ကြာသပတေး၊ ဧပြီလ ၁၈ရက်၊ ၂၀၂၄

ဘူးသီးတောင် တောင်ပိုင်းမှ စစ်ကောင်စီ နယ်ခြား‌စောင့်စခန်းများ ဆက်လက်စခန်းစွန့်ခွာ


  • ရေးသူ: Web Master (NN 11)
  • | ရက်စွဲ: ၂၃ ဇန်နဝါရီ ၂၀၂၄
  • | ကြည့်ရှုသူ: 1.5k

ရက္ခိုင့်တပ်တော် (AA) တိုက်ခိုက်မည်ကို ကြောက်လန့်၍ ဘူးသီးတောင်မြို့နယ် တောင်ပိုင်းမှ စစ်ကောင်စီ၏ နယ်ခြား‌စောင့်ရဲစခန်းများသည် ဆက်လက်ပြီး စခန်းစွန့်ခွာသွားကြသည်ဟု သတင်းရရှိသည်။

၎င်းစခန်းများမှာ ဘူးသီးတောင်မြို့နယ် တောင်ပိုင်းရှိ ဖရုံချောင်းနယ်ခြား စောင့်စခန်း၊ ငှက်‌ပျောချောင်း နယ်ခြားစောင့်စခန်း၊ ဘုရားပေါ်တောင်နှင့် သပိတ်တောင် နယ်ခြားစောင့် စခန်းတို့ဖြစ်ကြသည်။

၎င်းပြင်အင်အား ၁၀၀ ခန့်ရှိသည့် ညောင်ချောင်းနယ်ခြား‌ စောင့်ရဲစခန်းလည်း ဇန်နဝါရီ ၂၂ ရက် ည ၈ နာရီခန့်က စခန်းစွန့်ခွထွက်ပြေးသွားခဲ့ကြသည်။

ဘူးသီးတောင်မြို့နယ် ဒေသခံ ကျေးရွာသားတစ်ဦးက  " မနေ့ညက ၁၀နာရီဝန်းကျင်လောက်မှာ စခန်းတွေကနေ စွန့်ခွာသွားတယ်လို့ သိရတယ်။ သူတို့စခန်းစွန့်သွားတုန်းက ငှက်ပျောချောင်းဖက်က ပစ်ခတ်သံတွေ ထွက်ပေါ်ခဲ့တယ်" ဟု  နိရဉ္စရာသတင်းဌာနကိုပြောသည်။

၎င်းစစ်ကောင်စီတပ်ဖွဲ့ဝင်များသည် ဘူးသီးတောင်မြို့နယ်ရှိ အမှတ်(၈)နယ်ခြားစောင့်ရဲတပ်ဖွဲ့ခွဲ (နခခ-၈)ထံ ပူးပေါင်းသွားကြသည်ဟု၎င်းဒေသခံကပြောသည်။

" ကျနော်တို့သိရသလောက်တော့ အနီးအနားက  နခခ(၈)နယ်ခြားစောင့်ရဲစခန်းကို သွားပူးပေါင်းတယ်လို့ သိရတယ်" ဟုပြောသည်

ဘူးသီးတောင်မြို့နယ်တွင် စကခ (၁၅) အပါအဝင် စစ်ကောင်စီနယ်ခြားစောင့်တပ်နှင့် စစ်တပ် တပ်ရင်း ဆယ်နှင့်ချီပြီး အခြေစိုက်ထားသော မြို့တစ်ခုဖြစ်သော်လည်း ရက္ခိုင့်တပ်တော် ဝင်တိုက်မည်ကို အထူးစိုးရိမ်နေကြသည်ဟု ဒေသခံများက ပြောကြားသည်။ (NN-11) 

ဆက်စပ် သတင်းများ