ချင်းပြည်နယ်၊ပလက်၀မြို့နယ်ရှိ ခဝဲဗျူဟာကို ရက္ခိုင့်တပ်တော် (AA) က တိုက်ခိုက် သိမ်းပိုက်လိုက်ကြောင်းသိ၇သည်။

ဒီဇင်ဘာ ၂၇ ရက် နံနက် ၆ နာရီကျော်ခန့်တွင် အပြီးသတ် တိုက်ခိုက်သိမ်းပိုက်နိုင်ခြင်းဖြစ်ကြောင်း အေအေနှင့်နီးစပ်သည့် သတင်းရင်းမြစ်က ပြောသည်။

အဆိုပါစခန်းသိမ်းတိုက်ပွဲအတွင်း ဗိုလ်မှူး နှစ်ဦးအပါအဝင် စစ်ကောင်စီတပ်သား၃၀ ကျော် အရှင်ဖမ်းဆီးရမိထားပြီး စစ်ကောင်စီတပ်သား အလောင်းနှစ်လောင်းရရှိခဲ့သည်ဟု ၄င်းက ပြောသည်။

" ဒီဇင်ဘာ ၂၇ ရက် ည ၁၀နာရီထိုးလောက်မှာ သိမ်းနိုင်သွားတာပါ။ တပ်သား ၃၀ ကျော်အရှင်ဖမ်းမိထားပြီးအလောင်းက နှစ်လောင်းရတယ်လို့ သိရပါတယ်။ နောက် အင်အား ၇၀ ကျော်လောက်တော့ ၂၈၉ ကိုတပ်ဆုတ်သွားတယ်"ဟု ပြောသည်။

ဆက်လက်ပြီးကျောက်တော်မြို့နယ်၊ တောင်ရှည်တောင်ဗျူဟာနှင့် ပလက်၀မြို့နယ်၊ ကလပ်ချောင်းထဲတို့တွင် တိုက်ပွဲများဖြစ်ပွါးနေသည်ဟုဒေသခံများက ပြောသည်။

"တောင်ရှည်တောင်မှာတော့မနေ့ ညနေ ၆ နာရီကျော်လောက်က တိုက်ပွဲတွေ ပြင်းပြင်းထန်ထန် ဖြစ်ကြတယ်။ ဒီနေ့လည်း အပြင်းအထန်ဖြစ်နေတယ်။ ကျောက်တော်တပ်မကလည်း လက်နက်ကြီးတွေပစ်ကူပေးတယ်။ နောက် ကလပ်ချောင်းထဲမှာလည်းတိုက်ပွဲတွေဖြစ်နေပါတယ်"ဟု ပလက်၀ဒေသခံတစ်ဦးက ဆိုသည်။

ခဝဲဗျူဟာမှတပ်သားအများစုသည် ဒီဇင်ဘာ ၁၅ ရက်နေ့ ညအချိန်တွင် ခလ၇ ၂၈၉ တပ်ရင်းကိုသွားရောက် တပ်ပူးပေါင်းခဲ့ပြီးနောက် တစ်ဖန်  ခဝဲဗျူဟာကို  ပြန်လည် ဝင်ရောက်တပ်ထိုင်ရာကနေ ရက္ခိုင့်တပ်တော်၏ တိုက်ခိုက်ခြင်းကိုခံရခြင်းဖြစ်ကြောင်း သိ၇သည်။(NN-7) Photo by The Beauty of Arakanese