုးစစ်ဆင်တိုက်ခိုက်ခဲ့သော အခြားသော ဗျူဟာကုန်း တစ်ခုဖြစ်သည့် နှုံးဘူးဗျူဟာကုန်းကိုလည်း ယနေ့ ၂၀၂၃ ခုနှစ်၊ ဒီဇင်ဘာလ (၆) ရက်နေ့တွင် (၂၃) ရက်မြောက် ထိုးစစ်ဆင်တိုက်ခိုက်မှုများနှင့်အတူ ဆက်လက်ချေမှုန်း တိုက်ခိုက်လျက်ရှိသည်ဟု ဆိုသည်။

ရန်သူသည် နံနက် (၈) နာရီ (၄၅) မိနစ်အချိန်မှစတင်၍ ဂျက်လေယာဉ် များ၊ လက်နက်ကြီးပစ်ကူ အမြောက်အမြားဖြင့် ခုခံစစ်ကို ဆင်နွှဲနေသကဲ့သို့ ရက္ခိုင့်တပ်တော်ဘက်မှလည်း အဆိုပါဗျူဟာကုန်းအား အရှိန်အဟုန်မြှင့် ထိုးစစ်ဆင် တိုက်ခိုက်လျက်ရှိသောကြောင့် တိုက်ပွဲမှာပြင်းထန်လျက်ရှိသည်ဟု သိရသည်။

ဆက်စပ် သတင်းများ