ကြာသပတေး၊ ဇွန်လ ၂၀ရက်၊ ၂၀၂၄

ရခိုင်ပြည်နယ် အတွင်းပိုင်း မြို့နယ်နှစ်ခုတွင် AA နှင့် စစ်ကောင်စီထိတွေ့တိုက်ပွဲဖြစ်ပွား


  • ရေးသူ: Web Master (NN 11)
  • | ရက်စွဲ: ၁၃ ဒီဇင်ဘာ ၂၀၂၃
  • | ကြည့်ရှုသူ: 4k

ရခိုင်ပြည်နယ်က မြို့နယ်နှစ်ခုတွင် ရက္ခိုင့်တပ်တော်(AA)နှင့် စစ်ကောင်စီတို့ထိတွေ့ တိုက်ပွဲဖြစ်လျက် ရှိသည်ဟုသတင်းရရှိသည်။

မြေပုံမြို့နယ်၊ စညှင်းဝအနီးတွင် ယနေ့ဒီဇင်ဘာ ၁၃ နံနက်၁၀နာရီခွဲခန့်က ရက္ခိုင့်တပ်တော်(AA)နှင့် စစ်ကောင်စီတပ်တို့ တိုက်ပွဲပြင်းထန်လျက်ရှိသည်ဟု မြေပုံမြို့နယ်မှဒေသခံတစ်ဦးက နိရဉ္စရာသတင်းဌာနကို ပြောသည်။

" ဒီမနက်က တိုက်ပွဲအပြန်အလှန်ပစ်သံတွေ။ လက်နက်ပစ်သံတွေကြားရပါတယ်။ ပြင်းထန်တဲ့ အနေထားရှိတယ်" ဟုပြောသည်။

ယင်းအပြင်ယမန်နေ့ ဒီဇင်ဘာ ၁၂ရက်ညနေ၆နာမှစ၍ စစ်ကောင်စီ အနောက်ပိုင်းတိုင်း တည်ရှိရာ အမ်းမြို့နယ် ကဇူးကိုင်း အနီး တွင် လည်းတိုက်ပွဲအချိန် ကြာမြင့်စွာဖြစ်ပွားခဲ့သည်ဟု အမ်းဒေသခံတစ်ဦးက နိရဉ္စရာသတင်းဌာနကို ပြောသည်။

" မနေ့ကညနေလောက်ကတည်းက ဖြစ်နေတာတောက်လျှောက်။ အချိန်တော်တော်ကြာတယ်။ နာရီနဲ့ချီပြီး ကြာခဲ့တာ။ ဒေသခံတွေက အရင်ကနေတိုက်ပွဲရှောင်နေကြတာရှိတယ်။ ဒီနေ့မနက်တော့ အသံမကြားမိဘူး" ဟုပြောသည်။

 

၎င်းပြင် ချင်းပြည်နယ်၊ ပလက်၀မြို့နယ် အထက်ပိုင်း  ချင်းလက်၀ စခန်းကိုလည်း အေအေက တိုက်ခိုက်နေကြောင်း သတင်းများထွက်ပေါ်နေသည်။( NN-11)

ဆက်စပ် သတင်းများ