စစ်ကောင်စီဂျက်ဖိုက်တာဖြင့် မီး၀ရွာထဲ ဗုံးကြဲ၍ အမျိုးသမီးတစ်ဦးသေဆုံး
စစ်ကောင်စီတပ်ကဂျက်ဖိုက်တာဖြင့် ပလက်၀မြို့နယ် မီး၀ကျေးရွာထဲဗုံးကြဲချခဲ့၍သက်ကြီးပိုင်းအမျိုးသမီးတစ်ဦး သေဆုံးသွားကြောင်း သတင်းရရှိသည်။
သေဆုံးသွားသူမှာမီး၀ကျေးရွာမှ ဒေါ်စောမြသိန်း(၆ရ)နှစ်ဖြစ်ကြောင်း သိ၇သည်။
ယနေ့ဇန်နဝါရီလ ၉ ရက်၊ နေ့လယ် ၂ နာရီအချိန်က စစ်ကောင်စီဂျက်ဖိုက်တာတစ်စီးက မီး၀ကျေးရွာထဲ ဗုံးသုံးလုံးထိကြဲချခဲ့ပြီး တစ်လုံးမှာ နေအိမ်ပေါ်ကျရောက်ပေါက်ကွဲကာဒေါ်စောမြသိန်းသေဆုံးသွားခြင်းဖြစ်ကြောင်း ဒေသခံများကပြောသည်။
" မီး၀ရွာထဲဂျက်ဖိုက်တာနဲ့ ဗုံးသုံးလုံးထိကြဲသွားပါတယ်။အိမ်ကိုကျပြီးတော့ ဒေါ်စောမြသိန်းသေဆုံးသွားပါတယ်" ဟု ဒေသခံတစ်ဦးကပြောသည်။
မီး၀ကျေးရွာအနီးရှိစစ်ကောင်စီ၏ မီး၀ဗျူဟာကုန်းနှင့် ပလက်၀အခြေစိုက် ၂၈၉ တပ်ရင်းဌာနချုပ် တို့ကိုAA ကအပြင်းအထန်ထိုးစစ်ဆင်နေပြီး တပ်ရင်းနှင့်ဗျူဟာကျဆုံးမသွားရေး စစ်ကောင်စီကလေကြောင်းဗုံးကြဲတိုက်ခိုက်မှုများပြုလုပ်နေကြောင်း ပလက်၀ဒေသခံများက ပြောသည်။(NN-23)
လှူရန်