ယနေ့နံနက် ၁၁ နာရီအချိန်ခန့်က စစ်ကောင်စီတပ်က လက်နက်ကြီးဖြင့်ပစ်ခတ်မှုကြောင့် လယ်ကွင်းတွင် စပါးတလင်းသိမ်းနေသည့် လယ်သမားတစ်ဦး ဒဏ်ရာရရှိသွားသည်ဟုသတင်းရရှိသည်။

ဒဏ်ရာရရှိသွားသူမှာ အမ်းမြို့နယ်၊ ကဇုကိုင်းတိုက်နယ်၊ ဒါးလက် အုပ်စု၊ အထက်ရွာဟောင်းကျေးရွာမှ  ဦးမောင်ကြီး (၅၃နှစ်) (ဖ) ဦးပျော့ကြီး(မိ) ဒေါ်မကျိတ် ရခိုင်လူမျိုးဖြစ်ကြောင်းသိ၇သည်။ 

၎င်းလက်နက်ကြီးကို အမ်းမြို့နယ်၊ ကဇုကိုင်းအနီးရှိ တောဟိန်းတောင်ထက်တွင်အခြေချထားသည့် စစ်ကောင်စီတပ်ကပစ်ခတ်ခြင်းဟု ဒေသခံတစ်ဦးက ပြောသည်။

လက်နက်ကြီးကျည်စမှာ ဦးမောင်ကြီး၏ ဘယ်ဘက်လက်ကောက်ဝတ်အဆစ်အောက်  (၂)လက်မအကွာ တွင် လက်နက်ကြီးအစဝင်ပြီး အကြောများ ပြတ်ထွက်သွားကြောင်း၎င်းက ပြောကြားသည်။

အမ်းမြို့နယ် ကဇုကိုင်းကျေးရွာ အနီးဝန်းကျင်တွင် ယမန်နေ့ကတိုက်ပွဲဖြစ်ပွားခဲ့သည်ဟု သိ၇သည်။