ရှမ်းမြောက်တွင် စစ်ဘေးရှောင်ပြည်သူများအား ရက္ခိုင့်တပ်တော် တနိုင်တပိုင် ကူညီ

Preview

ရှမ်းမြောက်တွင် စစ်ဘေးရှောင်ပြည်သူများအား ရက္ခိုင့်တပ်တော် တနိုင်တပိုင် ကူညီ

ဇန်နဝါရီ ၁၈/ ၂၀၂၄ | ကြည့်ရှုသူ :1108

(လူမျိုးမရွေး၊ဘာသာမရွေး ခွဲခြားစိတ်မရှိဘဲအတူရပ်တည်နေကြောင်း ရက္ခိုင့်တပ်တော်ပြောဆို)

ရက္ခိုင့်တပ်တော် (AA)သည် ယခုလ ၁၆ ရက်နေ့က ရှမ်းမြောက်တွင် စစ်ဘေးရှောင်ပြည်သူများအား ဆန်ရိက္ခာအပါဝင် တပိုင်တနိုင်ကူညီပံ့ပိုးမှုများကို ပြုလုပ်ခဲ့သည်ဟုသတင်းရရှိသည်။

ရက္ခိုင့်တပ်တော်သည် မည်သည့်နေရာ၊မည့်သည့်ဒေသသို့ရောက်ရှိပါစေ လူမျိုးမရွေး၊ ဘာသာမရွေး ခွဲခြားစိတ်မရှိဘဲအတူရပ်တည်နေကြောင်း အဆိုပါတနိုင်တပိုင်ကူညီပံ့ပိုးမှုနှင့် ပတ်သက်ပြီး ယနေ့ သတင်းထုတ်ပြန်ချက်တွင် ဖော်ပြထားသည်။

စစ်ဘေးဒဏ်နှင့်အတူစားဝတ်နေရေးအခက်အခဲကြုံတွေ့နေရသော ပြည်သူများနှင့် မိမိတို့သည်တသွေးတည်း၊ တသားတည်း အချိန်မရွေးရှိနေပါကြောင်း၊ စစ်ပွဲများကြောင့် ပြည်သူများအနေနှင့်လူမှုစီးပွားဒုက္ခအ၀၀ နှင့် အခက်အခဲမျိုးစုံကြုံတွေ့ရသည်မှာမှန်သော်လည်း ဤအခက်အခဲများကို အားလုံးစုပေါင်းရင်ဆိုင်ကြပြီးပိုမိုကောင်းမွန်သော အနာဂတ်သို့ ရောက်ရှိအောင်အားလုံး စုစည်းရင်ဆိုင်သွားကြရန် မိမိတို့ရက္ခိုင့်တပ်တော်မှ တိုက်တွန်းလိုက်ပါကြောင်း စသဖြင့်လည်း ဖော်ပြထားသည်။

ရက္ခိုင့်တပ်တော်(AA)၏ တနိုင်တပိုင် ကူညီပံ့ပိုးမှုများကိုရှမ်းမြောက်ဒေသ၏ မူဆယ်နှင့် ၁၀၅ မိုင်အနီးတဝိုက်ရှိ စစ်ဘေးရှောင်ပြည်သူလူထုများကိုဇန်နဝါရီလ (၁၆) ရက်၊ နေ့လယ် (၁) နာရီခွဲခန့်မှစတင်၍ ညနေ (၆) နာရီနီးပါးအထိ ပြုလုပ်ခဲ့သည်ဟု သိ၇သည်။

ရက္ခိုင့်တပ်တော်က ညီနောင် မဟာမိတ်(၃) ဖွဲ့ထဲမှ တစ်ဖွဲ့ဖြစ်ပြီး စာနာစိတ်အပြည့်ဖြင့် တတ်နိုင်သည်များကို တစ်ဖွဲ့ချင်း အလိုက်သော်လည်းကောင်း၊ညီနောင်မဟာမိတ် (၃) ဖွဲ့အနေဖြင့်သော်လည်းကောင်းအကောင်းဆုံးပံ့ပိုးကူညီပေးသွားပါမည်ဟု ဆက်လက်ဖော်ပြထားသည်။

မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။

လှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

ရှမ်းမြောက်တွင် စစ်ဘေးရှောင်ပြည်သူများအား ရက္ခိုင့်တပ်တော် တနိုင်တပိုင် ကူညီ

ဆက်စပ် အကြောင်းအရာများ

နောက်ဆုံးရသတင်းများ