ဘူးသီးတောင်တွင် မြို့ခံ ၁ ဦးကို စစ်တပ်ကညအချိန်ဝင်ရောက်ဖမ်းဆီးသွား

ဘူးသီးတောင်မြို့ အမှတ်(၅)ရပ်ကွက်မှ မြို့ခံအမျိုးသား ၁ဦးကို စစ်ကောင်စီတပ်ဖွဲ့ဝင်များက ညအချိန်နေအိမ်ထဲက ဝင်ရောက် ဖမ်းဆီး သွားသည်ဟု သတင်းရရှိသည်

ဖမ်းဆီးခံရသူမှာ ဘူးသီးတောင်မြို့၊ အမှတ်(၅)ရပ်ကွက်မှ အသက်(၄၀)ကျော်အရွယ် ကိုဉာဏ်လင်း ဖြစ်သည်ဟု သိရသည်။

ကိုဉာဏ်လင်းကို ယမန်နေ့ ဒီဇင်ဘာလ ၂၃ရက်၊ ည ၁၂နာရီအချိန်က စစ်ကောင်စီတပ်ဖွဲ့ဝင်များကသူနေထိုင်ရာ နေအိမ်သို့ လာရောက်ကာ မွှေနှောက်ရှာဖွေမှုများပြုလုပ်ပြီး ဖမ်းဆီးသွားကြောင်း သိရသည်။

"ညအချိန်ဆိုတော့ လူတွေအိပ်နေပြီလေ။ စစ်ကောင်စီတပ်ဖွဲ့ဝင်တွေ အိမ်လာပြီးဖမ်းတော့ ထွက်ပြေးဖို့ မရလိုက်ဘဲ ဖမ်းမိသွားတယ်။ ကျွန်တော်သိရတာတော့ အေအေနဲ့ ဆက်စပ်မှုရှိတယ်ဆိုပြီး လာဖမ်းသွားတာလို့ ကြားတယ်" ဟု ဘူးသီးတောင်မြို့ခံတစ်ဦးက ပြောသည်။

ယင်းအပြင်း ကိုဉာဏ်လင်းကို စစ်ကောင်စီတပ်ဖွဲ့ဝင်များက ဖမ်းဆီးပြီးနောက် တစ်ခြံဝင်းတည်း နေထိုင်သည့် ကိုတင်အောင်ဝင်း၏ နေအိမ်ကိုပါ ဝင်ရောက်မွှေနှောက်ရှာဖွေမှုများ ပြုလုပ်ခဲ့သည်ဟုလည်း သိရသည်။

ရခိုင်တွင် ရက္ခိုင့်တပ်တော်(AA)နှင့် စစ်ကောင်စီတပ်တို့ တိုက်ပွဲဖြစ်ပွားသည့် နိုဝင်ဘာလ ၁၃ရက်နေ့မှစတင်ကာ ရက္ခိုင့်တပ်တော်(AA)ဖြင့် ဆက်စပ်သည်ဟု သံသယဖြင့် ဖမ်းဆီးခံထားရသည့် အရပ်သားပြည်သူ ၃၀၀နီးပါရှိနေကြောင်း နိရဉ္စရာသတင်းဌာနမှ ကောက်ယူထားသည့် စာရင်းများအရ သိရသည်။(NN-12)