၇ခိုင်ပြည်နယ်၊စစ်တွေမြို့နယ်ဝါဘိုကျေးရွာတွင် ယနေ့မွန်းတည့် ၁၂ နာရီခွဲကျော်ခန့်ကစစ်ကောင်စီတပ်ကဒရုန်းဖြင့်ဗုံးတစ်လုံးပစ်ချခဲ့၍ကလေးငယ်တစ်ဦး ဒဏ်ရာရရှိသွားပြီးနေအိမ်တစ်ဆောင်ပြိုပျက်သွားကြောင်းဒေသခံများကပြောသည်။

ဒဏ်ရာရရှိသွားသူမှာ အသက်၁၁ နှစ်အရွယ် မောင်မျိုးဆက်ပိုင်ဖြစ်ပြီး ဘယ်ဘက်ပါးတွင် ဗုံးလက်နက် အစအန စဉ်ကာဒဏ်ရာရရှိသွားခြင်းဖြစ်ပြီး နှာခေါင်းသွေးများလည်းထွက်နေသည်ဟုဝါဘိုကျေးရွာသားတစ်ဦးကပြောသည်။

" ကလေးမှာဒဏ်ရာ၇သွားတာ ပါးမှာပါ။ နှာခေါင်းသွေးတွေလည်း ထွက်နေပါတယ်။ အခုဆေးရုံကို ပို့ဖို့အတွက် အုပ်ချုပ်ရေးမှူးဆီမှာထောက်ခံစာတောင်းနေ၇ပါတယ်" ဟုပြောသည်။

အဆိုပါဒဏ်ရာရရှိသွားသော ကလေးငယ်သည် စစ်ကောင်စီ ဒရုန်းဖြင့် ဗုံးကြဲချသောနေအိမ်အနီး ပေသုံးဆယ်ခန့်အကွာ ၎င်း၏နေအိမ်လှေကားတွင် ထိုင်နေစဉ်ဗုံးအစအနစဉ်လာကာ ဒဏ်ရာ ရရှိသွားခြင်းဖြစ်သည်။

စစ်ကောင်စီဒရုန်းဖြင့် ဗုံးကြဲချသောနေအိမ်မှာဝါဘိုကျေးရွာဒေသခံ ဦးကျော်ဇံလှိုင်၏နေအိမ်ဖြစ်ပြီး ဗုံးချချိန်တွင်အပြင်ကို အလုပ်သွားလုပ်နေ၍ ထိခိုက်ဒဏ်ရာရရှိမှု မရှိခဲ့သော်လည်း ကွန်ကရစ်ဖြင့်ပြုလုပ်ထားသောစားဖိုဆောင်အပါအဝင် နေအိမ်တစ်ဆောင်လုံးပျက်စီးသွားကြောင်း ဒေသခံများကပြောသည်။

" ဗုံးကကတော်တော်ပြင်းပါတယ်။နေအိမ်တစ်ခုလုံးပျက်စီးသွားပြီးတော့ အဝေးမှာရှိတဲ့ ကလေးဆီကိုတောင် လာစဉ်တာဆိုတော့ကြောက်စရာကောင်းနေပါပြီ" ဟု ဝါဘိုကျေးရွာသား တစ်ဦးကပြောသည်။

အဆိုပါဝါဘိုကျေးရွာနှင့်အနီးအနားတွင်ရှိသည့် စစ်တွေမြို့အခြေစိုက်စစ်ကောင်စီတပ်ရင်းများသည် ညအချိန်များတွင် လက်နက်ကြီးများဖြင့် ရမ်းသန်းပစ်ခတ်သဖြင့် ဒေသခံများမှာ စိုးရိမ်ကြောက်လန့် နေကြ၇သည်။

ထို့အပြင်ဝါဘိုကျေးရွာနှင့်တစ်ဖက်တစ်ကမ်းရှိ တောကန်ကျေးရွာတွင်လည်း ပြီးခဲ့သည့်နိုဝင်ဘာလ ၂၇ ရက်ကလည်း စစ်ကောင်စီကဒရုန်းဖြင့်ဗုံးချမှုကြောင့် နေအိမ်တစ်အိမ်ထဲရှိမိသားစုဝင် ရ ဦး ဒဏ်ရာရရှိသွားခဲ့သည်။

(NN-8) ဓာတ်ပုံ- မာ၇ယု