စစ်တပ်မှ ဖမ်းဆီးပြီး ပြန်လွတ်လာသူကျောက်တော်စစ်ဘေးရှောင်တစ်ဦး ဦးခေါင်းတွင်ဒဏ်ရာရလာ
ကျောက်တော်မြို့နယ်၊ညောင်ချောင်းစစ်ဘေးရှောင်စခန်းမှ စပါးရိတ်နေစဥ် စစ်ကောင်စီတပ်က ဖမ်းဆီးသွားသည့် စစ်ဘေးရှောင် ဦးမောင်သန်းဝေ (၄၃) နှစ်သည် ၂ ရက်အကြာတွင် ပြန်လည် လွတ်မြောက်လာသော်လည်း ဦးခေါင်းတွင်ဒဏ်ရာရရှိလာသည်ဟု အိမ်ရှင်မဖြစ်သူကပြောသည်။
သူ့ကို ယမန်နေ့ဒီဇင်ဘာ ၃၁ ရက်နေ့ ည ရ နာရီခန့်အချိန်တွင် မဟာမုနိဘုရားပေါ်မှ စစ်ကောင်စီတပ်ကပြန်လွှတ်ပေးလိုက်ကြောင်း ၎င်းက ပြောသည်။
" ဖမ်းထားတဲ့အခါ မင်းအေအေ လားလို့မေးပါတယ်တဲ့။ကျွန်မ ယောကျာ်းက မဟုတ်ဘူးလို့ ပြောတာပေါ့။မဟာမုနိဘုရားပေါ်မှာထားတာပါ။ခြေထောက်တွေ၊ လက်တွေကိုကြိုးနဲ့ ချည်ထားတယ်။မျက်လုံးကို ပိတ်စနဲ့ပိတ်ထားတယ်။ ဖမ်းစတုန်းကတော့ရိုက်တယ်။ ပြီးရင် ဘုရားပေါ်ခေါ်သွားတယ်။ ဟိုရောက်သွားတော့မရိုက်တော့ဘူးလို့ပြောပါတယ်။ ဦးခေါင်းမှာ ဒဏ်ရာ၇လာတယ်။"
ဦးမောင်သန်းဝေ၏ ဦးခေါင်းမှဒဏ်ရာသည်မပြင်းထန်သော်လည်း လက်ရှိတွင် သူ၏ အစ်မတော်စပ်သူနှင့်အတူညောင်ချောင်းကျေးရွာရှိ ဆေးဆရာတစ်ဦးထံတွင် ဆေးကုသနေကြောင်းသိ၇သည်။
၎င်းကို ပြီးခဲ့သည့်ဒီဇင်ဘာ ၂၉ ရက်နေ့ မနက် ၁၀ နာရီကျော်ခန့်အချိန်တွင် မဟာမုနိလေယာဥ်ကွင်းအနီးတွင်ရှိ စပါးခင်းတွင် စပါးရိတ်နေစဥ် စစ်ကောင်စီမှ အေအေဟု စွပ်စွဲကာ ကြိုးတုတ်ရိုက်ပုတ်ပြီး ဖမ်းဆီးခေါ်ဆောင်သွားကြောင်း သိ၇သည်။
အဖမ်းခံရသူ မိသားစုသည်ကျောက်တော်မြို့နယ် မာလာကျေးရွာမှဖြစ်ပြီး ညောင်ချောင်း စစ်ဘေးရှောင်စခန်း၌ ခိုလှုံနေသည်မှာ ၄နှစ်ခန့်ရှိပြီဖြစ်ကာ ကျပန်းလုပ်ကိုင်စားသောက်နေသူ
လှူရန်