မောင်တောမြို့နယ် ကြောင်နဖေ(မြို)ကျေးရွာ လက်နက်ကြီးဖြင့် ပစ်ခတ်ခံ၇၍ နေအိမ် ၃၀ကျော်မီးလောင်
၇ခိုင်အနောက်ဘက်နယ်စပ်မောင်တောမြို့နယ်မြောက်ပိုင်း ကြောင်နဖေ(မြိုတိုင်းရင်းသား)ကျေးရွာသည်လက်နက်ကြီးဖြင့်ပစ်ခတ်ခံ၇၍ အိမ်ခြေ ၃၀ ကျော် မီးထဲပါသွား၍ အထူးအခက်အခဲ ဖြစ်နေကြရသည်ဟု ရွာသားများကနိရဉ္စရာသတင်းဌာနကို ပြောသည်။
ပြီးခဲ့သည့်ဒီဇင်ဘာ ၂၂ ရက်နေ့ ညနေ ၄ နာရီခန့်တွင် ခမောင်းဆိပ်ဗျူဟာကုန်းမှ လက်နက်ကြီး ပစ်ခတ်သည့် အတွက်ကြော
" လက်နက်ကြီးပစ်တာနဲ့တစ်ခါတည်းမီးထလောင်တာ။အိမ်ခြေ ၄၀ မှာနေအိမ် ၇ ဆောင်လောက်ပဲ ကျန်ခဲ့တယ်။ အကုန်လုံးမီးလောင်သွားတယ်။ ရွာသားတွေကတော့ကံကောင်းလို့ ဘာမှမဖြစ်လိုက်ဘူး " ဟုပြောသည်။
ခမောင်းဆိပ်ဗျူဟာကုန်းသည်အဆိုပါရွာအနောက်တောင်ဘက်၏ ၃ မိုင်ခန့်အကွာအဝေးတွင် တည်ရှိပြီး လက်နက်ကြီးမပစ်မီ နေ့လယ်၁၁ နာရီကျော်ခန့်က ကြောင်နဖေရဲကင်းစခန်းနှင့် ရက္ခိုင့်တပ်တော် (AA) တို့ နာရီဝက်ခန့်အပြန်အလှန်ပစ်ခတ်မှုဖြစ်ပွားခဲ့
" ကြောင်နဖေရွာရဲကင်းစခန်းနဲ့အေအေနဲ့ နေ့လယ်ကတိုက်ပွဲ နာရီဝက်လောက်ဖြစ်တယ်။ ညနေ ၄ နာရီ လောက်ဆိုတာနဲ့ရွာကိုလက်နက်ကြီးကျလို့ မီးလောင်တာ။ အိမ် ၇ ဆောင်လောက်ပဲကျန်ခဲ့တယ်" ဟုပြောသည်။
ကြောင်နဖေရွာတွင် ၎င်းရွာသားများသည် တောင်ယာအလုပ်နှင့် လယ်ယာအလုပ်ကို အဓိကထား လုပ်ကိုင်စားသောက်ကြကြော
" အဲဒီဗျူဟာကုန်းက လက်နက်ကြီး လေး၊ ငါးလုံးလောက်ပစ်တာ။ လူတွေတော့ ဘာမှမဖြစ်ဘူး။လက်နက်ကြီး မပစ်ခင်ကတည်းကနေ အခြေအနေကြည့်ပြီး ရွာသားတွေက ဘေးလွတ်ရာကို ပြေးနေကြတာ " ဟုပြောသည်။
ယင်းအပြင် ယမန်နေ့ဒီဇင်ဘာလ၂၃ရက်စပြီး ယနေ့ဒီဇင်ဘာလ ၂၄ရက် နေ့လယ်၂နာရီကျော်အချိန်ထိ ခမောင်းဆိပ်ဗျူဟာကုန်းမှ လက်နက်ကြီးများ ပစ်ခတ်နေကြောင်း ဒေသခံများကပြောသည်။(NN-13)
လှူရန်