ပေါက်တောမြို့နယ်မှ တောင်းဖူးကျေးရွာကို အကြမ်းဖက် စစ်ကောင်စီနေဗီမှ ဝင်ရောက်မီးရှို့
ရခိုင်ပြည်နယ်၊ပေါက်တောမြို့နယ်ကို တောင်းဖူးကျေးရွာကို နေဗီမှဝင်ရောက်မီးရှို့နေသည်ဟုရွာသားများက နိရဉ္စရာသတင်းဌာနကို ပြောသည်။
ယနေ့ ဇန်နဝါရီလ၁၁ ရက် နံနက် ၈နာရီကျော်ခန့်မှစ၍ တောင်းဖူးကျေးရွာသို့ နေဗီ ၃ စီးမှစစ်ကောင်စီတပ်သားများသည် သေနပ်ပစ်ခတ်ပြီး ၎င်းရွာသို့တက်ရောက်လာကာ ဓာတ်ဆီလောင်း၍မီးရှို့နေကြောင်းရွားသားတစ်ဦးက ပြောသည်။
" ရွာကိုနေဗီကသေနတ်ပစ်ခတ်ပြီးချောင်း၀တက်လာတယ်။ ပြီးရင်တစ်နေရာပြီးတစ်နေရာ ပတ်ပြီးမီးရှို့နေတာ။ဓာတ်ဆီလောင်းပြီးရှို့နေတဲ့ပုံစံပါ။ ချောင်း၀ကလည်း လက်နက်ကြီးတွေ ပစ်ကူနေကြတယ်။ ဒရုန်းနဲ့လည်းရွာကိုပစ်တယ်။ မီးက အခုဆိုရင် တစ်ရွာလုံးနီးပါးလောင်နေပါပြီ "ဟုပြောသည်။
ထိုသို့မီးရှို့ နေသည်မှာ မနက်၈ နာရီကျော်မှ ၁၀ နာရီကျော်အထိ တစ်နေရာပြီးတစ်နေရာ မီးရှို့ နေပြီး ဘုန်းကြီးကျောင်းများကိုပါမီးရှို့နေကြောင်းလည်းနောက်ထပ်ဒေသခံတစ်ဦးက ပြောသည်။
" အခုအချိန်ထိ မီးလောင်နေတုန်းပဲ။မီးက ၄ နေရာ ၅ နေရာလောက် လောင်နေတာ။ လောလောဆယ်တော့ တောင်းဖူးတစ်ရွာတည်းပါ။မီးခိုးတွေက နေရာတိုင်းက ထွက်နေတာ။ အခုဆိုရင် ဘုန်းကြီးကျောင်းတွေလည်းမီးရှို့နေပါတယ်" ဟုပြောသည်။
တောင်ဖူးကျေးရွာသားအများစုမှာယခင်ကပင် ဘေးလွှတ်ရာသို့တိမ်းရှောင်နေကြ
အဆိုပါရွာတွင်အိမ်ထောင်စု ၃၁၀ ခန့်ရှိပြီး၊ လူဦးရေ ၂၀၀၀ ကျော်ခန့်နေထိုင်ကြောင်းလည်း သိ၇သည်။ (NN-13)
လှူရန်