ရသေ့တောင်မြို့နယ်မှစေတီပြင်နယ်ခြားစောင့်စခန်းနှင့် စေတီကုန်းစစ်တပ်စခန်းတို့မှ စစ်ကောင်စီတပ်သားများသည် ယမန်နေ့ ဇန်နဝါရီ၁၃ရက်ညအချိန်က စခန်းကိုစွန့်ခွာသွားခဲ့ကြသည်ဟုသတင်းရရှိသည်။

၇သေ့တောင်ဒေသခံတစ်ဦးက " မနေ့ကညဉ့်၁၂နာကျော်လောက်မှာ ဖြစ်မယ်ထင်တယ်။  စေတီပြင်စခန်းနဲ့ စေတီပြင်ရွာအထက်က ကျောက်ပန်းတူတောင်ကျော်လမ်း စေတီကုန်းပေါ်က စခန်းကစစ်သားတွေ တစ်ယောက်မှ မရှိတော့ဘူး။ တိတ်တဆိတ်ထွက်ခွာသွားကြတယ်။ တိုက်ပွဲဖြစ်ပွားတာလည်း မရှိခဲ့ပါဘူး" ဟုပြောသည်။

အဆိုပါစွန့်ခွာသွားသည့် နယ်ခြားစောင့်ရဲစခန်း(၂)ခုတွင် အင်အား ၁၅၀နီးပါးရှိပြီး မောင်တောမြို့နယ် ကျောက်ပန်းတူဖက်သို့ဆုတ်ခွာ ထွက်ပြေးသွားကြခြင်းဖြစ်သည်ဟု၎င်းကဆက်ပြောသည်။

" အင်အားများတယ်လို့ပြောလို့ရပါတယ်။စခန်းတစ်ခုစီမှာ အင်အား ခုနှစ်ဆယ်၊ ရှစ်ဆယ်လောက် ရှိတယ်။ မေယူတောင်ကိုကျော်ပြီးမောင်တော  အင်းဒင်ကျောက်ပန်းတူဖက်ကိုဆုတ်ခွာ ထွက်ပြေး သွားကြတယ်လို့ သိ၇ပါ"ဟုပြောသည်။

ထိုသို့ ဆုတ်ခွာသွားခဲ့ကြသဖြင့် ရသေ့တောင်မြို့နယ် အနောက်ဘက်စေတီပြင်မှ အငူမော်ထိ  မေယူကမ်းခြေတစ်လျှောက်တွင်စစ်ကောင်စီ စစ်စခန်း တစ်ခုမှမရှိတော့ကြောင်း သိရှိ၇သည်။

ပြီးခဲ့သည့် နိုဝင်ဘာ၁၃ရက်နေ့က ၇သေ့တောင်နယ်ခြားစောင့်စခန်းများ ဖြစ်သည့် ချိန်ခါလီ စခန်းနှင့် ဒုံးပိုက်စခန်း ၂ခုကို ရက္ခိုင့်တပ်တော် (AA) က ထိုးစစ်ဆင်တိုက်ခိုက် သိမ်းပိုက်ခဲ့ပြီးနောက် အဆိုပါ ဒေသတွင် စစ်ရေးတင်းမာနေမှုမြင့်တက်နေခြင်းကြောင့် ယခုကဲ့သို့တပ်ဆုတ်သွားခြင်းဖြစ်ကြောင်း သိ၇သည်။(NN-11)

ပုံစာ- စေတီပြင်-ကျောက်ပန်းတူ တောင်ကျော်ကားလမ်းဘေးရှိ စစ်ကောင်စီတပ်သားများနေရာယူထားခဲ့သည့် စေတီကုန်းအားတွေ့၇စဉ်